លោក Li Qiang នាយករដ្ឋមន្ត្រីចិនអញ្ជើញចូលរួមពិធីបើកពិព័រណ៍នាំចេញនាំចូលចិនលើកទី ១៤០ និងថ្លែងសុន្ទរកថាគន្លឹះ
#CCFR Comment#បទវិភាគ៖ទិន្នន័យពាណិជ្ជកម្មអន្តរជាតិលើសពីការប៉ាន់ប្រមាណទុកជាមុន ធ្វើដំណើរជាមួយប្រទេសចិនគឺធ្វើដំណើរជាមួយកាលានុវត្តភាព
ទស្សនាវដ្តី Qiushi ចុះផ្សាយអត្ថបទសំខាន់របស់លោក Xi Jinping អគ្គលេខាធិការមជ្ឈិមបក្សកុម្មុយនីស្តចិនដែលមានចំណងជើងថា«ជំរុញអភិបាលកិច្ចបក្សដោយតឹងរ៉ឹងគ្រប់ជ្រុងជ្រោយតាមរយៈស្តង់ដារកាន់តែខ្ពស់ និងវិធានការកាន់តែជាក់ស្តែង»
ខេត្តស្ទឹងត្រែង៖ រដ្ឋបាលខេត្តស្ទឹងត្រែង បានប្រារព្ធព្រះរាជពិធីថ្វាយមហាព្រះរាជកុសល និងគោរពព្រះវិញ្ញាណក្ខន្ធ «ព្រះបរមរតនកោដ្ឋ» នៃកម្ពុជា ក្នុងឱកាសគម្រប់ខួប១៤ឆ្នាំ នៃការយាងសោយព្រះទីវង្គតរបស់ព្រះករុណា ព្រះបាទសម្តេចព្រះ នរោត្តម សីហនុ ព្រះមហាវីរក្សត្រ ព្រះបរមរតនកោដ្ឋ នាថ្ងៃទី១៥ ខែតុលា ឆ្នាំ២០១២ ដល់ថ្ងៃទី១៥ ខែតុលា ឆ្នាំ២០២៦។ព្រះរាជពិធីនេះបានប្រារព្ធឡើងនៅថ្ងៃទី១៤ ខែតុលា ឆ្នាំ២០២៦ នៅបរិវេណព្រះមណ្ឌលព្រះរាជសកម្មភាព ស្ថិតក្នុងស្រុកបុរីអូរស្វាយសែនជ័យ ខេត្តស្ទឹងត្រែង ក្រោមអធិបតីភាពឯកឧត្តម សរ សុពុត្រា អភិបាលខេត្តស្ទឹងត្រែង ដោយមានការចូលរួមពីថ្នាក់ដឹកនាំ មន្ត្រីរាជការ ព្រះសង្ឃ និងប្រជាពលរដ្ឋក្នុងមូលដ្ឋាន ដើម្បីសម្តែងនូវកតញ្ញូតាធម៌ និងការដឹងគុណដ៏ជ្រាលជ្រៅចំពោះព្រះរាជបូជនីយកិច្ច និងព្រះរាជស្នាព្រះហស្តដ៏ឧត្តុង្គឧត្តមរបស់ព្រះអង្គ។ក្នុងឱកាសនោះ ឯកឧត្តម សរ សុពុត្រា បានមានប្រសាសន៍ថា កូនចៅ ចៅទួតខ្មែរគ្រប់រូប មិនអាចបំភ្លេចព្រះរាជស្នាព្រះហស្តរបស់ព្រះបរមរតនកោដ្ឋបានឡើយ។ ថ្នាក់ដឹកនាំគ្រប់លំដាប់ថ្នាក់ ព្រះសង្ឃ និងប្រជាពលរដ្ឋទូទាំងប្រទេស នៅតែចងចាំជានិច្ចនូវព្រះរាជគុណូបការៈដ៏ថ្លៃថ្លារបស់ព្រះអង្គ និងគោរពដឹងគុណចំពោះព្រះរាជបូជនីយកិច្ចក្នុងការបម្រើជាតិ សាសនា និងប្រជារាស្ត្រខ្មែរ។
ឯកឧត្តមអភិបាលខេត្តបានបន្តថា ទឹកដីស្រុកបុរីអូរស្វាយសែនជ័យ ខេត្តស្ទឹងត្រែង គឺជាទីតាំងប្រវត្តិសាស្ត្រមួយដែលព្រះបរមរតនកោដ្ឋ ព្រះមហាវីរក្សត្រ ព្រះបរមរតនកោដ្ឋ ព្រះរាជបិតាឯករាជ្យជាតិ បូរណភាពទឹកដី និងឯកភាពជាតិខ្មែរ បានយកព្រះទ័យទុកដាក់ក្នុងការកសាងសមិទ្ធផលនានា រួមមានស្តូបព្រះឆាយាល័ក្ខណ៍ និងបង្គោលប្រវត្តិសាស្ត្រនៃការអភិវឌ្ឍតាមផែនការប្រាំឆ្នាំ។ សមិទ្ធផលទាំងនេះបានបន្សល់ទុកជាមរតកប្រវត្តិសាស្ត្រដ៏មានតម្លៃសម្រាប់កូនចៅជំនាន់ក្រោយ ហើយត្រូវបានរាជរដ្ឋាភិបាលបន្តយកចិត្តទុកដាក់ថែរក្សារហូតមកដល់បច្ចុប្បន្ន។
