ពត៌មានសន្តិសុខ​ និង​ សង្គម

ខណ្ឌរដ្ឋបាលជលផលស្ទឹងត្រែង បង្ក្រាបបទល្មើសនេសាទខុសច្បាប់ឆ្នាំ២០២៥ ចាប់ឃាត់ជនសង្ស័យ ០៨ នាក់ បញ្ជូនទៅតុលាការ ខេត្តស្ទឹងត្រែង ៖ ក្នុងរយៈពេលមួយឆ្នាំ គិតត្រឹមឆ្នាំ២០២៥ ខណ្ឌរដ្ឋបាលជលផល នៃមន្ទីរកសិកម្ម រុក្ខាប្រមាញ់ និងនេសាទ ខេត្តស្ទឹងត្រែង បានអនុវត្តប្រតិបត្តិការចុះទប់ស្កាត់ និងបង្ក្រាបបទល្មើសនេសាទខុសច្បាប់ជាបន្តបន្ទាប់ ដោយសម្រេចបានលទ្ធផលគួរឲ្យកត់សម្គាល់ ក្នុងនោះបានចាប់ឃាត់ខ្លួនជនសង្ស័យចំនួន ០៨ នាក់ បញ្ជូនទៅតុលាការតាមនីតិវិធីច្បាប់ និងដកហូតឧបករណ៍នេសាទខុសច្បាប់ជាច្រើនសន្ធឹកសន្ធាប់។ លោកស្រី សម វិចិត្រ នាយខណ្ឌរដ្ឋបាលជលផលស្ទឹងត្រែង បានបង្ហាញរបាយការណ៍សរុបប្រចាំឆ្នាំ២០២៥ នៅថ្ងៃទី៧ ខែមករា ឆ្នាំ២០២៦ ឲ្យដឹងថា កម្លាំងមន្ត្រីជំនាញរដ្ឋបាលជលផលក្នុងខេត្ត បានសហការជាមួយប្រជាសហគមន៍នេសាទ ឆ្មាំទន្លេ ប៉ុស្តិ៍នគរបាលរដ្ឋបាល និងអាជ្ញាធរដែនដី ចុះប្រតិបត្តិការទប់ស្កាត់ អប់រំណែនាំ និងបង្ក្រាបបទល្មើសនេសាទខុសច្បាប់ បានជាច្រើនលើក និងច្រើនករណី។ ជាលទ្ធផល ប្រតិបត្តិការបង្ក្រាបបានចាប់ឃាត់ខ្លួនជនសង្ស័យចំនួន ០៨ នាក់ រៀបចំសំណុំរឿងបញ្ជូនទៅសាលាដំបូងខេត្តស្ទឹងត្រែង ហើយត្រូវបានតុលាការសម្រេចឃុំខ្លួនជាបណ្ដោះអាសន្ន នៅក្នុងពន្ធនាគារខេត្តស្ទឹងត្រែង។ ចំពោះវត្ថុតាង និងឧបករណ៍នេសាទខុសច្បាប់ ដែលត្រូវបានដកហូត រួមមាន៖ មង ប្រវែងសរុប…

ពិធីគោរពវិញ្ញាណក្ខន្ធ​​​​ ដើម្បីឧទ្ទិសកុសល​ ជូនដល់ជនរងគ្រោះ និងអតីតយុទ្ធជន ដែលបានបាត់បង់ជីវិត ក្នុងរបបប្រល័យពូជសាសន៍​ខ្មែរក្រហម (១៩៧៥-១៩៧៩) ភ្នំពេញ៖ នាព្រឹកថ្ងៃទី០៦ ខែមករា ឆ្នាំ២០២៦ នៅមជ្ឈមណ្ឌលប្រល័យពូជសាសន៍ជើងឯក បានរៀបចំពិធីគោរពវិញ្ញាណក្ខន្ធ និងឧទ្ទិសកុសល ដើម្បីរំលឹកដល់ជនរងគ្រោះ និងអតីតយុទ្ធជន យុទ្ធនារី ដែលបានបាត់បង់ជីវិតក្នុងរបបប្រល័យពូជសាសន៍ខ្មែរក្រហម (១៩៧៥–១៩៧៩) ដ៏យង់ឃ្នង។ ពិធីនេះដឹកនាំដោយ ឯកឧត្តម ឃុត ចាន់ដារ៉ា សមាជិកអចិន្ត្រៃយ៍គណៈកម្មាធិការកណ្តាល ស.