ល្បែងស៊ីសងអនឡាញក្នុងខណ្ឌដូនពេញ រីកដុះដាលដូចផ្សិត សង្ស័យមានការបណ្ដែតបណ្ដោយពីអាជ្ញាធរមូលដ្ឋាន ភ្នំពេញ៖ ទីតាំងល្បែងស៊ីសងតាមអនឡាញជាច្រើនកន្លែងនៅក្នុងខណ្ឌដូនពេញ កំពុងដំណើរការយ៉ាងរលូន និងបើកលេងជាប្រចាំ ដោយមិនឃើញមានការរំខាន ឬចាត់វិធានការណ៍ណាមួយពីសមត្ថកិច្ច និងអាជ្ញាធរមូលដ្ឋានឡើយ ដែលធ្វើឲ្យមហាជនដាក់ការសង្ស័យពីការបណ្ដែតបណ្ដោយឱ្យបទល្មើសបន្តកើតមាន។ ជាក់ស្តែង ទីតាំងល្បែងស៊ីសងអនឡាញមួយកន្លែង ស្ថិតនៅផ្លូវលេខ ១៥ កែងផ្លូវលេខ ១១៨ សង្កាត់ផ្សារចាស់ ខណ្ឌដូនពេញ ត្រូវបានរាយការណ៍ថា បើកដំណើរការជាធម្មតា ២៤ម៉ោង ដោយមានការរៀបចំការពារយ៉ាងតឹងរឹង និងប្រើវិធីសាស្ត្របំភ័ន្តភ្នែកមហាជន ដោយធ្វើជាបិទទ្វារ ប៉ុន្តែនៅពេលមានភ្ញៀវ ឬ “ម៉ូយ” មកដល់ គេនឹងបើកទ្វារឱ្យចូលលេងយ៉ាងស្ងាត់ស្ងៀម។ ប្រភពពីប្រជាពលរដ្ឋនៅតំបន់នោះបានឲ្យដឹងថា ទីតាំងល្បែងស៊ីសងអនឡាញទាំងនេះ មានអ្នកមើលការខុសត្រូវ និងអ្នកយាមកាម ចាំមើលផ្លូវជាប្រចាំ ដើម្បីប្រយ័ត្នចំពោះអ្នកសង្ស័យថាលួចថតរូប ឬស៊ើបអង្កេត។ ក្នុងករណីមានការសង្ស័យណាមួយ គេបានប្រើសម្ដីកាចៗ និងអាកប្បកិរិយាមិនសមរម្យ បង្កឲ្យមានការភ័យខ្លាចដល់មហាជន។ ការបើកដំណើរការល្បែងស៊ីសងអនឡាញដោយគ្មានការរំខានបែបនេះ បានធ្វើឲ្យប្រជាពលរដ្ឋសង្ស័យថា ទីតាំងខាងលើអាចមានខ្នងបង្អែក ឬអំណាចមិនធម្មតា ទើបអាចបន្តសកម្មភាពខុសច្បាប់បានយ៉ាងអនាធិបតេយ្យ នៅកណ្ដាលរាជធានីភ្នំពេញ។ ពាក់ព័ន្ធនឹងករណីខាងលើនេះ អង្គភាពសារព័ត៌មានយើងខ្ញុំ មិនទាន់អាចទំនាក់ទំនងសុំការបំភ្លឺពីអាជ្ញាធរ និងសមត្ថកិច្ចពាក់ព័ន្ធបាននៅឡើយទេ។ ទោះជាយ៉ាងណាក៏ដោយ អង្គភាពសារព័ត៌មានយើងខ្ញុំ នៅតែរង់ចាំការឆ្លើយបញ្ជាក់បំភ្លឺពីគ្រប់ភាគីពាក់ព័ន្ធ ដើម្បីផ្សព្វផ្សាយជូនសាធារណជនឱ្យបានជ្រាប…

ខណ្ឌរដ្ឋបាលជលផលស្ទឹងត្រែង បង្ក្រាបបទល្មើសនេសាទខុសច្បាប់ឆ្នាំ២០២៥ ចាប់ឃាត់ជនសង្ស័យ ០៨ នាក់ បញ្ជូនទៅតុលាការ ខេត្តស្ទឹងត្រែង ៖ ក្នុងរយៈពេលមួយឆ្នាំ គិតត្រឹមឆ្នាំ២០២៥ ខណ្ឌរដ្ឋបាលជលផល នៃមន្ទីរកសិកម្ម រុក្ខាប្រមាញ់ និងនេសាទ ខេត្តស្ទឹងត្រែង បានអនុវត្តប្រតិបត្តិការចុះទប់ស្កាត់ និងបង្ក្រាបបទល្មើសនេសាទខុសច្បាប់ជាបន្តបន្ទាប់ ដោយសម្រេចបានលទ្ធផលគួរឲ្យកត់សម្គាល់ ក្នុងនោះបានចាប់ឃាត់ខ្លួនជនសង្ស័យចំនួន ០៨ នាក់ បញ្ជូនទៅតុលាការតាមនីតិវិធីច្បាប់ និងដកហូតឧបករណ៍នេសាទខុសច្បាប់ជាច្រើនសន្ធឹកសន្ធាប់។ លោកស្រី សម វិចិត្រ នាយខណ្ឌរដ្ឋបាលជលផលស្ទឹងត្រែង បានបង្ហាញរបាយការណ៍សរុបប្រចាំឆ្នាំ២០២៥ នៅថ្ងៃទី៧ ខែមករា ឆ្នាំ២០២៦ ឲ្យដឹងថា កម្លាំងមន្ត្រីជំនាញរដ្ឋបាលជលផលក្នុងខេត្ត បានសហការជាមួយប្រជាសហគមន៍នេសាទ ឆ្មាំទន្លេ ប៉ុស្តិ៍នគរបាលរដ្ឋបាល និងអាជ្ញាធរដែនដី ចុះប្រតិបត្តិការទប់ស្កាត់ អប់រំណែនាំ និងបង្ក្រាបបទល្មើសនេសាទខុសច្បាប់ បានជាច្រើនលើក និងច្រើនករណី។ ជាលទ្ធផល ប្រតិបត្តិការបង្ក្រាបបានចាប់ឃាត់ខ្លួនជនសង្ស័យចំនួន ០៨ នាក់ រៀបចំសំណុំរឿងបញ្ជូនទៅសាលាដំបូងខេត្តស្ទឹងត្រែង ហើយត្រូវបានតុលាការសម្រេចឃុំខ្លួនជាបណ្ដោះអាសន្ន នៅក្នុងពន្ធនាគារខេត្តស្ទឹងត្រែង។ ចំពោះវត្ថុតាង និងឧបករណ៍នេសាទខុសច្បាប់ ដែលត្រូវបានដកហូត រួមមាន៖ មង ប្រវែងសរុប…

ពិធីគោរពវិញ្ញាណក្ខន្ធ​​​​ ដើម្បីឧទ្ទិសកុសល​ ជូនដល់ជនរងគ្រោះ និងអតីតយុទ្ធជន ដែលបានបាត់បង់ជីវិត ក្នុងរបបប្រល័យពូជសាសន៍​ខ្មែរក្រហម (១៩៧៥-១៩៧៩) ភ្នំពេញ៖ នាព្រឹកថ្ងៃទី០៦ ខែមករា ឆ្នាំ២០២៦ នៅមជ្ឈមណ្ឌលប្រល័យពូជសាសន៍ជើងឯក បានរៀបចំពិធីគោរពវិញ្ញាណក្ខន្ធ និងឧទ្ទិសកុសល ដើម្បីរំលឹកដល់ជនរងគ្រោះ និងអតីតយុទ្ធជន យុទ្ធនារី ដែលបានបាត់បង់ជីវិតក្នុងរបបប្រល័យពូជសាសន៍ខ្មែរក្រហម (១៩៧៥–១៩៧៩) ដ៏យង់ឃ្នង។ ពិធីនេះដឹកនាំដោយ ឯកឧត្តម ឃុត ចាន់ដារ៉ា សមាជិកអចិន្ត្រៃយ៍គណៈកម្មាធិការកណ្តាល ស.ស.យ.ក. និងជាអនុប្រធានប្រចាំការ ស.ស.យ.ក. រាជធានីភ្នំពេញ តំណាង ឯកឧត្តម ហ៊ុន ម៉ានី ប្រធាន ស.ស.យ.ក. ដោយមានការចូលរួមពីសមាជិក សមាជិកា ស.ស.យ.ក. ជាច្រើនរូប។ ក្នុងឱកាសនោះ គណៈដឹកនាំ និងសមាជិក ស.ស.យ.ក. បានធ្វើពិធីគោរពវិញ្ញាណក្ខន្ធ ដាក់កម្រងផ្កានៅស្តូបតម្កល់អដ្ឋិធាតុជនរងគ្រោះនៃរបបខ្មែរក្រហម ព្រមទាំងនិមន្តព្រះសង្ឃធ្វើពិធីបង្សុកុល ឧទ្ទិសកុសលជូនដល់ជនរងគ្រោះ និងអតីតយុទ្ធជន យុទ្ធនារី ដែលបានពលីជីវិត ក្នុងបុព្វហេតុរំដោះប្រទេសជាតិពីរបបប្រល័យពូជសាសន៍ ដើម្បីនាំមកវិញនូវសិទ្ធិសេរីភាព សុខសន្តិភាព និងសេចក្តីសុខសាន្តជូនប្រជាជនកម្ពុជា។ ថ្លែងក្នុងពិធីនេះ…