ជាមួយគ្នានេះ លោក ផាន់ យុត អភិបាលស្រុកបុរីអូរស្វាយសែនជ័យ បានបញ្ជាក់ថា ប្រជាពលរដ្ឋក្នុងមូលដ្ឋាននៅតែបន្តចូលរួមអភិរក្ស និងថែរក្សាសមិទ្ធផលព្រះរាជស្នាព្រះហស្ត ព្រមទាំងទីតាំងប្រវត្តិសាស្ត្រដែលបានកកើតឡើងនៅតំបន់និគមជនអូរស្វាយ ដើម្បីរក្សាទុកជាមរតកសម្រាប់កូនចៅជំនាន់ក្រោយ។
សូមជម្រាបថា តំបន់និគមជនអូរស្វាយត្រូវបានបង្កើតឡើងនៅឆ្នាំ១៩៦២ ដោយមានប្រជាពលរដ្ឋចំនួន៦៨គ្រួសារបានមកតាំងទីលំនៅនៅទីនោះ។ បច្ចុប្បន្ន ទីតាំងដែលបន្សល់ទុកនូវព្រះរាជស្នាព្រះហស្ត និងស្នាដៃប្រវត្តិសាស្ត្ររបស់ព្រះបរមរតនកោដ្ឋ ត្រូវបានយកចិត្តទុកដាក់រៀបចំ និងថែរក្សាឱ្យបានល្អ ដើម្បីរក្សាតម្លៃប្រវត្តិសាស្ត្រ និងជំរុញការទាក់ទាញភ្ញៀវទេសចរឱ្យមកទស្សនាតំបន់នេះកាន់តែច្រើនថែមទៀត។
ព្រះរាជពិធីនេះ គឺជាការរំលឹកដល់ព្រះរាជគុណូបការៈ និងព្រះរាជស្នាព្រះហស្តដ៏ថ្លៃថ្លារបស់ព្រះបរមរតនកោដ្ឋ ព្រមទាំងជាការជំរុញឱ្យកូនចៅខ្មែរគ្រប់ជំនាន់បន្តស្រឡាញ់ ថែរក្សា និងអភិរក្សមរតកប្រវត្តិសាស្ត្រជាតិឱ្យបានគង់វង្ស។
ដោយ៖ កុល សារ័ត្ន សហការីរស្មីញូស៍ប្រចាំខេត្តស្ទឹងត្រែង
លោក Xi Jinping ប្រធានរដ្ឋចិនជួបពិភាក្សាជាមួយលោក Faure Essozimna Gnassingbéប្រធានក្រុមប្រឹក្សារដ្ឋមន្រ្តីនៃតូហ្គោ
នៅថ្ងៃទី១៣ ខែតុលា លោក Xi Jinping ប្រធានរដ្ឋចិនបានជួបពិភាក្សាជាមួយលោក Faure Essozimna Gnassingbéប្រធានក្រុមប្រឹក្សារដ្ឋមន្រ្តីនៃតូហ្គោ។ មេដឹកនាំទាំងពីររូបបានប្រកាសដំឡើងទំនាក់ទំនងទ្វេភាគីទៅជាសហគមន៍ជោគវាសនារួមចិន-តូហ្គោក្នុងយុគសម័យថ្មី។
លោក Xi Jinping ប្រធានរដ្ឋចិនជួបពិភាក្សាជាមួយលោក Duma Boko ប្រធានាធិបតីបុតស្វាណា
លោក Xi Jinping ប្រធានរដ្ឋចិនផ្ញើលិខិតអបអរសាទរចំពោះការបើកពិព័រណ៍នាំចេញនាំចូលចិនលើកទី ១៤០
ខួប៩០ ឆ្នាំ៖ ស្មារតីមហាដំណើរបំភ្លឺមាគ៌ាទំនើបកម្មតាមបែបផែនចិនក្នុងយុគសម័យថ្មី
កម្លាំងប៉ុស្តិ៍នគរបាលរដ្ឋបាលត្រពាំងក្រសាំង សម្របសម្រួលបញ្ចប់រឿងករណីអ្នកបើករថយន្តទះកំផ្លៀងអ្នកជិះម៉ូតូ ដោយភាគីទាំងសងខាងយល់ព្រមមិនប្តឹងផ្តល់គ្នា