ស.យ.ក. និងជាអនុប្រធានប្រចាំការ ស.ស.យ.ក. រាជធានីភ្នំពេញ តំណាង ឯកឧត្តម ហ៊ុន ម៉ានី ប្រធាន ស.ស.យ.ក. ដោយមានការចូលរួមពីសមាជិក សមាជិកា ស.ស.យ.ក. ជាច្រើនរូប។ ក្នុងឱកាសនោះ គណៈដឹកនាំ និងសមាជិក ស.ស.យ.ក. បានធ្វើពិធីគោរពវិញ្ញាណក្ខន្ធ ដាក់កម្រងផ្កានៅស្តូបតម្កល់អដ្ឋិធាតុជនរងគ្រោះនៃរបបខ្មែរក្រហម ព្រមទាំងនិមន្តព្រះសង្ឃធ្វើពិធីបង្សុកុល ឧទ្ទិសកុសលជូនដល់ជនរងគ្រោះ និងអតីតយុទ្ធជន យុទ្ធនារី ដែលបានពលីជីវិត ក្នុងបុព្វហេតុរំដោះប្រទេសជាតិពីរបបប្រល័យពូជសាសន៍ ដើម្បីនាំមកវិញនូវសិទ្ធិសេរីភាព សុខសន្តិភាព និងសេចក្តីសុខសាន្តជូនប្រជាជនកម្ពុជា។ ថ្លែងក្នុងពិធីនេះ…

ក្រសួងព័ត៌មានដឹកនាំអ្នកសារព័ត៌មានជាង ១០ អង្គភាព ចុះបំពេញបេសកកម្មយកព័ត៌មាននៅខេត្តបន្ទាយមានជ័យ ខេត្តបន្ទាយមានជ័យ៖ ចាប់តាំងពីថ្ងៃទី៣ ដល់ថ្ងៃទី៦ ខែមករា ឆ្នាំ២០២៦ ក្រសួងព័ត៌មាន បានសម្របសម្រួល និងដឹកនាំអ្នកសារព័ត៌មានជាង ១០ អង្គភាព រួមមាន វិទ្យុ ទូរទស្សន៍ កាសែត និងអង្គភាពសារព័ត៌មានអនឡាញ ចុះបំពេញបេសកកម្មនៅលើទឹកដីខេត្តបន្ទាយមានជ័យ ដើម្បីយកព័ត៌មានពាក់ព័ន្ធនឹងស្ថានភាពជនភៀសសឹក និងផលប៉ះពាល់ពីអំពើឈ្លានពានរបស់យោធាថៃ។ បេសកកម្មនេះផ្តោតសំខាន់លើការចុះពិនិត្យ និងប្រមូលព័ត៌មានជាក់ស្តែងអំពីការបំផ្លិចបំផ្លាញផ្ទះសម្បែង ប្រជាពលរដ្ឋ វត្តអារ៉ាម និងហេដ្ឋារចនាសម្ព័ន្ធផ្សេងៗ ដែលរងការខូចខាតដោយសារការប្រើកម្លាំងយោធាថៃ ព្រមទាំងសកម្មភាពដាក់ទូកុងតឺន័រ និងរាយបន្លាលួសនៅតាមតំបន់មួយចំនួន ក្រោយពេលមានបទឈប់បាញ់។ ក្នុងអំឡុងពេលបំពេញបេសកកម្ម អ្នកសារព័ត៌មានបានចុះទៅដល់តំបន់រងគ្រោះជាច្រើន រួមមាន