ពត៌មានជាតិ

ពលរដ្ឋខ្មែរ ២៨នាក់ វិលត្រឡប់ពីប្រទេសថៃ ត្រូវបាននគរបាលប្រើរថយន្ត ២គ្រឿង ដឹកជញ្ជូនដល់លំនៅដ្ឋាន ខេត្តបន្ទាយមានជ័យ៖ ឆ្លើយតបតាមការដឹកនាំបញ្ជាខ្ពង់ខ្ពស់របស់ ឯកឧត្តម នាយឧត្តមសេនីយ៍ ស ថេត អគ្គស្នងការនគរបាលជាតិ នៅថ្ងៃទី ០៣ ខែតុលា ឆ្នាំ២០២៥ លោក ឧត្តមសេនីយ៍ទោ សិទ្ធិ ឡោះ ស្នងការនគរបាលខេត្តបន្ទាយមានជ័យ បានចាត់ចែងឱ្យ ឧត្តមសេនីយ៍ត្រី យ៉ត សុផល ស្នងការរងផ្នែកផែនការងារកិច្ចការប៉ុស្តិ៍ ដឹកនាំកម្លាំងនគរបាលចំនួន ១៥នាក់ សហការជាមួយរដ្ឋបាលខេត្ត និងស្ថាប័នពាក់ព័ន្ធ ដើម្បីសម្របសម្រួលការឆ្លងដែនរបស់ពលរដ្ឋខ្មែរដែលត្រឡប់មកពីប្រទេសថៃ តាមច្រកអន្តរជាតិដូង ខេត្តបាត់ដំបង។ ក្នុងវគ្គសកម្មភាពថ្ងៃសុក្រនេះ ចាប់ផ្តើមពីម៉ោង ៨:០០ ព្រឹក ដល់ម៉ោង ៤:០០ ល្ងាច មានពលរដ្ឋខ្មែរវិលត្រឡប់សរុបចំនួន ២៨នាក់ មានស្រី ១០នាក់។ ដើម្បីធានាឱ្យមានសុវត្ថិភាព និងការទៅដល់គោលដៅបានរលូន កម្លាំងនគរបាលបានប្រើប្រាស់រថយន្តចំនួន ២គ្រឿង ដឹកជញ្ជូនពួកគាត់តាមទីកន្លែងស្នាក់នៅរបស់ខ្លួន។ ការចែកចាយតាមមូលដ្ឋានដូចខាងក្រោម៖ ខេត្តបន្ទាយមានជ័យ: ១៩នាក់ (ស្រី ៧នាក់)…

ក្រសួងកសិកម្មនឹងបើកវេទិកា និង ពិព័រណ៍ក​សិកម្ម​កម្ពុជា (CAFE25) នៅ​មជ្ឈមណ្ឌល​សន្និបាត ​ពិព័រណ៍កោះពេជ្រ ចាប់ពីថ្ងៃទី១៣-១៦ ខែវិច្ឆិកា ឆ្នាំ២០២៥ ភ្នំពេញ ៖​ វេទិកា និង ពិព័រណ៍កសិកម្មកម្ពុជាឆ្នាំ២០២៥ (CAFE25) គឺជាព្រឹត្តិការណ៍កសិកម្មដ៏ធំបំផុតដំបូងបង្អស់នៅព្រះរាជាណាចក្រកម្ពុជានឹងរៀបចំឡើងចាប់ពីថ្ងៃទី១៣-១៦ ខែវិច្ឆិកា ឆ្នាំ២០២៥ មជ្ឈមណ្ឌលសន្និបាតនិងពិព័រណ៍កោះពេជ្រក្នុងរាជធានីភ្នំពេញ។ ក្រសួងកសិកម្មបានឱ្យដឹងថាក្នុង ព្រឹត្តិការណ៍នេះដឹកនាំរៀបចំដោយក្រសួងកសិកម្ម រុក្ខាប្រមាញ់ និងនេសាទ (MAFF) ដោយមានការចូលរួមសហការពីក្រសួងស្ថាប័នពាក់ព័ន្ធ អង្គការស្បៀង និងកសិកម្មនៃសហប្រជាជាតិ (FAO) ដៃគូអភិវឌ្ឍន៍ និងវិស័យឯកជននានា។ ព្រឹត្តិការណ៍ CAFE25 