រាជធានីភ្នំពេញ៖ នាព្រឹកថ្ងៃទី១៣ ខែតុលា ឆ្នាំ២០២៦ រដ្ឋបាលរាជធានីភ្នំពេញ បានរៀបចំវេទិកាផ្សព្វផ្សាយ និងពិគ្រោះយោបល់របស់ក្រុមប្រឹក្សារាជធានីភ្នំពេញ អាណត្តិទី៤ ឆ្នាំ២០២៦ នៅខណ្ឌដូនពេញ ក្រោមអធិបតីភាពឯកឧត្តម ជួប ខុន តំណាងដ៏ខ្ពង់ខ្ពស់ឯកឧត្តម ម៉ប់ សារិន ប្រធានក្រុមប្រឹក្សារាជធានីភ្នំពេញ ឯកឧត្តម គឹម សេតារា រដ្ឋលេខាធិការនៃទីស្តីការគណៈរដ្ឋមន្ត្រី និងជាអនុប្រធានក្រុមការងារថ្នាក់ជាតិចុះមូលដ្ឋានខណ្ឌដូនពេញ តំណាងដ៏ខ្ពង់ខ្ពស់ឯកឧត្តមសន្តិបណ្ឌិត ឆៃ ស៊ីណារិទ្ធ ទេសរដ្ឋមន្ត្រីទទួលបន្ទុកបេសកកម្មពិសេស និងជាប្រធានក្រុមការងារថ្នាក់ជាតិចុះមូលដ្ឋានខណ្ឌដូនពេញ ព្រមទាំងឯកឧត្តម សុខ ពេញវុធ អភិបាលរងនៃគណៈអភិបាលរាជធានីភ្នំពេញ តំណាងដ៏ខ្ពង់ខ្ពស់ឯកឧត្តម ឃួង ស្រេង អភិបាលនៃគណៈអភិបាលរាជធានីភ្នំពេញ។ វេទិកានេះប្រព្រឹត្តទៅនៅវិទ្យាស្ថានជាតិអប់រំ។
វេទិកានេះមានការអញ្ជើញចូលរួមពីឯកឧត្តម លោកជំទាវ សមាជិកក្រុមប្រឹក្សារាជធានីភ្នំពេញ លោក លោកស្រី ជាប្រធាន និងអនុប្រធានមន្ទីរ-អង្គភាពនានាជុំវិញរាជធានី សមាជិកក្រុមប្រឹក្សាខណ្ឌ គណៈអភិបាលខណ្ឌ គណៈនាយករដ្ឋបាលខណ្ឌ កងកម្លាំងប្រដាប់អាវុធទាំងបីប្រភេទ ប្រធាន និងអនុប្រធានការិយាល័យទាំង១១ ចៅសង្កាត់ទាំង១១ នាយនគរបាលប៉ុស្តិ៍ទាំង១១ ប្រធានទីរួមផ្សារទាំង៣ ព្រមទាំងប្រជាពលរដ្ឋយ៉ាងច្រើនកុះករ។
វេទិកាផ្សព្វផ្សាយ និងពិគ្រោះយោបល់នេះ មានគោលបំណងផ្តល់ឱកាសដល់ប្រជាពលរដ្ឋ និងអ្នកពាក់ព័ន្ធទាំងអស់ បានស្វែងយល់អំពីស្ថានភាពទូទៅនៃការអភិវឌ្ឍនៅរាជធានីភ្នំពេញ ខណ្ឌ និងសង្កាត់ ព្រមទាំងបញ្ហាប្រឈមនានាដែលបានកើតឡើងក្នុងមូលដ្ឋានកន្លងមក។
ជាមួយគ្នានេះ វេទិកាក៏ជាយន្តការដ៏សំខាន់មួយសម្រាប់ប្រជាពលរដ្ឋក្នុងការបញ្ចេញមតិ លើកឡើងពីក្តីកង្វល់ សំណូមពរ និងតម្រូវការជាក់ស្តែងនៅក្នុងមូលដ្ឋានរបស់ខ្លួន ដើម្បីឱ្យអាជ្ញាធរ និងមន្ទីរ-អង្គភាពពាក់ព័ន្ធបានទទួលព័ត៌មានដោយផ្ទាល់ ពិនិត្យពិចារណា និងចាត់វិធានការដោះស្រាយឱ្យបានសមស្រប និងទាន់ពេលវេលា។
ការរៀបចំវេទិកានេះបានបង្ហាញពីសារៈសំខាន់នៃការចូលរួមរបស់ប្រជាពលរដ្ឋក្នុងដំណើរការអភិវឌ្ឍមូលដ្ឋាន និងការលើកកម្ពស់ការទំនាក់ទំនងរវាងអាជ្ញាធរមូលដ្ឋាន និងប្រជាពលរដ្ឋ ដើម្បីឆ្លើយតបឱ្យកាន់តែមានប្រសិទ្ធភាពចំពោះតម្រូវការជាក់ស្តែង សំដៅរួមចំណែកធ្វើឱ្យការគ្រប់គ្រង និងការអភិវឌ្ឍនៅមូលដ្ឋានកាន់តែប្រសើរឡើង។