តំបន់បឹងត្រកួន ភូមិជោគជ័យ តំបន់ព្រៃចាន់ និងក្រុងប៉ោយប៉ែត ជាដើម ដោយបានថតរូបភាព និងប្រមូលទិន្នន័យផ្ទាល់ពីស្ថានភាពពិតប្រាកដនៅទីតាំងកើតហេតុ។ ជាលទ្ធផល អត្ថបទព័ត៌មាន និងរូបភាពជាច្រើនត្រូវបានសរសេរ និងផ្សព្វផ្សាយទៅកាន់សាធារណជន ដើម្បីបង្ហាញការពិតអំពីការរងគ្រោះរបស់ប្រជាពលរដ្ឋកម្ពុជា និងស្ថានភាពនៅតាមតំបន់ព្រំដែន។ ក្នុងឱកាសនេះផងដែរ ក្រសួងព័ត៌មាន សូមថ្លែងអំណរគុណដល់បងប្អូនអ្នកសារព័ត៌មានទាំងអស់ ដែលបានចូលរួមយ៉ាងសកម្ម និងទទួលខុសត្រូវខ្ពស់ ក្នុងបេសកកម្មផ្តល់ព័ត៌មានពិត បង្ហាញសេចក្តីពិតជូនសាធារណជន និងសហគមន៍អន្តរជាតិអំពីការរងគ្រោះរបស់កម្ពុជា៕

បទវិភាគ៖ ប្រទេសចិនប្រកបដោយជំនឿចិត្តលើខ្លួនឯងនិងភាពបើកទូលាយនឹងបំពេញបន្ថែមនូវជំនឿចិត្តនិងកម្លាំងកាន់តែច្រើនដល់ពិភពលោក មុនពេលថ្ងៃចូលឆ្នាំថ្មីឆ្នាំសកល លោក Xi Jinping ប្រធានរដ្ឋចិនបានថ្លែងសុន្ទរកថាជូនពរឆ្នាំថ្មីឆ្នាំសកល ២០២៦ ។ តាមរយៈប្រសាសន៍ដែលពោរពេញទៅដោយភាពកក់ក្តៅនិងក្តីរំពឹងទុក សហគមន៍អន្តរជាតិបានទទួលអារម្មណ៍ពីការបោះជំហ៊ានទៅមុខដោយភាពមោះមុតជាមួយនឹងភាពតស៊ូដ៏អង់អាច សភាពការណ៍អភិវឌ្ឍន៍ដែលពោរពេញទៅដោយឧត្តមភាពនិងនិម្មាបនកម្មដែលបានធ្វើឱ្យកិច្ចសហប្រតិបត្តិការនិងប្រកបដោយភាពបើកទូលាយ ។ ប្រព័ន្ធផ្សព្វផ្សាយអន្តរជាតិបានផ្តោតសំខាន់លើជំនឿចិត្តនិងកម្លាំងរបស់ចិនដែលបានបង្ហាញឱ្យឃើញក្នុងសុន្ទរកថាជូនពរឆ្នាំថ្មីឆ្នាំសកលនេះ ។ ជំនឿចិត្តបែបនេះ គឺបានមកពីការបោះជំហានអភិវឌ្ឍន៍ដ៏រឹងមាំនិងខ្លាំងក្លារបស់ប្រទេសចិន ។ ក្នុងនាមជាអង្គភាពសេដ្ឋកិច្ចធំទីពីរលើពិភពលោក អំឡុងពេលឆ្នាំបញ្ចប់នៃការអនុវត្តផែនការអភិវឌ្ឍន៍ជាតិ ៥ ឆ្នាំទី ១៤ សេដ្ឋកិច្ចចិនបានពុះពារឧបសគ្គនិងបោះជំហានទៅមុខក្រោមសម្ពាធ ទទួលបានការអភិវឌ្ឍដែលឆ្ពោះទៅរកការច្នៃប្រឌិតថ្មីនិងគុណភាពថ្មី តាមការព្យាករណ៍ ល្បឿនកំណើននៃសេដ្ឋកិច្ចចិននឹងឈានដល់ប្រហែល ៥ ភាគរយ តាមការព្យាករណ៍ទំហំសេដ្ឋកិច្ចសរុបនឹងឡើងដល់ ១៤០ ទ្រីលានយាន់ប្រាក់ចិនដែលបន្តកាន់លំដាប់ថ្នាក់ឈានមុខក្នុងចំណោមអង្គភាពសេដ្ឋកិច្ចសំខាន់ៗលើពិភពលោក  ហើយអត្រារួមចំណែករបស់ប្រទេសចិនចំពោះកំណើនសេដ្ឋកិច្ចពិភពលោក គឺ ប្រហែល ៣០ ភាគរយដែលបានក្លាយជាក្បាលម៉ាស៊ីនជំរុញដ៏សំខាន់សម្រាប់អូសទាញការអភិវឌ្ឍសកលដែលកំពុងមានការធ្លាក់ចុះខ្លាំងឱ្យងើបឡើងវិញ ។ “ភាពវៃឆ្លាតសប្បនិម្មិតនិងម៉ូតែលធំទទួលបានការរីកចម្រើនឥតឈប់ឈរ ការសិក្សាស្រាវជ្រាវនិងអភិវឌ្ឍបន្ទះឈីបដោយភាពម្ចាស់ការទទួលបានសមិទ្ធផលជាផ្លែផ្ការថ្មី មនុស្សយន្តរូបរាងមនុស្សចេះសម្តែងក្បាច់គុនកុងហ៊្វូ ដ្រូនសម្តែងការបាញ់កាំជ្រួចចម្រុះពណ៌”–នេះគឺជាប្រសាសន៍របស់លោក Xi Jinping ប្រធានរដ្ឋចិនដែលបានថ្លែងក្នុងសុន្ទរកថាជូនពរឆ្នាំថ្មីឆ្នាំសកល ២០២៦ ដោយបានបកស្រាយប្រកបដោយភាពរស់រវើកនូវលក្ខណៈពិសេសយ៉ាងច្បាស់លាស់នៃសេដ្ឋកិច្ចចិនដែលឆ្ពោះទៅរកការច្នៃប្រឌិតថ្មី ។ យោងតាមរបាយការណ៍ដែលចេញផ្សាយដោយអង្គការកម្មសិទ្ធិបញ្ញាសកលលោកបង្ហាញថា សន្ទស្សន៍នវានុវត្តន៍របស់ប្រទេសចិនបានឈរនៅលំដាប់លេខ១០ ខាងមុខនៅលើពិភពលោកជាលើកដំបូង ។អ្នកវិភាគជាច្រើនកត់សម្គាល់ឃើញថា នៅពេលដែលប្រទេសចិនខំប្រឹងអភិវឌ្ឍកម្លាំងផលិតកម្មគុណភាពថ្មី ឧត្តមភាពនៃកំណើនថ្មីត្រូវបានបង្កើតជាបន្តបន្តាប់ដែលបានប្រមូលផ្តុំនូវកម្លាំងចលករដ៏គ្រប់គ្រាន់សម្រាប់ការអភិវឌ្ឍក្នុងរយៈពេលយូអង្វែង ។…

សន្និបាតបូកសរុបការងារប្រចាំឆ្នាំ២០២៥ និងលើកទិសដៅឆ្នាំ២០២៦ របស់រដ្ឋបាលខេត្តស្ទឹងត្រែង បានបើកធ្វើឡើងរយៈពេល ២ ថ្ងៃ ដោយ៖ កុល សារត្ន័ ​ខេត្តស្ទឹងត្រែង៖រដ្ឋបាលខេត្តស្ទឹងត្រែងបានបើកអង្គសន្និបាតបូកសរុបលទ្ធផលការងារប្រចាំឆ្នាំ ២០២៥ និងលើកផែនការទិសដៅការងារសម្រា