នឹងក្លាយជាវេទិកាដ៏រស់រវើក ដែលមានគោលបំណងលើកកម្ពស់ពាណិជ្ជកម្ម ទាក់ទាញការវិនិយោគ និងជំរុញការច្នៃប្រឌិតក្នុងវិស័យកសិស្បៀងអាហារនៅព្រះរាជាណាចក្រកម្ពុជា។ ថ្លែងក្នុងសន្និសីទសារព័ត៌មាននាព្រឹកថ្ងៃទី ០៣ ខែ តុលា ឆ្នាំ ២០២៥ ឯកឧត្តម ប្រាក់ ដាវីដ រដ្ឋលេខាធិការក្រសួងកសិកម្មរុក្ខាប្រមាញ់ និងនេសាទ បានឱ្យដឹងថា CAFE25 គឺជាព្រឹត្តិការណ៍ក្នុងវិស័យកសិស្បៀងអាហារដែលមានទំហំ និងវិសាលភាពធំបំផុតដំបូងបង្អស់នៅព្រះរាជាណាចក្រកម្ពុជា។ព្រឹត្តិការណ៍ CAFE25 រួមបញ្ចូលវេទិកាកសិកម្មកម្រិតខ្ពស់រយៈពេលពីរថ្ងៃ និងពិព័រណ៍កសិកម្មរយៈពេលបួនថ្ងៃ។ កម្មវិធីបើកព្រឹត្តិការណ៍ CAFE25…

សង្គមស៊ីវិលកម្ពុជារៀបចំជំនួបពិភាក្សាសង្គមស៊ីវិល៦ប្រទេស ដើម្បីពង្រឹងកិច្ចសហប្រតិបត្តិការក្នុងតំបន់ (ភ្នំពេញ) រសៀលថ្ងៃទី៣០ ខែកញ្ញា ឆ្នាំ២០២៥ នៅសមាគមមិត្តភាពកម្ពុជា-ចិន តាមប្រព័ន្ធOnline និងជំនួបដោយផ្ទាល់ សង្គមស៊ីវិលកម្ពុជាបានទទួលជោគជ័យក្នុងការរៀបចំជំនួបក្រុមសង្គមស៊ីវិលពី៦ប្រទេស រួមមានកម្ពុជា មីយ៉ាន់ម៉ា ឡាវ នេប៉ាល់ បង់ក្លាដែស និង ចិន។ លោកស្រី Yang Lihua ប្រធានអង្គការYUNDI ខេត្តយូណាន ប្រទេសចិន បានជម្រាបថា កិច្ចជំនួបនេះមានគោលបំណងជំរុញការចែករំលែកបទពិសោធន៍ ការពង្រឹងកិច្ចសហប្រតិបត្តិការតំបន់ និងការចូលរួមរបស់សង្គមស៊ីវិលក្នុងការអភិវឌ្ឍប្រកបដោយសន្តិភាពនិងចីរភាព។ លោកស្រីបានបន្តការលើកទឹកចិត្តដល់សង្គមស៊ីវិលទាំង៦ប្រទេសនៅក្នុងការអនុវត្តនូវគម្រោង«តូចនិងឆ្លាត» ដើម្បីផ្តល់ផលប្រយោជន៍កាន់តែច្រើនដល់ប្រជាជននៃប្រទេសយើងទាំង៦។ លោក Li Bobo នាយកប្រតិបត្តិនៃសមាគមផ្លាស់ប្តូរនិងកិច្ចសហប្រតិបត្តិការមីយ៉ាន់ម៉ា-ចិន បានរំលេចពីសមិទ្ធផលជាច្រើនដែលសមាគមសម្រេចបានក្នុងការអនុវត្តគម្រោងជាច្រើនក្នុងប្រទេសមីយ៉ាន់ម៉ាក្រោមកិច្ចគាំទ្រពីប្រទេសចិនដែលមានអង្គការYUNDIជាស្នូល ជាពិសេសគម្រោងជួយកុមារដែលមានជំងឺបេះដូងពីកំណើត។ ឯកឧត្តម ឡៅ ម៉េង អនុរដ្ឋលេខាធិការទីស្តីការគណៈរដ្ឋមន្ត្រីបានថ្លែងនូវការកោតសរសើរនិងវាយតម្លៃខ្ពស់ចំពោះសមិទ្ធផលដែលសម្រេចបានដោយសង្គមស៊ីវិលនៃប្រទេសទាំង៥ក្រោមកិច្ចសហការជាមួយសង្គមស៊ីវិលប្រទេសចិន។ ឯកឧត្តមបានបន្តការលើកទឹកចិត្តបន្ថែមទៀតដល់សង្គមស៊ីវិលនៃប្រទេសទាំង៦ក្នុងការធ្វើគម្រោងរួមគ្នា ចែករំលែកបទពិសោធន៍ និងរួមគ្នាផ្តល់ធាតុចូលកាន់តែច្រើនដល់ទំនាក់ទំនងរវាងប្រជាជននិងប្រជាជន ព្រមទាំងបំពេញបាននូវតម្រូវការជាក់ស្តែងជូនដល់ប្រជាជននៃប្រទេសរៀងៗខ្លួន។ លោកបណ្ឌិត ជា មុនីឫទ្ធិ ប្រធានសមាគមអ្នកស្រាវជ្រាវវឌ្ឍនភាពកម្ពុជា-ចិនដែលជាអ្នកផ្តួចផ្តើម និងជាអ្នកសម្របសម្រួលវេទិកាស្តីពី«ការភិវឌ្ឍ ការផ្លាស់ប្តូរ និងកិច្ចសហប្រតិបត្តិការរបស់សង្គមស៊ីវិលនៃបណ្តាប្រទេសអាស៊ីខាងត្បូង និងអាស៊ីអាគ្នេយ៍» បានជម្រាបថា វេទិកានេះមានសង្គមស៊ីវិលសរុបចំនួន២៥មកពីប្រទេសទាំង៦បានរួមគ្នាពិភាក្សាលើប្រធានបទសំខាន់ៗចំនួន៣គឺ ១-ការរួមចំណែករបស់សង្គមស៊ីវិលក្នុងការពង្រឹងសន្តិភាព និងសាមគ្គីភាពក្នុងតំបន់…

អ្នកនាំពាក្យក្រសួងព័ត៌មានណែនាំដល់មន្ត្រីរាជការមន្ទីរព័ត៌មានខេត្តព្រះសីហនុគិតគូរពីការបណ្ដុះបណ្ដាលធនធានមនុស្សឱ្យឆ្លើយតបទៅនឹងតម្រូវការការងារសម័យឌីជីថល ព្រះសីហនុ៖ ឯកឧត្តម ទេព អស្នារិទ្ធ អនុរដ្ឋលេខាធិការ និងជាអ្នកនាំពាក្យក្រសួងព័ត៌មានបានណែនាំដល់មន្ត្រីរាជការ នៃមន្ទីរព័ត៌មានខេត្តព្រះសីហនុគិតគូររៀបចំផែនការ បណ្ដុះបណ្ដាលធនធានមនុស្សលើជំនាញព័ត៌មាន និងសោតទស្សន៍ឱ្យបានឆ្លើយតបទៅនឹងតម្រូវការការងារក្នុងសម័យបច្ចេកវិទ្យាឌីជីថលនេះ។ ក្នុងឱកាសជួបសំណេះសំណាល ជាមួយថ្នាក់ដឹកនាំ មន្ត្រីរាជការ នៃមន្ទីរព័ត៌មានខេត្តព្រះសីហនុកាលពីរសៀលថ្ងៃ២៦ ខែកញ្ញា ឆ្នាំ ២០២៥ ឯកឧត្តម អ្នកនាំពាក្យក្រសួងព័ត៌មានបានបញ្ជាក់ថា នៅសម័យបច្ចេកវិទ្យាឌីជីថលនេះ ទាមទារឱ្យមន្ត្រីព័ត៌មានទាំងអស់ត្រូវចេះ ប្រើប្រាស់កុំព្យូទ័រ ចេះប្រើបណ្តាញទំនាក់ទំនងសង្គមផ្សេងៗឱ្យបានច្បាស់ដើម្បីងាយស្រួលបញ្ជូន ផ្សព្វផ្សាយព័ត៌មានឱ្យបានលឿន រហ័សទាន់ពេលវេលា និងមានភាពទាក់ទាញពីអ្នកអាន អ្នកទស្សន។ ឯកឧត្តមបញ្ជាក់ថា មន្ត្រីដែលមានជំនាញផ្នែកវិទ្យុ ទូរទស្សន៍ ផ្នែកសរសេរព័ត៌មាន ផ្នែកថតរូប ថតវីដេអូ និងការងារសោតទស្សន៍ផ្សេងទៀត ត្រូវមានផែនការបណ្ដុះបណ្ដាលបន្តគ្នា តាមជំនាញ និងការិយាល័យនីមួយៗ ដើម្បីធានាថាមន្ត្រីទាំងអស់មានសមត្ថភាពអាចបំពេញការងារកាន់តែល្អប្រសើរ និងមាននិរន្តរភាព។ ឯកឧត្តម ទេព អស្នារិទ្ធបានបន្តថា ការបណ្ដុះបណ្ដាល និងពង្រឹងសមត្ថភាពរបស់មន្ត្រីព័ត៌មាន ពីការងារសោតទស្សន៍ និងជំនាញពាក់ព័ន្ធនេះ គឺជាកត្តាដ៏ចាំបាច់បំផុត ដើម្បីឆ្លើយតបនឹងការរីកចម្រើនរបស់ប្រទេសជាតិ ស្របតាមផែនការអភិឌ្ឍន៍មូលធនមនុស្សឱ្យដើរស្របតាមបន្ទាត់នយោបាយរបស់រាជរដ្ឋាភិបាល នីតិកាលទី៧។ ជាមួយគ្នានេះ ឯកឧត្តម ទេព អស្នារិទ្ធ អនុប្រធានគណៈកម្មការដឹកនាំនិងតម្រង់ទិសការអនុវត្តភារកិច្ចរបស់ក្រុមការងារសម្របសម្រួលកិច្ចការព័ត៌មាន…

អ្នកនាំពាក្យក្រសួងព័ត៌មាន៖ ព័ត៌មានគឺជាទំនិញសាធារណ:ទាមទារឱ្យមានការវិចខ្ចប់ឱ្យបានល្អនិងផ្សព្វផ្សាយឱ្យចំគោលដៅ ខេត្តព្រះសីហនុ ៖ ឯកឧត្តម ទេព អស្នារិទ្ធ អនុរដ្ឋលេខាធិការ និងជាអ្នកនាំពាក្យក្រសួងព័ត៌មាន  បានលើកឡើងថា ព័ត៌មានគឺជាទំនិញសាធារណ: មិនមែនដូចជាទំនិញផ្សេងៗ ដែលលក់នៅលើទីផ្សារនោះទេ  ដែលទាមទារឱ្យមានការវិចខ្ចប់ឱ្យបានល្អនិងផ្សព្វផ្សាយឱ្យចំគោលដៅដើម្បីទទួលបានការគាំទ្រពីអ្នកអាន អ្នកទស្សនាកាន់តែច្រើន។ ក្នុងបទអន្តរាគមន៍នៅក្នុងវគ្គបំពាក់បំប៉នស្តីពីការពង្រឹងសមត្ថភាព លើការងារព័ត៌មាន និងសាធារណមតិដល់មន្ត្រីជំនាញមកពីមន្ទីរព័ត៌មានខេត្តព្រះសីហនុ  កែប កោះកុង កំពត តាកែវ និងមន្ទីរព័ត៌មានខេត្តកំពង់ស្ពឺសរុបប្រមាណ៩០នាក់ នាព្រឹកថ្ងៃទី២៦ ខែកញ្ញា ឆ្នាំ២០២៥ ឯកឧត្តម ទេព អស្នារិទ្ធបញ្ជាក់ថា ប្រជាពលរដ្ឋសម័យនេះ មិនសូវមានពេលវេលាច្រើនក្នុងការស្ដាប់វិទ្យុ ឬទស្សនាទូរទស្សន៍ទៀតទេ។  ដូច្នេះ ការផលិតមាតិកា ខ្លឹមសារ និងបញ្ចេញព័ត៌មានលើបណ្តាញសង្គម ដោយសង្ខេបខ្លីៗ ច្បាស់លាស់ លឿន និងត្រូវចិត្តអ្នកអាន និងអ្នកទស្សនាគឺជាគឺជាអាទិភាពបំផុត ។ បណ្តាញសង្គមទាំងអស់មានទីផ្សារផ្សេងៗគ្នាទៅតាមតំបន់ ទៅតាមកម្រិតចំណេះដឹង តាមតួនាទី និងប្រភេទអ្នកអាន អ្នកទស្សនាចាប់តាំងពីប្រជាពលរដ្ឋធម្មតារហូតដល់ថ្នាក់ដឹកនាំកំពូលៗ។ ឯកឧត្តមបន្តថា សម័យបច្ចេកវិទ្យានេះ គឺប្រជាពលរដ្ឋកម្ពុជាប្រមាណជាង១២លាននាក់កំពុងសកម្ម ប្រើប្រាស់បណ្តាញសង្គមមានដូចជា ហ្វេសបុក  tiktok  យូធូប តេឡេក្រាម ប្រព័ន្ធអ៊ិច វីឆាតជាដើម ក្នុងនោះមានប្រជាពលរដ្ឋវ័យក្មេងប្រមាណជាង៦៨ភាគ ក្នុងចំណោមប្រជាជនកម្ពុជាសរុបជាង១៧លាននាក់។…

សូមគោរព​ជូនពរ ឯកឧត្តម នេត្រ ភក្ត្រា រដ្ឋមន្ត្រីក្រសួងព័ត៌មាន ក្នុងឱកាស​ បុណ្យភ្ជុំបិណ្ឌ ជាបុណ្យប្រពៃណីទំនៀមទម្លាប់ជាតិខ្មែរ សូម​បួងសួង​វត្ថុ​ស័ក្ដិសិទ្ធិ​ ទេវតា​ឆ្នាំ​ថ្មី​ តាម​បីបាច់​ថែរក្សា​ ឯកឧត្តម និង​ក្រុម​គ្រួសារ​ ជួបប្រទះ​នូវ​ សិរីសួស្ដី​ ជ័យមង្គល​ វិបុលសុខ​ មហាប្រសេីរ​ និង​ពុទ្ធពរ​បួន​ប្រការ​ អាយុ​ វណ្ណៈ​ សុខៈពលៈ​ កុំបី​ឃ្លៀង​ឃ្លាត​ឡើយ​។ សូម​ជូនពរ​ ពីខ្ញុំ​បាទ​ មឿន រស្មី ចាងហ្វាង សារព័ត៌មាន រស្មី ញ៉ូស៍🙏

អ្នកនាំពាក្យក្រសួងព័ត៌មានជំរុញដល់មន្ទីរព័ត៌មានទាំងអស់ត្រូវគិតគូរពីសតិអារម្មណ៍របស់មហាជនចំពោះប្រធានបទដែលកើតឡើងក្នុងមូលដ្ឋានរបស់ខ្លួនសម្រាប់ការងារសាធារណមតិ ====== បាត់ដំបង៖ ឯកឧត្តម ទេព អស្នារិទ្ធ អនុរដ្ឋលេខាធិការ និងអ្នកនាំពាក្យក្រសួងព័ត៌មានបានសង្កត់ធ្ងន់លើភាពចាំបាច់នៃការជំរុញឱ្យវិធានការឆ្លើយតបមានប្រសិទ្ធភាព ដោយត្រូវគិតគូរពីសតិអារម្មណ៍របស់មហាជនចំពោះប្រធានបទនោះ ជាធាតុចូលសម្រាប់ការតាក់តែងខ្លឹមសារ និងការកំណត់យកប្រភេទមធ្យោបាយសម្រាប់ការឆ្លើយតប បន្សាប បំភ្លឺ ឬសម្រាប់គាំទ្រដល់ការសរសេរ ផ្សាយដោយប្រព័ន្ធផ្សព្វផ្សាយ ក្នុងនោះរាប់បញ្ចូលការស្រង់សំដីអ្នកនាំពាក្យ អ្នកជំនាញ និងអ្នកពាក់ព័ន្ធ។ ឯកឧត្តមថ្លែងបែបនេះក្នុងពិធីបិទវគ្គបំពាក់បំប៉នស្តីពី«ការពង្រឹងសមត្ថភាពលើការងារព័ត៌មាន និងសាធារណមតិ»ជូនដល់មន្រ្តីនៃមន្ទីរព័ត៌មានមកពីខេត្តចំនួន៦ រៀបចំឡើងដោយក្រសួងព័ត៌មាន ដែលមន្ទីរព័ត៌មានខេត្តបាត់ដំបងធ្វើជាម្ចាស់ផ្ទះកាលពីថ្ងៃទី១៨ខែកញ្ញា ឆ្នាំ២០២៥ ។ ឯកឧត្តមបន្តថា ការងារសាធារណមតិ គឺជាមធ្យោបាយដ៏មានប្រសិទ្ធភាពក្នុងការផ្សារភ្ជាប់ទំនាក់ទំនងរវាងប្រជាពលរដ្ឋ ជាមួយអាជ្ញាធរក្នុងខេត្តគ្រប់ជាន់ថ្នាក់។ សាធារណមតិជា ការឆ្លើយតប បន្សាប បំភ្លឺ ឬការសរសេរដោយប្រព័ន្ធផ្សព្វផ្សាយ ដែលបានស្រង់សំដីអ្នកនាំពាក្យ អ្នកជំនាញ ត្រូវគិតគូរពីសតិអារម្មណ៍របស់មហាជនចំពោះប្រធាននោះ ដើម្បីវិធានការឆ្លើយតបចំគោលដៅ មានប្រសិទ្ធភាព ។ ជាមួយគ្នានេះ ឯកឧត្តមអ្នកនាំពាក្យក្រសួងព័ត៌មាន បានជំរុញដល់ថ្នាក់ដឹកនាំ និងមន្ត្រី នៃមន្ទីរព័ត៌មានទាំងអស់ ត្រូវពិនិត្យតាមដានរាល់ព័ត៌មានមិនពិត ព្រមទាំងទប់ស្កាត់ និងឆ្លើយតបឱ្យបានទាន់ពេលវេលា រាល់ព័ត៌មានទាំងអស់ដែលបានផ្សព្វផ្សាយតាមបច្ចេកវិទ្យាទំនើប ដែលធ្វើឱ្យប៉ះពាល់ដល់ស្ថិរភាព សណ្ដាប់ធ្នាប់ សន្តិសុខក្នុងខេត្ត ក៏ដូចជាទូទាំងប្រទេស។ មន្ទីរព័ត៌មានទាំងអស់ត្រូវបន្តអនុវត្តយុទ្ធនាការប្រយុទ្ធប្រឆាំងព័ត៌មានក្លែងក្លាយ ដើម្បីបង្កើនជំនឿទុកចិត្ត ផ្ដល់ព័ត៌មានពិត…

អ្នកនាំពាក្យក្រសួងព័ត៌មានណែនាំដល់មន្រ្តីនៃមន្ទីរព័ត៌មានទាំងអស់ត្រូវបង្កើនការយកចិត្តទុកលើការងារគ្រប់គ្រងព័ត៌មាន និងសាធារណមតិឱ្យមានប្រសិទ្ធភាព ខេត្តបាត់ដំបង៖ អ្នកនាំពាក្យក្រសួងព័ត៌មានណែនាំដល់មន្រ្តីនៃមន្ទីរព័ត៌មានទាំងអស់ត្រូវបង្កើនការយកចិត្តទុកលើការងារគ្រប់គ្រងព័ត៌មាន និងសាធារណមតិឱ្យមានប្រសិទ្ធភាពដើម្បីកាត់បន្ថយ និងលុបបំបាត់នូវព័ត៌មានក្លែងក្លាយ។ ក្នុងពិធីបិទវគ្គបំប៉នស្តីពី«ការពង្រឹងសមត្ថភាពលើការងារព័ត៌មាន