ពត៌មានសន្តិសុខ​ និង​ សង្គម

លោកឧត្តមសេនីយ៍ទោ សិទ្ធិ ឡោះ ប្រជុំដាក់ចេញផែនការដល់កម្លាំងនគរបាលទូទាំងខេត្ត ពង្រឹងការងារសន្តិសុខ សណ្តាប់ធ្នាប់ និងសុវត្ថិភាពសង្គម ខេត្តបន្ទាយមានជ័យ ៖ អនុវត្តតាមការដឹកនាំបញ្ជាដ៏ខ្ពង់ខ្ពស់របស់ ឯកឧត្តម នាយឧត្តមសេនីយ៍ ស ថេត អគ្គស្នងការនគរបាលជាតិ នៅព្រឹកថ្ងៃទី​ ០១ ខែធ្នូ ឆ្នាំ​ ២០២៥ លោកឧត្តមសេនីយ៍ទោ សិទ្ធិ ឡោះ ស្នងការដ្ឋាននគរបាលខេត្តបន្ទាយមានជ័យ បានអញ្ជើញដឹកនាំកិច្ចប្រជុំផ្សព្វផ្សាយផែនការ ការងារចាំបាច់ចំពោះមុខ និងផែនការការពារសន្តិសុខ សណ្តាប់ធ្នាប់ និងសុវត្ថិភាពសង្គម ដល់ថ្នាក់ដឹកនាំ និងកម្លាំងនគរបាលក្រោមឱវាទទូទាំងខេត្ត។ ក្នុងកិច្ចប្រជុំពិភាក្សាផែនការនេះ លោកឧត្តមសេនីយ៍ទោ សិទ្ធិ ឡោះ បានដាក់ចេញចំណុចសំខាន់ៗជាច្រើន ស្នើឲ្យកងកម្លាំងនគរបាលទូទាំងខេត្ត ត្រូវពង្រឹងការងារបង្ការ និងបង្ក្រាបបទល្មើសគ្រប់ប្រភេទ បង្កើនការចុះត្រួតពិនិត្យរដ្ឋបាលពេលរាត្រីតាមដងផ្លូវ និងតំបន់ភូមិសាស្ត្រដែលងាយកើតមានបទល្មើស ដើម្បីការពារ និងថែរក្សាសុវត្ថិភាពសង្គមសម្រាប់ប្រជាពលរដ្ឋ។ មួយផ្នែកទៀត លោកឧត្តមសេនីយ៍ទោ ស្នងការ ក៏បានបញ្ជាក់ឲ្យកម្លាំងនគរបាលរាល់ថ្នាក់ ត្រូវអត់ឱនមិនបានចំពោះការផ្សព្វផ្សាយព័ត៌មានក្លែងក្លាយ ដែលបង្ករឱ្យមានការចលាចលប៉ះពាល់ដល់សន្តិសុខជាតិ និងសង្គម។ ដូចនេះ កម្លាំងត្រូវសហការជិតស្និទ្ធជាមួយអាជ្ញាធរមូលដ្ឋាន ដើម្បីទប់ស្កាត់ និងបង្ក្រាបសកម្មភាពបែបនេះឲ្យទាន់ពេលវេលា។ អមដោយនេះ…

ក្រោយភ្លៀងមេឃស្រលះ! អ្នកសារព័ត៌មាន សុំទោស និងធ្វើកិច្ចសន្យា ៤ចំណុច ជូន​មេបញ្ជាការ​កងរាជអាវុធហត្ថលើផ្ទៃប្រទេស នៅរសៀល​ថ្ងៃទី ៣០ ខែ​វិច្ឆិកា ឆ្នាំ ២០២៥ ក្រោយភ្លៀងធ្លាក់ចុះធ្វើឲ្យមេឃស្រលះឡើងវិញ  លោក ផែង វណ្ណៈ (អ្នកសារព័ត៌មាន) បានទទួល​ការ​អនុញ្ញាតិ​ពី ឯកឧត្តម​នាយឧត្តមសេនីយ៍ សៅ សុខា អគ្គមេបញ្ជាការ​រង​នៃ​កងយោធពល​ខេមរភូមិន្ទ និងជា​មេបញ្ជាការ​កងរាជអាវុធហត្ថលើផ្ទៃប្រទេស ចូលជួបពិភាក្សា និងសុំទោសជាផ្លូវការ។ ក្នុងកិច្ចជួបប្រជុំមានការចូលរួមពី​មេបញ្ជាការដ្ឋាន​កងរាជអាវុធហត្ថលើផ្ទៃប្រទេស និងមន្ត្រីពាក់ព័ន្ធ ជាមួយបរិយាកាសស្និទ្ធស្នាល និងយោគយល់ល្អ។ ក្នុងឱកាសនោះ លោក ផែង វណ្ណៈ បានបញ្ជាក់ថា ខ្លួន​បានប្រើ​ពាក្យសម្តីមួយចំនួន ដែលមាន «ចន្លោះប្រហោង» និងអាចនាំឲ្យកើតការយល់ច្រឡំ កក៏ដូចជាប៉ះពាល់​ដល់​តម្លៃ​សិលធម៌ និងកេរ្តិ៍ឈ្មោះ​នៃស្ថាប័ន​កងរាជអាវុធហត្ថ។ ដើម្បីបង្ហាញពីទឹកចិត្តទូលមកវិញ និងការយល់ឃើញច្បាស់លាស់លើកម្រិត​ភារកិច្ចវិជ្ជាជីវៈ អ្នកសារព័ត៌មានបានធ្វើ កិច្ចសន្យា​ចំនួន ៤ ចំណុច ជូន​ដល់​បញ្ជាការដ្ឋាន​កងរាជអាវុធហត្ថលើផ្ទៃប្រទេស រួមមាន៖ បន្ត​រាយការណ៍ព័ត៌មាន​ដោយគោរពតាមបញ្ញត្តិច្បាប់ និងក្រមសីលធម៌វិជ្ជាជីវៈអ្នកសារព័ត៌មាន។ មិនប្រើ​ពាក្យសម្តី ឬ​អត្ថបទណា ដែលអាចបង្កអយុត្តិធម៌ ឬប៉ះពាល់ដល់​កេរ្តិ៍ឈ្មោះ​ស្ថាប័នកម្លាំងសន្តិសុខឡើយ។ សហការ​ជិតស្និទ្ធ​ជាមួយ​អង្គភាពពាក់ព័ន្ធ ក្នុងការផ្ដល់…

សង្វៀនបញ្ជាល់មាន់ដុះស្លែ និងល្បែងស៊ីសងខុសច្បាប់ ត្រូវបានបើកដំណើរការឡើងវិញ ក្រោមភាពស្ងៀមស្ងាត់របស់សមត្ថកិច្ចមូលដ្ឋាន ខេត្តស្វាយរៀង ៖ ប្រជាពលរដ្ឋរស់នៅតាមខ្សែបន្ទាត់ព្រំដែន ភូមិសំរោង ស្រុកចន្ទ្រា ខេត្តស្វាយរៀង បានបញ្ជាក់ឲ្យសារព័ត៌មានដឹងថា កន្លែងបញ្ជាល់មាន់ដុះស្លែ និងល្បែងស៊ីសងខុសច្បាប់ផ្សេងៗទៀត នៅតំបន់ព្រំដែនសំរោង បានចាប់ផ្តើមបើកដំណើរការឡើងវិញយ៉ាងក្តៅគគុក។ តាមប្រភពព័ត៌មានឃើញថា សង្វៀនបញ្ជាល់មាន់ខ្នាចធំមួយចំនួន កំពុងទាក់ទាញពលរដ្ឋខ្មែរ និងជនជាតិវៀតណាម ឲ្យលំហូរចូលលេង និងចាក់ភ្នាល់ស៊ីសងតាមច្រកតំបន់ព្រំដែនសំរោងរៀងរាល់ថ្ងៃ។ ល្បែងខ្លះមានការប៉ាស់ព័រ (បង់ភ្នាល់ជាផ្លូវការ ក្នុងបរិយាកាសមើលទៅដូចជាមានការការពារខ្លះៗ) ខ្លះវិញអត់បាស់ព័រ តែត្រូវបានប្រតិបត្តិយ៉ាងពេញបន្ទុក ធ្វើឲ្យតំបន់នោះក្លាយជាគន្លងល្បែងស៊ីសងមិនបានអនុញ្ញាត។ បន្ថែមពីនេះ ប្រភពប្រជាពលរដ្ឋបានឲ្យដឹងថា កាសុីណូ «៦៧» នៅតំបន់ព្រំដែនខាងលើ ដែលមុននេះត្រូវបានបិទបណ្ដោះអាសន្ន តែលើកក្រោយនេះបានចាប់ផ្តើមបើកដំណើរការយ៉ាងរលូនវិញហើយ។ ការបើកដំណើរការឡើងវិញរបស់កាសុីណូ និងសង្វៀនបញ្ជាល់មាន់ បានបង្កការព្រួយបារម្ភចំពោះប្រជាពលរដ្ឋថា ល្បែងស៊ីសងខុសច្បាប់អាចប៉ះពាល់ដល់សុវត្ថិភាព សណ្តាប់ធ្នាប់សង្គម និងជីវភាពសេដ្ឋកិច្ចគ្រួសារ។ ក្នុងឱកាសនោះដែរ ប្រជាពលរដ្ឋមួយចំនួនសង្កត់ធ្ងន់លើការសង្ស័យថា អ្នកដែលហ៊ានបើកល្បែងបញ្ជាល់មាន់ខ្នាចធំ និងល្បែងស៊ីសងខុសច្បាប់ជាច្រើនប្រភេទទៀត ប្រហែលជាមាន «ខ្នងបង្អែករឹងមាំ» នៅពីក្រោយ ទើបសមត្ថកិច្ចពាក់ព័ន្ធមូលដ្ឋាន និងអធិការដ្ឋាននគរបាលស្រុកចន្ទ្រា មិនហ៊ានចូលរំខាន ឬចាត់វិធានការណ៍ណាមួយឡើយ។ ប្រជាពលរដ្ឋបានអំពាវនាវឲ្យក្រសួង និងសមត្ថកិច្ចកំពូលពាក់ព័ន្ធ ជាពិសេស ឧត្ដមសេនីយ៍ទោ…

អាវុធហត្ថរាជធានីភ្នំពេញ ឆ្មក់បង្ក្រាបក្រុមក្មេងទំនើងបង្ហោះម៉ូតូលើផ្លូវសាធារណៈ ចាប់បាន ០៦នាក់ និងដកហូតម៉ូតូ ៣គ្រឿង ភ្នំពេញ៖ នៅវេលាម៉ោង ១២និង១០នាទី ថ្ងៃទី២៩ ខែវិច្ឆិកា ឆ្នាំ២០២៥ កម្លាំងកងរាជអាវុធហត្ថរាជធានីភ្នំពេញ ប្រចាំមូលដ្ឋានខណ្ឌដង្កោ បានดำเนินការឆ្មក់បង្ក្រាបក្រុមក្មេងទំនើងមួយក្រុម ដែលតែងធ្វើសកម្មភាពបង្ហោះម៉ូតូនៅលើផ្លូវសាធារណៈ ក្បែរវត្តជើងឯក ស្ថិតក្នុងភូមិជើងឯក សង្កាត់ជើងឯក ខណ្ឌដង្កោ រាជធានីភ្នំពេញ។ ក្នុងសកម្មភាពនេះ កម្លាំងអាវុធហត្ថបានឃាត់ខ្លួនក្មេងទំនើងចំនួន ០៦នាក់ភ្លាមៗ និងដកហូតយកម៉ូតូចំនួន ០៣គ្រឿង នាំមករក្សាទុករយៈពេល ០៣ខែ នៅទីបញ្ជាការ​កងរាជអាវុធហត្ថរាជធានីភ្នំពេញ។ មូលហេតុនៃការឆ្មក់បង្ក្រាប បណ្ដាលមកពីក្រុមក្មេងទំនើងលើកលែងធ្វើសកម្មភាពបង្ហោះម៉ូតូ បង្កការរំខានដល់សណ្តាប់ធ្នាប់សាធារណៈ ប៉ះពាល់ដល់ការសិក្សា បណ្ដាលឲ្យបំផ្លាញទ្រព្យសម្បត្តិ កិត្តិយសគ្រួសារ និងបង្កការភ័យខ្លាចដល់ប្រជាពលរដ្ឋជុំវិញ ព្រមទាំងបង្កើតភាពអនាធិបតេយ្យក្នុងសង្គម។ បន្ទាប់ពីឃាត់ខ្លួនក្មេងទំនើងទាំង ០៦នាក់ កម្លាំងអាវុធហត្ថបានធ្វើការអប់រំ និងឲ្យធ្វើកិច្ចសន្យាច្បាស់លាស់ក្នុងការបញ្ឈប់រាល់សកម្មភាពទំនើង និងការបង្ហោះម៉ូតូនៅលើផ្លូវសាធារណៈ ដើម្បីមិនឲ្យកើតឡើងម្ដងទៀត។ ការបង្ក្រាបនេះគឺបន្តតាមការប្រកាសនិងបទបញ្ជាដ៏ម៉ឺងម៉ាត់ របស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា ដែលបានផ្តោតលើយុទ្ធនាការបង្រ្កាបក្មេងទំនើង ឲ្យអនុវត្តវិធានការទាំងផ្នែករដ្ឋបាល និងផ្នែកច្បាប់យ៉ាងតឹងរឹង។ ជាពិសេស ចំពោះករណីក្មេងទំនើងបង្ហោះម៉ូតូនៅលើផ្លូវសាធារណៈ ត្រូវដកហូតយកម៉ូតូរក្សាទុករយៈពេល…

ឧបនាយករដ្ឋមន្ត្រី សាយ សំអាល់៖ «ក្រសួងកំពុងខិតខំជាមួយក្រុមហ៊ុន ឡេង ណាវ៉ាត្រា ដោះស្រាយបណ្ណកម្មសិទ្ធិផ្ទះ-ដី មិនមានការគេចវេសឡើយ» ភ្នំពេញ៖ នាព្រឹកថ្ងៃ​ទី២៧ ខែវិច្ឆិកា ឆ្នាំ២០២៥ ឧបនាយករដ្ឋមន្ត្រី សាយ សំអាល់ រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ បានបញ្ជាក់ថា ក្រុមការងារក្រសួងកំពុងខិតខំប្រឹងប្រែងសហការជាមួយ​ក្រុមហ៊ុន ឡេង ណាវ៉ាត្រា ក្នុងការដោះស្រាយបញ្ហាបណ្ណកម្មសិទ្ធិផ្ទះ-ដី និងបន្តប្រគល់បណ្ណកម្មសិទ្ធិជូនអតិថិជនតាមដំណាក់កាល មិនមានការគេចវេស ឬបាត់ខ្លួនទៅកន្លែងណាមែនទេ។ លោកឧបនាយករដ្ឋមន្ត្រី បានថ្លែងអំពីបញ្ហានេះ ក្នុងឱកាសអញ្ជើញជាអធិបតី នៅក្នុងកម្មវិធីសំណេះសំណាល និងចែកបណ្ណកម្មសិទ្ធិអចលនវត្ថុចំនួន ២,៤៦៣បណ្ណ ជូនដល់អតិថិជនគម្រោងផ្ទះ និងដីឡូត៍ ឡេង ណាវ៉ាត្រា ជ្រែមួយរយ និងគម្រោងផ្លូវជាតិលេខ ៦អា ដែលจัดឡើងនៅទីស្តីការក្រសួងរៀបចំដែនដី នគរូបនីយកម្ម និងសំណង់ មានអតិថិជនរាប់រយនាក់អញ្ជើញចូលរួម ទទួលយកបណ្ណកម្មសិទ្ធិរបស់ខ្លួនក្នុងមន្តររៀបរប់ និងស្នាមញញឹម។ ឧបនាយករដ្ឋមន្ត្រី សាយ សំអាល់ បានសូមអភ័យទោសជូនដល់អតិថិជនទាំងអស់ ចំពោះបញ្ហា និងការលំបាកដែលបានកើតមានក្នុងអតីតកាល ព្រមទាំងលើកទឹកចិត្តឲ្យបងប្អូន ដែលទទួលបានបណ្ណកម្មសិទ្ធិទាំងនេះ ចេះសហការរស់នៅដោយជាសហគមន៍ និងជាភូមិល្អ…