ក្រសួងព័ត៌មានដឹកនាំអ្នកសារព័ត៌មានជាង ១០ អង្គភាព ចុះបំពេញបេសកកម្មយកព័ត៌មាននៅខេត្តបន្ទាយមានជ័យ ខេត្តបន្ទាយមានជ័យ៖ ចាប់តាំងពីថ្ងៃទី៣ ដល់ថ្ងៃទី៦ ខែមករា ឆ្នាំ២០២៦ ក្រសួងព័ត៌មាន បានសម្របសម្រួល និងដឹកនាំអ្នកសារព័ត៌មានជាង ១០ អង្គភាព រួមមាន វិទ្យុ ទូរទស្សន៍ កាសែត និងអង្គភាពសារព័ត៌មានអនឡាញ ចុះបំពេញបេសកកម្មនៅលើទឹកដីខេត្តបន្ទាយមានជ័យ ដើម្បីយកព័ត៌មានពាក់ព័ន្ធនឹងស្ថានភាពជនភៀសសឹក និងផលប៉ះពាល់ពីអំពើឈ្លានពានរបស់យោធាថៃ។ បេសកកម្មនេះផ្តោតសំខាន់លើការចុះពិនិត្យ និងប្រមូលព័ត៌មានជាក់ស្តែងអំពីការបំផ្លិចបំផ្លាញផ្ទះសម្បែង ប្រជាពលរដ្ឋ វត្តអារ៉ាម និងហេដ្ឋារចនាសម្ព័ន្ធផ្សេងៗ ដែលរងការខូចខាតដោយសារការប្រើកម្លាំងយោធាថៃ ព្រមទាំងសកម្មភាពដាក់ទូកុងតឺន័រ និងរាយបន្លាលួសនៅតាមតំបន់មួយចំនួន ក្រោយពេលមានបទឈប់បាញ់។ ក្នុងអំឡុងពេលបំពេញបេសកកម្ម អ្នកសារព័ត៌មានបានចុះទៅដល់តំបន់រងគ្រោះជាច្រើន រួមមាន តំបន់បឹងត្រកួន ភូមិជោគជ័យ តំបន់ព្រៃចាន់ និងក្រុងប៉ោយប៉ែត ជាដើម ដោយបានថតរូបភាព និងប្រមូលទិន្នន័យផ្ទាល់ពីស្ថានភាពពិតប្រាកដនៅទីតាំងកើតហេតុ។ ជាលទ្ធផល អត្ថបទព័ត៌មាន និងរូបភាពជាច្រើនត្រូវបានសរសេរ និងផ្សព្វផ្សាយទៅកាន់សាធារណជន ដើម្បីបង្ហាញការពិតអំពីការរងគ្រោះរបស់ប្រជាពលរដ្ឋកម្ពុជា និងស្ថានភាពនៅតាមតំបន់ព្រំដែន។ ក្នុងឱកាសនេះផងដែរ ក្រសួងព័ត៌មាន សូមថ្លែងអំណរគុណដល់បងប្អូនអ្នកសារព័ត៌មានទាំងអស់ ដែលបានចូលរួមយ៉ាងសកម្ម និងទទួលខុសត្រូវខ្ពស់ ក្នុងបេសកកម្មផ្តល់ព័ត៌មានពិត បង្ហាញសេចក្តីពិតជូនសាធារណជន និងសហគមន៍អន្តរជាតិអំពីការរងគ្រោះរបស់កម្ពុជា៕

បទវិភាគ៖ ប្រទេសចិនប្រកបដោយជំនឿចិត្តលើខ្លួនឯងនិងភាពបើកទូលាយនឹងបំពេញបន្ថែមនូវជំនឿចិត្តនិងកម្លាំងកាន់តែច្រើនដល់ពិភពលោក មុនពេលថ្ងៃចូលឆ្នាំថ្មីឆ្នាំសកល លោក Xi Jinping ប្រធានរដ្ឋចិនបានថ្លែងសុន្ទរកថាជូនពរឆ្នាំថ្មីឆ្នាំសកល ២០២៦ ។ តាមរយៈប្រសាសន៍ដែលពោរពេញទៅដោយភាពកក់ក្តៅនិងក្តីរំពឹងទុក សហគមន៍អន្តរជាតិបានទទួលអារម្មណ៍ពីការបោះជំហ៊ានទៅមុខដោយភាពមោះមុតជាមួយនឹងភាពតស៊ូដ៏អង់អាច