និងសាធារណមតិ»ជូនដល់មន្រ្តីនៃមន្ទីរព័ត៌មានមកពីខេត្តចំនួន៦ រៀបចំឡើងដោយក្រសួងព័ត៌មាន ដែលមន្ទីរព័ត៌មានខេត្តបាត់ដំបងធ្វើជាម្ចាស់ផ្ទះចាប់ពីថ្ងៃទី១៧ដល់ថ្ងៃទី១៨ខែកញ្ញា ឆ្នាំ២០២៥ ឯកឧត្តម ទេព អស្នារិទ្ធ អនុរដ្ឋលេខាធិការ និងអ្នកនាំពាក្យក្រសួងព័ត៌មានបានមានប្រសាសន៍ថា ការងារសាធារណមតិ គឺជាមធ្យោបាយដ៏មានប្រសិទ្ធភាពក្នុងការផ្សារភ្ជាប់ទំនាក់ទំនងរវាងប្រជាពលរដ្ឋ ជាមួយអាជ្ញាធរក្នុងខេត្តគ្រប់ជាន់ថ្នាក់។ ឯកឧត្តមបន្តថាសាធារណមតិជា អត្ថបទឆ្លើយតប បន្សាប បំភ្លឺ ឬការសរសេរដោយប្រព័ន្ធផ្សាយ ដែលបានស្រង់សំដីអ្នកនាំពាក្យ អ្នកជំនាញ ត្រូវគិតគូរពីសតិអារម្មណ៍របស់មហាជនចំពោះប្រធាននោះ ដើម្បីវិធានការឆ្លើយតបចំគោលដៅ មានប្រសិទ្ធភាព ។ ជាមួយគ្នានេះ ឯកឧត្តមអ្នកនាំពាក្យក្រសួងព័ត៌មាន បានជំរុញដល់ថ្នាក់ដឹកនាំ និងមន្ត្រី នៃមន្ទីរព័ត៌មានទាំងអស់ ត្រូវពិនិត្យតាមដានរាល់ព័ត៌មានមិនពិត ព្រមទាំងទប់ស្កាត់ និងឆ្លើយតបឱ្យបានទាន់ពេលវេលា រាល់ព័ត៌មានទាំងអស់ដែលបានផ្សព្វផ្សាយតាមបច្ចេកវិទ្យាទំនើប ដែលធ្វើឱ្យប៉ះពាល់ដល់ស្ថិរភាព សណ្ដាប់ធ្នាប់ សន្តិសុខក្នុងខេត្ត ក៏ដូចជាទូទាំងប្រទេស។ មន្ទីរព័ត៌មានទាំងអស់ត្រូវបន្តអនុវត្តយុទ្ធនាការប្រយុទ្ធប្រឆាំងព័ត៌មានក្លែងក្លាយ ដើម្បីបង្កើនជំនឿទុកចិត្ត ផ្ដល់ព័ត៌មានពិត មានគុណភាព និងសុវត្ថិភាពជូនដល់ប្រជាពលរដ្ឋសំដៅធ្វើឱ្យប្រជាពលរដ្ឋមានទំនុកខ្ពស់លើការដឹកនាំរបស់រាជរដ្ឋាភិបាល។ សម្រាប់ វគ្គបំប៉នស្តីពី«ការពង្រឹងសមត្ថភាពលើការងារព័ត៌មាន និងសាធារណមតិ» ឯកឧត្តមបានចាត់ទុកថាមានសារៈសំខាន់ដែលបានជួយដល់មន្ត្រីទទួលបន្ទុកការងារព័ត៌មាន និងសាធារណមតិ មានចំណេះដឹងគ្រប់គ្រាន់ក្នុងការអនុវត្តន៍ការងារប្រចាំថ្ងៃ ។…