ស្នងការដ្ឋាននគរបាលខេត្តបន្ទាយមានជ័យ បូកសរុបលទ្ធផលកិច្ចប្រតិបត្តិការ ឆ្នាំ២០២៥ និងដាក់ចេញទិសដៅការងារ ឆ្នាំ២០២៦ ខេត្តបន្ទាយមានជ័យ ៖ នាព្រឹកថ្ងៃព្រហស្បតិ៍ ទី២៧ ខែវិច្ឆិកា ឆ្នាំ២០២៥ នៅស្នងការដ្ឋាននគរបាលខេត្តបន្ទាយមានជ័យ បានប្រារព្ធពិធីសន្និបាតបូកសរុបសភាពការណ៍ និងលទ្ធផលកិច្ចប្រតិបត្តិការ​ប្រចាំឆ្នាំ២០២៥ និងដាក់ចេញទិសដៅការងារ​សម្រាប់ឆ្នាំ២០២៦ ព្រមទាំងផ្តល់ប័ណ្ណសរសើរដល់មន្ត្រីនគរបាលជាតិ ដែលមានសមិទ្ធផលលេចធ្លោ ក្នុងកិច្ចការពារសន្តិសុខសុវត្ថិភាពសង្គម។ ពិធីសន្និបាតដ៏ស្និទស្នាលនេះ មានកិត្តិយសអធិបតី​ដោយ ឯកឧត្តម ឧត្តមសេនីយ៍ឯក សម វណ្ណវីរៈ អគ្គស្នងការរងនគរបាលជាតិ តំណាងដ៏ខ្ពង់ខ្ពស់​ឯកឧត្តម នាយឧត្តមសេនីយ៍ ស ថេត អគ្គស្នងការនគរបាលជាតិ។ ក្នុងពិធីក៏មានការចូលរួមពី ឯកឧត្តម អ៊ុំ រាត្រី អភិបាលខេត្តបន្ទាយមានជ័យ លោកឧត្តមសេនីយ៍ទោ សិទ្ធិ ឡោះ ស្នងការនគរបាលខេត្តបន្ទាយមានជ័យ លោក លោកស្រីឧត្តមសេនីយ៍ និងវរសេនីយ៍ ប្រតិភូអមដំណើរ ស្នងការរង នាយការិយាល័យជំនាញ អធិនគរបាលក្រុង/ស្រុកទាំង៩ មេបញ្ជាការវរសេនាតូចនគរបាលការពារព្រំដែនគោកទាំង៤ និងនាយប៉ុស្តិ៍នគរបាលរដ្ឋបាលឃុំ/សង្កាត់​ទាំង៦៧។ ក្នុងឱកាសនោះ លោកឧត្តមសេនីយ៍ទោ សិទ្ធិ ឡោះ បានរំពឹងរំលឹក និងរាយការណ៍អំពីលទ្ធផលកិច្ចប្រតិបត្តិការ​ក្នុងឆ្នាំ២០២៥ ដោយបញ្ជាក់ថា…

នាយឧត្តមសេនីយ៍ សៅ សុខា បង្កើតក្រុមការងារត្រួតពិនិត្យសកម្មភាពមិនប្រក្រតី នៃកងរាជអាវុធហត្ថខេត្តក្រចេះ រាជធានីភ្នំពេញ៖ នាយឧត្តមសេនីយ៍ សៅ សុខា អគ្គមេបញ្ជាការរង នៃកងយោធពលខេមរភូមិន្ទ និងជាមេបញ្ជាការ​កងរាជអាវុធហត្ថលើផ្ទៃប្រទេស បានចេញសេចក្តីសម្រេចមួយ បង្កើត ក្រុមការងារចំពោះកិច្ច ដើម្បី​ធ្វើអធិការកិច្ច និងត្រួតពិនិត្យលើ សកម្មភាពមិនប្រក្រតី ក្នុងការប្រតិបត្តិ​តួនាទី និងភារកិច្ចរបស់​មេបញ្ជាការកងរាជអាវុធហត្ថ​ខេត្តក្រចេះ។ ក្រុមការងារថ្មីនេះ មានភារកិច្ចស៊ើបអង្កេត និងវិភាគលម្អិតលើសកម្មភាព គំនិត ឬអំពើណាមួយ ដែលអាចជះឥទ្ធិពលប៉ះពាល់ដល់វិន័យ ឆន្ទៈស្មោះត្រង់ និងភាពគោរពច្បាប់របស់កងរាជអាវុធហត្ថ​ជាតិ ។ សេចក្តីសម្រេចនេះ បង្ហាញពី ឆន្ទៈខ្ជាប់ខ្ជួនរបស់ឥស្សរិយសម្តេច និងយោធពលខេមរភូមិន្ទ ក្នុងការកែច្នៃកិច្ចការគ្រប់គ្រង បង្កើនវិន័យ និងភាពថ្លៃថ្នូររបស់កងរាជអាវុធហត្ថ ឲ្យកាន់តែរឹងមាំ ទុកជាគ្រឹះសម្រាប់ការពារ សន្តិសុខ សណ្តាប់ធ្នាប់ និងសុវត្ថិភាពសង្គមជាតិ។ បន្ទាប់ពីបង្កើតក្រុមការងារនេះ ការធ្វើអធិការកិច្ច និងត្រួតពិនិត្យលម្អិត ត្រូវបានរំពឹងថា នឹងជួយកំណត់ច្បាស់លាស់លើកំហុសឬអំពើមិនត្រឹមត្រូវ ដើម្បីចាត់វិធានតាមច្បាប់ និងតាមវិន័យយោធាច្បាស់លាស់ ក៏ដូចជាជួយលើកកម្ពស់ភាពទុកចិត្តរបស់ប្រជាពលរដ្ឋចំពោះកងរាជអាវុធហត្ថជាតិកាន់តែខ្លាំងឡើង៕

លោកឧត្តមសេនីយ៍ទោ ឆឹង កុមារ និងលោកស្រីឧត្តមសេនីយ៍ត្រី ផៃ សាវួន ដឹកនាំក្រុមការងារចុះសួរសុខទុក្ខ អនុសេនីយ៍ឯក ជា សត្យា វះកាត់សន្លាក់ត្រគាក រាជធានីភ្នំពេញ ៖ ដោយអនុវត្តតាមអនុសាសន៍ និងការយកចិត្តទុកដាក់ជាប្រចាំពី ឯកឧត្តម នាយឧត្តមសេនីយ៍ ស ថេត អគ្គស្នងការនគរបាលជាតិ ក្នុងព្រឹកថ្ងៃទី២៦ ខែវិច្ឆិកា ឆ្នាំ២០២៥ នេះ លោកឧត្តមសេនីយ៍ទោ ឆឹង កុមារ ប្រធានអង្គភាពតម្រួតបទបញ្ជា និងលោកស្រី ឧត្តមសេនីយ៍ត្រី ផៃ សាវួន អនុប្រធានអង្គភាព និងជាប្រធានក្រុមការងារយេនឌ័រ បានអញ្ជើញដឹកនាំក្រុមការងារចុះសួរសុខទុក្ខ លោកអនុសេនីយ៍ឯក ជា សត្យា ដែលកំពុងសម្រាកព្យាបាលបណ្តោះអាសន្នក្រោយវះកាត់សន្លាក់ត្រគាក ក្នុងមន្ទីរពេទ្យអង្គឌួង។ ក្នុងឱកាសនោះ លោកឧត្តមសេនីយ៍ទោ និងលោកស្រី បាននាំយកថវិកាជាអំណោយស្មារតីមួយចំនួន ប្រគល់ជូនលោកអនុសេនីយ៍ឯក ជា សត្យា និងគ្រួសារ ដើម្បីជួយសម្រួលបន្ទុកចំណាយព្យាបាល និងជាក្ដីលើកទឹកចិត្តឱ្យលោកមានកម្លាំងចិត្តក្នុងការបន្តព្យាបាលរហូតជាសះស្បើយ។ ក្រៅពីនេះ ក្រុមការងារបានសួរសុខទុក្ខ ស្វែងយល់ពីលក្ខខណ្ឌព្យាបាល និងផ្តល់ក្តីលើកទឹកចិត្តដល់មន្ត្រីដែលកំពុងបំពេញការងារព្យាបាល ឱ្យបន្តយកចិត្តទុកដាក់…