សភាពការណ៍អភិវឌ្ឍន៍ដែលពោរពេញទៅដោយឧត្តមភាពនិងនិម្មាបនកម្មដែលបានធ្វើឱ្យកិច្ចសហប្រតិបត្តិការនិងប្រកបដោយភាពបើកទូលាយ ។ ប្រព័ន្ធផ្សព្វផ្សាយអន្តរជាតិបានផ្តោតសំខាន់លើជំនឿចិត្តនិងកម្លាំងរបស់ចិនដែលបានបង្ហាញឱ្យឃើញក្នុងសុន្ទរកថាជូនពរឆ្នាំថ្មីឆ្នាំសកលនេះ ។ ជំនឿចិត្តបែបនេះ គឺបានមកពីការបោះជំហានអភិវឌ្ឍន៍ដ៏រឹងមាំនិងខ្លាំងក្លារបស់ប្រទេសចិន ។ ក្នុងនាមជាអង្គភាពសេដ្ឋកិច្ចធំទីពីរលើពិភពលោក អំឡុងពេលឆ្នាំបញ្ចប់នៃការអនុវត្តផែនការអភិវឌ្ឍន៍ជាតិ ៥ ឆ្នាំទី ១៤ សេដ្ឋកិច្ចចិនបានពុះពារឧបសគ្គនិងបោះជំហានទៅមុខក្រោមសម្ពាធ ទទួលបានការអភិវឌ្ឍដែលឆ្ពោះទៅរកការច្នៃប្រឌិតថ្មីនិងគុណភាពថ្មី តាមការព្យាករណ៍ ល្បឿនកំណើននៃសេដ្ឋកិច្ចចិននឹងឈានដល់ប្រហែល ៥ ភាគរយ តាមការព្យាករណ៍ទំហំសេដ្ឋកិច្ចសរុបនឹងឡើងដល់ ១៤០ ទ្រីលានយាន់ប្រាក់ចិនដែលបន្តកាន់លំដាប់ថ្នាក់ឈានមុខក្នុងចំណោមអង្គភាពសេដ្ឋកិច្ចសំខាន់ៗលើពិភពលោក  ហើយអត្រារួមចំណែករបស់ប្រទេសចិនចំពោះកំណើនសេដ្ឋកិច្ចពិភពលោក គឺ ប្រហែល ៣០ ភាគរយដែលបានក្លាយជាក្បាលម៉ាស៊ីនជំរុញដ៏សំខាន់សម្រាប់អូសទាញការអភិវឌ្ឍសកលដែលកំពុងមានការធ្លាក់ចុះខ្លាំងឱ្យងើបឡើងវិញ ។ “ភាពវៃឆ្លាតសប្បនិម្មិតនិងម៉ូតែលធំទទួលបានការរីកចម្រើនឥតឈប់ឈរ ការសិក្សាស្រាវជ្រាវនិងអភិវឌ្ឍបន្ទះឈីបដោយភាពម្ចាស់ការទទួលបានសមិទ្ធផលជាផ្លែផ្ការថ្មី មនុស្សយន្តរូបរាងមនុស្សចេះសម្តែងក្បាច់គុនកុងហ៊្វូ ដ្រូនសម្តែងការបាញ់កាំជ្រួចចម្រុះពណ៌”–នេះគឺជាប្រសាសន៍របស់លោក Xi Jinping ប្រធានរដ្ឋចិនដែលបានថ្លែងក្នុងសុន្ទរកថាជូនពរឆ្នាំថ្មីឆ្នាំសកល ២០២៦ ដោយបានបកស្រាយប្រកបដោយភាពរស់រវើកនូវលក្ខណៈពិសេសយ៉ាងច្បាស់លាស់នៃសេដ្ឋកិច្ចចិនដែលឆ្ពោះទៅរកការច្នៃប្រឌិតថ្មី ។ យោងតាមរបាយការណ៍ដែលចេញផ្សាយដោយអង្គការកម្មសិទ្ធិបញ្ញាសកលលោកបង្ហាញថា សន្ទស្សន៍នវានុវត្តន៍របស់ប្រទេសចិនបានឈរនៅលំដាប់លេខ១០ ខាងមុខនៅលើពិភពលោកជាលើកដំបូង ។អ្នកវិភាគជាច្រើនកត់សម្គាល់ឃើញថា នៅពេលដែលប្រទេសចិនខំប្រឹងអភិវឌ្ឍកម្លាំងផលិតកម្មគុណភាពថ្មី ឧត្តមភាពនៃកំណើនថ្មីត្រូវបានបង្កើតជាបន្តបន្តាប់ដែលបានប្រមូលផ្តុំនូវកម្លាំងចលករដ៏គ្រប់គ្រាន់សម្រាប់ការអភិវឌ្ឍក្នុងរយៈពេលយូអង្វែង ។…