រស្មី ញូស៍

ឧត្តមសេនីយ៍ឯក រ័ត្ន ស្រ៊ាង ដឹកនាំក្រុមការងាររាជរដ្ឋាភិបាល ចូលរួមធ្វើទេយ្យទានក្នុងឱកាសវេនកាន់បិណ្ឌ នៅសង្កាត់ព្រែកកំពឹស ភ្នំពេញ : នៅព្រឹកថ្ងៃទី១១ ខែកញ្ញា ឆ្នាំ២០២៥ ឯកឧត្តម ឧត្តមសេនីយ៍ឯក រ័ត្ន ស្រ៊ាង មេបញ្ជាការរង កងរាជអាវុធហត្ថលើផ្ទៃប្រទេស មេបញ្ជាការ កងរាជអាវុធហត្ថរាជធានីភ្នំពេញ និងជាប្រធានក្រុមការងាររាជរដ្ឋាភិបាលចុះជួយមូលដ្ឋានខណ្ឌដង្កោ បានដឹកនាំក្រុមការងារ ចូលរួមធ្វើទេយ្យទានប្រគេនព្រះសង្ឃ ក្នុងឱកាសវេនកាន់បិណ្ឌ នៅវត្តចំនួន ០២ គឺ វត្តព្រែកថ្លឹង និងវត្តកែវមុនី (វត្តគោករលួស) ស្ថិតក្នុងសង្កាត់ព្រែកកំពឹស ខណ្ឌដង្កោ។ ក្នុងឱកាសនេះ ក្រុមការងារមានការចូលរួមពីលោក អ៊ុយ សុន អនុប្រធានក្រុមការងារ លោក លោកស្រីជាក្រុមការងារភូមិ–សង្កាត់ ព្រមទាំងយុវជនសង្កាត់។ ក្រុមការងារបាននាំយកបច្ច័យ និងទេយ្យវត្ថុជាច្រើនប្រគេនព្រះសង្ឃ ដើម្បីចូលរួមក្នុងពិធីបុណ្យកាន់បិណ្ឌវេនទី៤។ ការប្រគេនទេយ្យទានក្នុងឱកាសនេះ គឺឧទ្ទិសកុសលជូនដល់បុព្វការីជន ជីដូនជីតា ញាតិកាប្រាំពីរសន្តាន និងឧទ្ទិសជូនដល់វិញ្ញាណក្ខន្ធវរៈកងទ័ព ដែលបានលះបង់ជីវិតក្នុងការពារបូរណភាពទឹកដីជាតិ ព្រមទាំងឧទ្ទិសជូនដល់នាយទាហាន នាយទាហានរង និងពលទាហាននៃកងរាជអាវុធហត្ថរាជធានីភ្នំពេញ ដែលបានពលីមរណៈក្នុងអតីតកាល។ ពិធីនេះមិនត្រឹមតែជាការអនុវត្តប្រពៃណីវប្បធម៌សាសនាបុរាណប៉ុណ្ណោះទេ ប៉ុន្តែថែមទាំងបង្ហាញពីស្មារតីក្តីគោរពចំពោះបុព្វបុរស និងសេចក្តីកត្យានុស្សរបស់កងទ័ពក្លាហាន…

ឯកឧត្តម សរ សិទ្ធិ អញ្ជេីញជាអធិបតីក្នុងពិធីសំណេះសំណាល សួរសុខទុក្ខ និងផ្សព្វផ្សាយខ្លឹមសារច្បាប់ស្ដីពីសញ្ជាតិ នៅស្នងការដ្ឋាននគរបាលខេត្តមណ្ឌលគិរី                 មណ្ឌលគិរី៖ នៅថ្ងៃពុធទី១០ ខែកញ្ញា ឆ្នាំ២០២៥ ឯកឧត្តម សរ សិទ្ធិ រដ្ឋលេខាធិការក្រសួងមហាផ្ទៃ បានអញ្ជើញជាអធិបតីក្នុងពិធីសំណេះសំណាលសួរសុខទុក្ខ និងបើកកិច្ចប្រជុំធ្វើបទបង្ហាញ ផ្សព្វផ្សាយខ្លឹសារច្បាប់ស្ដីពីសញ្ជាតិ ដល់មន្រ្តីនគរបាល នៃស្នងការដ្ឋាននគរបាលខេត្តមណ្ឌលគិរី ដោយមានការអញ្ជេីញចូលរួមពីប្រតិភូអមដំណេីរ លោកស្នងការនគរបាលខេត្ត លោក លោកស្រី ស្នងការរង លោកនាយ នាយរងការិយាល័យជំនាញ លោកមេបញ្ជាការវរសេនាតូចនគរបាលការពារព្រំដែនគោកទាំង០២ លោកមេប៉ុស្តិ៍ច្រកទ្វារទ្វេភាគីទាំង០៣ លោកអធិការនគរបាលក្រុងស្រុកទាំង៥ ព្រមទាំងលោកនាយប៉ុស្តិ៍នគរបាលរដ្ឋបាលទាំង២១ ឃុំសង្កាត់សរុបចំនួន១៥០រូប ។ លោកឧត្តមសេនីយ៍ទោ ឡោ សុខា ស្នងការនគរបាលខេត្ត បានឡើងអានរបាយការណ៍ស្វាគមន៍ ស្តីពី លក្ខណ:ភូមិសាស្រ្ត ក្នុងខេត្តមណ្ឌលគិរី និងការងារសន្តិសុខ សណ្តាប់ធ្នាប់និងសុវត្ថិភាព ជូនប្រជាពលរដ្ឋក្នុងទូទាំងខេត្តមណ្ឌលគិរី ជូនគណ:អធិបតីជ្រាប។   ទន្ទឹមនោះដែរ ឯកឧត្តម សរ…

ឯកឧត្តម អ៊ុត សំអន អញ្ជើញជាអធិបតីជួបសំណេះសំណាលសួរសុខទុក្ខ ត្រួតពិនិត្យកម្លាំង និងផ្សព្វផ្សាយខ្លឹមសារច្បាប់ស្តីពីសញ្ជាតិ នៅស្នងការដ្ឋាននគរបាលខេត្តកំពង់ធំ កំពង់ធំ ៖ នៅថ្ងៃ ពុធ ទី១០ ខែកញ្ញា ឆ្នាំ២០២៥ ឯកឧត្តម អ៊ុត សំអន រដ្ឋលេខាធិការ ក្រសួងមហាផៃ្ទ បានអញ្ជើញជាអធិបតីក្នុងពិធីសំណេះសំណាលសួរសុខទុក្ខ ត្រួតពិនិត្យកម្លាំង និងផ្សព្វផ្សាយខ្លឹមសារច្បាប់ស្តីពីសញ្ជាតិ នៅស្នងការដ្ឋាននគរបាលខេត្តកំពង់ធំ។ ពិធីនេះ មានការអញ្ជើញចូលរួមដោយ លោក លោកស្រី ជាស្នងការ-ស្នងការរង នាយការិយាល័យ អធិការ-អធិការរងក្រុង/ស្រុក កម្លាំងអនុសេនាតូចចំនួន ០២ កង និងនាយប៉ុស្តិ៍នគរបាលរដ្ឋបាលទាំងអស់ សរុប ៣២៥រូប៕ ប្រភព៖ ស្នងការនគរបាលខេត្តកំពង់ធំ ដោយ÷វិឆៃញូស៏ Vichhai-News 

 ភ្នំពេញ៖ ថ្ងៃពុធ ៣រោច ខែភទ្របទ ឆ្នាំម្សាញ់ សប្តស័ក ពុទ្ធសករាជ ២៥៦៩ ត្រូវនឹងថ្ងៃទី១០ ខែកញ្ញា ឆ្នាំ២០២៥ ឯកឧត្តមបណ្ឌិត ហែម ប្រសើរ ប្រធានសមាគមសម្ព័ន្ធភាពអ្នកសារព័ត៌មានក្នុងសន្តិភាព បានដឹកនាំសម្ព័ន្ធភាពនៃសមាគមសម្ព័ន្ធភាពអ្នកសារព័ត៌មានក្នុងសន្តិភាព ប្រជុំបូកសរុបការងារ នៅទីស្នាក់ការកណ្តាលរបស់សមាគមសម្ព័ន្ធភាពអ្នកសារព័ត៌មានក្នុងសន្តិភាព បុរីជារី ផ្ទះលេខ៨ ផ្លូវ៣ ភូមិក្រាំងដូនទៃ សង្កាត់ចោមចៅ២ ខណ្ឌពោធិ៍សែនជ័យ រាជធានីភ្នំពេញ។ឯកឧត្តមបណ្ឌិតបានផ្តល់អនុសាន៍ ដល់ ឯកឧត្តម លោកជំទាវ លោក លោកស្រី ចាងហ្វាង​ និពន្ធនាយក និងថ្នាក់ដឹកនាំ នៃអង្គភាពសារព័ត៌មានទាំងអស់ ត្រូវតែមានវិជ្ជាជីវៈ គោរពរដ្ឋធម្មនុញ្ញ និងច្បាប់នៃព្រះរាជាណាចក្រកម្ពុជា នៅពេលបំពេញការងារ។ឯកឧត្តមបណ្ឌិត បានបន្តថាយើងត្រូវរួមគ្នាប្រឆាំងព័ត៌មានក្លែងក្លាយ ដែលជាយុទ្ធនាការរបស់ក្រសួងព័ត៌មាន ក្នុងដំណាក់កាលធ្វើយុទ្ធនាការនៅតាមបណ្ដារាជធានីខេត្ត ក្រុង ស្រុក ខណ្ឌ ឆ្លើយតប ក្រុមជនអគតិមួយចំនួនបានព្យាយាមបង្កើតព័ត៌មានក្លែងក្លាយជាច្រើនក្នុងគោលបំណងដើម្បីបំភ្លៃការពិតពីសង្គមកម្ពុជា និងបង្កើតការញុះញង់ផ្សេងៗ។ ឯកឧត្តមបណ្ឌិត ក៏បានផ្ដាំផ្ញើដល់សម្ព័ន្ធភាពនៃសមាគមសម្ព័ន្ធភាពអ្នកសារព័ត៌មានក្នុងសន្តិភាពទាំងអស់ឲ្យខិតខំប្រឹងប្រែងយកចិត្តទុកដាក់ក្នុងស្វែងរកព័ត៌មានល្អៗជួយសង្គមជាតិ ផ្សព្វផ្សាយ ហេដ្ឋារចនាសម្ព័ន្ធ ផ្លូវថ្នល់ សាលារៀនមន្ទីរពេទ្យ វត្តអារាម វិហារសាសនា…