ប់ឆ្នាំ២០២៦ រយៈពេលពីរថ្ងៃ គឺចាប់ពីព្រឹកថ្ងៃ ទី៣០ ដល់ថ្ងៃទី៣១ ខែធ្នូ ឆ្នាំ២០២៥។    ​ពិធីនេះបានប្រព្រឹត្តទៅក្រោមអធិបតីភាពដ៏ខ្ពង់ខ្ពស់របស់ លោក ឈាង ឡាក់ ប្រធានក្រុម ប្រឹក្សាខេត្ត និងលោក សរ សុពុត្រា អភិបាលនៃគណៈអភិបាលខេត្តស្ទឹងត្រែង។ អង្គសន្និបាតនេះក៏មានការចូលរួមពី ​លោក លោកស្រីអភិបា លរងខេត្ត​កងកម្លាំងប្រដាប់អាវុធទាំងបីប្រភេទ ​ប្រធានមន្ទីរ អង្គភាពជុំវិញខេត្ត ​អភិបាលក្រុង ស្រុក​ មេភូមិ មេឃុំ ចៅសង្កាត់ និងមន្ត្រីពាក់ព័ន្ធជាច្រើនរូបទៀត។   គោលបំណង និងការពិនិត្យវាយតម្លៃ​សន្និបាត នេះត្រូវបានរៀបចំឡើងក្នុងគោលបំណងសំខាន់ៗដូចខាងក្រោម៖​ពិនិត្យ និងវាយតម្លៃ លទ្ធផលការងារដែលបានសម្រេចកន្លងមកក្នុងឆ្នាំ២០ ២៥។​ពិភាក្សា អំពីបញ្ហាប្រឈម និងដំណោះ ស្រាយនានា។​ដាក់ចេញនូវទិសដៅអាទិភាព និងផែនការបន្តសម្រាប់អនុវត្តឱ្យមានប្រសិទ្ធ ភាពខ្ពស់។​ពង្រឹងការបម្រើសេវាសាធារណៈ ជូនប្រជាពលរដ្ឋ…

បាក់រណ្តៅរ៉ែខុសច្បាប់ សង្កត់ស្លាប់យុវជនម្នាក់ និងរបួស ៣ នាក់ នៅស្រុកកែវសីមា ខេត្តមណ្ឌលគិរី៖ យុវជនម្នាក់បានបាត់បង់ជីវិតយ៉ាងអាណោចអាធ័ម និងមនុស្សចំនួន ៣ នាក់ទៀតរងរបួស ក្នុងករណីបាក់ថ្មរណ្តៅរ៉ែសំណ (ខុសច្បាប់) ខណៈកំពុងលួចជីកកកាយនៅពេលយប់អាធ្រាត្រ នៅចំណុចដៃអូពងប៉ះ ភូមិពូកេះ ឃុំមេម៉ង់ ស្រុកកែវសីមា ខេត្តមណ្ឌលគិរី។ ហេតុការណ៍ដ៏សោកស្តាយនេះ បានកើតឡើងនៅវេលាម៉ោងប្រហែល ៣:៣០ នាទីទៀបភ្លឺ ថ្ងៃទី២៩ ខែធ្នូ ឆ្នាំ២០២៥។ ជនរងគ្រោះស្លាប់មានឈ្មោះ ផេន ហុង ភេទប្រុស អាយុ ១៨ ឆ្នាំ ជាជនជាតិព្នង និងជាសិស្សសាលា។ តាមការបញ្ជាក់ពីសមត្ថកិច្ច បានឲ្យដឹងថា ក្រុមយុវជនចំនួន ៦ នាក់ បានចុះទៅជីកលុងដីក្នុងរណ្តៅរ៉ែចាស់មួយ ដែលមានជម្រៅប្រមាណ ៣ ម៉ែត្រ ស្រាប់តែមានថ្មពីមាត់រណ្តៅបាក់ធ្លាក់ចុះ សង្កត់លើក្រុមជនរងគ្រោះ បណ្តាលឲ្យម្នាក់ស្លាប់នៅកន្លែងកើតហេតុ និង ៣ នាក់ទៀតរងរបួស។ ក្រោយកើតហេតុ កម្លាំងនគរបាលជំនាញបានចុះទៅពិនិត្យកន្លែងកើតហេតុ ធ្វើកោសល្យវិច្ច័យតាមនីតិវិធី និងបានប្រគល់សពជូនក្រុមគ្រួសារ ដើម្បីយកទៅធ្វើបុណ្យតាមប្រពៃណី។…

សេចក្តីណែនាំរបស់ក្រសួងព័ត៌មានស្តីពីការផ្សព្វផ្សាយនិងចែករំលែកព័ត៌មានដោយការទទួលខុសត្រូវនិងទប់ស្កាត់ព័ត៌មានក្លែងក្លាយ

អង្គភាពសារព័ត៌មាន រស្មីញូស៍ mrrnews.com.kh ចេញសេចក្តីថ្លែងការណ៍ ថ្កោលទោស ចំពោះការវាយប្រហារយ៉ាងព្រៃផ្សៃរបស់ថៃ មកលើកម្ពុជា

មេបញ្ជាការកងរាជអាវុធហត្ថរាជធានីភ្នំពេញ ប្រកាសចេញញត្តិថ្កោលទោស សង្គ្រាមឈ្លានពានរបស់ថៃមកលើអធិបតេយ្យភាព នៃព្រះរាជាណាចក្រកម្ពុជា ឧត្តមសេនីយ៍ឯក រ័ត្ន ស្រ៊ាង មេបញ្ជាការកងរាជអាវុធហត្ថរាជធានីភ្នំពេញ សូមប្រកាសថ្កោលទោសយ៉ាងដាច់អហង្ការចំពោះទង្វើអមនុស្សធម៌ដ៏សាហាវយង់ឃ្នង របស់យោធាថៃ ដែលបានឈ្លានពានមកលើអធិបតេយ្យភាពនៃព្រះរាជាណាចក្រកម្ពុជា ជាពិសេសបានបន្តបាញ់ប្រហារមកលើប្រជាជនស៊ីវិលស្លូតត្រង់ នៅតាមបណ្តាខេត្តជាប់ព្រំដែនកម្ពុជា ថៃ ចាប់តាំងពីរសៀលថ្ងៃទី៧ ខែធ្នូ រហូតដល់ថ្ងៃទី២៤ ខែធ្នូ ឆ្នាំ២០២៥នេះ។ ការឈ្លានពានរបស់ថៃ ដោយបានប្រើប្រាស់អាវុធធុនតូច និងធុនធំ ដោយកំរោលនិងមិនរើសគោលដៅយ៉ាងសាហាវព្រៃផ្សៃ បានធ្វើឱ្យប្រជាជនស៊ីវិលកម្ពុជា មួយចំនួនរងរបួស ផ្ទះសម្បែងជាច្រើនខ្នងត្រូវបានបំផ្លាញ សិស្សសាលា ក្មេងចាស់ ប្រុសស្រីត្រូវបង្ខំចិត្តភៀសខ្លួនរកទីកន្លែងសុវត្ថិភាពបណ្តោះអាសន្នភ្លាមៗ។ ភាគីថៃម្តងហើយម្តងទៀត បានរំលោភបំពានលើបទឈប់បាញ់ និងសេចក្តីថ្លែងការណ៍រួមស្ដីពីកិច្ចព្រមព្រៀងសន្តិភាពរវាងកម្ពុជានិងថៃ ដែលភាគីទាំងពីរបានចុះហត្ថលេខាដោយ នាយករដ្ឋមន្ត្រីនៃប្រទេសកម្ពុជា និងថៃ ក្រោមសាក្សីរបស់ ឯកឧត្តម ដូណាល់ ត្រាំ ប្រធានាធិបតីសហរដ្ឋអាម៉េរិក