តាមការភ្ញាក់ផ្អើលរបស់ប្រជាពលរដ្ឋ និងប្រភពដែលរាយការណ៌ មកកាន់សារព័ត៌មាន បានឲ្យដឹងថា បច្ចុប្បន្នមាន ទីលានល្បែងស៊ីសង ទូបាញ់ត្រី រីករាលដាលយ៉ាងពេញបន្ទុក តាមខុនដូ សណ្ឋាគារ ផ្ទះសំណាក់ ម៉ាត ហាងម៉ាស្សា និងស្ប៉ា ជាច្រើនកន្លែងនៅក្នុងក្រុងព្រះសីហនុ ដែលសង្ស័យថា មិនមានច្បាប់អនុញ្ញាត និងកើតឡើងក្រោមភ្នែក មន្ត្រីមានសមត្ថកិច្ច ប៉ុន្តែហាក់ដូចជាមិនដឹង មិនលឺ និងមិនចាត់វិធានការបង្ក្រាបឡើយ ក្រុងព្រះសីហនុ ៖ ប្រភពមួយបានបញ្ជាក់ថា តំបន់ល្បែងទូបាញ់ត្រីនីមួយៗ មានប្រជាពលរដ្ឋចូលលេងយ៉ាងច្រើន ជាពិសេសជនជាតិខ្មែរ។ ក្នុងនោះ ទីតាំងទី១ ស្ថិតនៅក្រោយសាលារៀនកម្មករ ជិតសណ្ឋាគារទាន់សម័យ យីហោ ហ័រ យូ ជាវ ឌាន និង ទីវួយ ម៉ាស្សា & ស្ប៉ា នៅក្នុងសង្កាត់លេខ ៤ ក្រុងព្រះសីហនុ ទីតាំងទី២ ស្ថិតនៅយីហោ គុជ អាសុី ខាងក្រោយ ទាអំពង ក្នុងសង្កាត់លេខ ៣ ក្រុងព្រះសីហនុ ប្រជាពលរដ្ឋមួយចំនួនបានលើកឡើងដោយព្រួយបារម្ភថា…

ឧត្តមសេនីយ៍ឯក រ័ត្ន ស្រ៊ាង អញ្ជើញចុះសួរសុខទុក្ខ និងនាំយកអំណោយឧបត្ថម្ភជូនដល់ គ្រួសាររងគ្រោះដោយអគ្គិភ័យ ក្នុងសង្កាត់ជើងឯក ខណ្ឌដង្កោ! នារសៀល ថ្ងៃទី២៣ ខែវិច្ឆិកា ឆ្នាំ២០២៥ ឯកឧត្តម ឧត្តមសេនីយ៍ឯក រ័ត្ន ស្រ៊ាង មេបញ្ជាការរង កងរាជអាវុធហត្ថលើផ្ទៃប្រទេស មេបញ្ជាការ កងរាជអាវុធហត្ថរាជធានីភ្នំពេញ និងជាប្រធានក្រុមការងាររាជរដ្ឋាភិបាលចុះជួយមូលដ្ឋានខណ្ឌដង្កោ និងមានការចូលរួមពី លោក ប៊ុន ណារុំ អភិបាលរង នៃគណៈអភិបាលខណ្ឌដង្កោ រួមនឹងក្រុមការងារ បាននាំយកអំណោយ ឧបត្ថម្ភ និងសួរសុខទុក្ខដល់ប្រជាពលរដ្ឋចំនួន១៩គ្រួសារ (មានចំនួន ១២ខ្នងផ្ទះ) ដែលត្រូវបានអគ្គិភ័យឆាបឆេះគេហដ្ឋាន កាលពីយប់ ថ្ងៃទី២១ ខែវិច្ឆិកា ឆ្នាំ២០២៥ នៅចំណុចផ្លូវលំ ស្ថិតក្នុងភូមិរលួស សង្កាត់ជើងឯក ខណ្ឌដង្កោ រាជធានីភ្នំពេញ។ ក្នុងឱកាសនោះ ឧត្តមសេនីយ៍ឯក រ័ត្ន ស្រ៊ាង បានចូលរួមសម្តែងនូវការសោកស្តាយ ចំពោះហេតុការណ៍អគ្គីភ័យដែលបានបំផ្លាញលំនៅឋាន និងទ្រព្យសម្បត្តិមានចំនួន ១២ខ្នងផ្ទះ ព្រមទាំងបាននាំយកអំណោយចែកជូនក្នុង០១គ្រួសារ ទទួលបាន ៖ អង្ករ០២ការុង,…