ឧត្តមសេនីយ៍ឯក រ័ត្ន ស្រ៊ាង ដឹកនាំប្រតិភូគោរពវិញ្ញាណក្ខន្ធសព ឯកឧត្តម នាយឧត្តមសេនីយ៍ ហេង បូរិន្ទ ! នារសៀល ថ្ងៃទី១៨ ខែកញ្ញា ឆ្នាំ២០២៥ លោកឧត្តមសេនីយ៍ឯក រ័ត្ន ស្រ៊ាង មេបញ្ជាការរង កងរាជអាវុធហត្ថលើផ្ទៃប្រទេស ជា មេបញ្ជាការ កងរាជអាវុធហត្ថ រាជធានីភ្នំពេញ បានដឹកនាំប្រតិភូចូលរួមគោរពវិញ្ញាណក្ខន្ធសព ឯកឧត្តម នាយឧត្តមសេនីយ៍ ហេង បូរិន្ទ រដ្ឋលេខាធិការ ក្រសួងការពារជាតិ ដែលបានទទួលមរណភាព នៅថ្ងៃទី១៦ ខែកញ្ញា ឆ្នាំ២០២៥ វេលាម៉ោង ២:២៥នាទីរសៀល ដោយរោគគាពាធ ក្នុងជន្មាយុ៦៩ឆ្នាំ។ សពតម្កល់ធ្វើបុណ្យតាមប្រពៃណីនៅគេហដ្ឋាននៃសពស្ថិតនៅភូមិគ្រឹះលេខ BT2-786-790 ភូមិគៀនឃ្លាំង សង្កាត់ជ្រោយចង្វារ ខណ្ឌជ្រោយចង្វារ (តំបន់អភិវឌ្ឍន៍ OCIC) រាជធានីភ្នំពេញ។ មរណភាពរបស់ ឯកឧត្តម នាយឧត្តមសេនីយ៍ ហេង បូរិន្ទ គឺជាការបាត់បង់ឪពុក ឪពុកក្មេក ជីតា ប្រកបដោយព្រហ្មវិហារធម៌ចំពោះកូនៗ ចៅប្រុសចៅស្រី…

អតីតសិស្សសាលាបាក់ទូក ចូលរួមបុណ្យសព អតីតគ្រូសីលធម៌ ជើងចាស់០១រូប! លោកគ្រូ ស្រេង ផល្លា អតីតគ្រូជើងចាស់ឯកទេសសីលធម៌ នៅសាលាបាក់ទូក តាំងពីអំឡុងទសវត្សរ៍ឆ្នាំ១៩៨០ បានទទួលមរណៈភាព កាលពីវេលាម៉ោង ១៨៖០០នានី ថ្ងៃទី១២ ខែកញ្ញា ឆ្នាំ២០២៥ ក្នុងជន្មាយុ៨៤ឆ្នាំ ដោយជរាពាធ។ សពលោកគ្រូ ស្រេង ផល្លា ត្រូវបានតម្កល់ធ្វើបុណ្យតាមប្រពៃណីព្រះពុទ្ធសាសនា នៅគេហដ្ឋាន ផ្ទះលេខ678 ផ្លូវ79BT2 សង្កាត់បឹងទំពុន១ ខណ្ឌមានជ័យ រាជធានីភ្នំពេញ។ ភ្លាមៗ ក្រោយពេលបានទទួលដំណឹងដ៏ក្រៀមក្រំនេះ នៅថ្ងៃទី១៣ ខែកញ្ញា ឆ្នាំ២០២៥ ក្រុមអតីតមិត្តភក្តិរួមជំនាន់សាលាបាក់ទូក មួយក្រុម អតីតលោកគ្រូ អ្នកគ្រូ រួមមានទាំងឯកឧត្តម ឧត្តមសេនីយ៍ឯក រ័ត្ន ស្រ៊ាង មេបញ្ជាការរង កងរាជអាវុធហត្ថលើផ្ទៃប្រទេស ជាមេបញ្ជាការ កងរាជអាវុធហត្ថរាជធានីភ្នំពេញ បានរួមគ្នាចូលរួមជាថវិកា តាមសទ្ធារៀងៗខ្លួន ដើម្បីចូលរួមរំលែកទុក្ខដល់គ្រួសារសពលោកគ្រូ ស្រេង ផល្លា និងសូមបួងសួងដល់វិញ្ញាណក្ខន្ធលោកគ្រូ បានទៅកាន់សុគតិភពកុំបីឃ្លៀងឃ្លាតឡើយ។ កាយវិការ ដ៏គួរឲ្យគោរពរបស់ក្រុមអតីតសិស្សបាក់ទូកមួយនេះ មិនមែនទើបតែមានក្នុងពេលលោកគ្រូអស់ព្រះជន្មនោះទេ…