និងឯកឧត្តម អាន់វ៉ា អ៊ីប្រាហ៊ីម នាយករដ្ឋមន្ត្រីម៉ាឡេស៊ី និងជាប្រធានប្តូរវេនអាស៊ាន។ យើងខ្ញុំទាំងអស់គ្នា សូមអំពាវនាវឱ្យសហគមន៍អន្តរជាតិថ្កោលទោសយ៉ាងម៉ឺងម៉ាត់ចំពោះការរំលោភបំពានសេចក្ដីថ្លែងការណ៍ រួមស្តីពីកិច្ចព្រមព្រៀងសន្តិភាពរវាងកម្ពុជានិងថៃ និងសកម្មភាពខុសច្បាប់របស់ថៃម្តងហើយម្តងទៀតនេះ ដោយទាមទារឱ្យថៃទទួលខុសត្រូវទាំងស្រុង ចំពោះការរំលោភបំពានដ៏កំរោលនេះ និងអំពាវនាវឱ្យថៃបញ្ឈប់រាល់អរិភាពជាបន្ទាន់ដែលគំរាមកំហែងដល់សន្តិភាព និងស្ថិរភាពនៅក្នុងតំបន់។ ទន្ទឹមនេះ យើងខ្ញុំសូមអំពាវនាវឱ្យភាគីថៃងាកមកគោរពកិច្ចព្រមព្រៀងបទឈប់បាញ់…

លោក ហំ សំណាង ដឹកនាំក្រុមការងារផ្សារទាំង៥ ចែកអំណោយសប្បុរសជនជូនជនភៀសសឹក ជាង១,០០០គ្រួសារ នៅស្រុកបូទុមសាគរ ខេត្តកោះកុង កោះកុង៖ ដោយមានស្មារតីមនុស្សធម៌ និងការយកចិត្តទុកដាក់ចំពោះបងប្អូនប្រជាពលរដ្ឋដែលកំពុងរងផលប៉ះពាល់ពីស្ថានភាពលំបាក នាថ្ងៃទី២១ ខែធ្នូ ឆ្នាំ២០២៥ លោក ហំ សំណាង បានដឹកនាំក្រុមការងារពីផ្សារទាំង៥ នាំយកអំណោយសប្បុរសជន និងអាជីវករ ចែកជូនប្រជាពលរដ្ឋជាជនភៀសសឹក នៅក្នុងស្រុកបូទុមសាគរ ខេត្តកោះកុង ចំនួន៣ទីតាំងសំខាន់ៗ។ ទីតាំងទី១ ស្ថិតនៅ វត្តកណ្ដាល ភូមិកណ្ដុល ស្រុកបូទុមសាគរ ដែលមានបងប្អូនជនភៀសសឹកចំនួន ២៨៥គ្រួសារ ទទួលអំណោយដោយផ្ទាល់។ ទីតាំងទី២ គឺនៅ សាលាស្រុកបូទុមសាគរ ដើម្បីរក្សាទុកសម្ភារៈ និងរៀបចំបន្តចែកជូនប្រជាពលរដ្ឋតាមគោលដៅ។ ចំណែកទីតាំងទី៣ ស្ថិតនៅ វត្តត្រពាំងរូង ដែលមានជនភៀសសឹកចំនួន ជាង៧០០គ្រួសារ កំពុងជ្រកកោន និងត្រូវការជំនួយបន្ទាន់។ សម្ភារៈដែលបាននាំយកទៅចែកជូនលើកនេះ គឺជាអំណោយសប្បុរសធម៌ ដែលប្រមូលមកពីសប្បុរសជន និងអាជីវករ នៅតាមផ្សារទាំង៥ រួមមាន ផ្សារមង្គល ផ្សារឬស្សីកែវថ្មី ផ្សារគួរស្រូវ ផ្សារសំបូរមាស និងផ្សារដង្កោសន្តិភាព…