អ្នកសារព័ត៌មាននារីម្នាក់រងអំពើវាយ គប់ដុំថ្មបំផ្លាញទ្រព្យសម្បត្តិ កើតឡើងយប់មិញនៅភូមិអូរខ្លរ ឃុំព្រៃមាស ស្រុកកែវសីមា ខេត្តមណ្ឌលគីរី

ខេត្តមណ្ឌលគីរី: ករណីអំពើវាយគប់ដុំថ្មបំផ្លាញទ្រព្យសម្បត្តិ ក្នុងយប់ថ្ងៃទី ១៦ ខែវិច្ឆិកា ឆ្នាំ ២០២៥ បានបង្កការភ្ញាក់ផ្អើលក្នុងសហគមន៍ នៅភូមិអូរខ្លរ ឃុំព្រៃមាស ស្រុកកែវសីមា
ខេត្តមណ្ឌលគីរី បន្ទាប់ពីអ្នកសារព័ត៌មាននារីម្នាក់ត្រូវក្រុមជនសង្ស័យ មួយក្រុមបំផ្លិចបំផ្លាញទ្រព្យសម្ភារៈក្នុងផ្ទះរបស់នាង។
អ្នករងគ្រោះមានឈ្មោះ ង៉ែត សុខជា អ្នកយកព័ត៌មានអង្គភាព រស្មីញ៉ូស៍ (www.mrrnews.com.kh) បានប្រាប់ថា ពេលកើតហេតុ—ប្រមាណម៉ោង ២:៣៥ នាទីយប់—នាងបានឮសម្លេងរំខានខាងក្រៅ និងឮដុំថ្មគប់ចូលផ្ទះ បណ្ដាលឱ្យខូចខាតទូកញ្ចក់តាំងលក់អីវ៉ាន់ ទ្វាផ្ទះ និងសម្ភារៈផ្សេងៗទៀត។
លុះព្រឹកឡើង នាងបានទៅដាក់ពាក្យបណ្ដឹងនៅ ប៉ុស្តិ៍នគរបាលចុងផ្លាស់ ដើម្បីដាក់ពាក្យបណ្តឹង ស្នើសុំអោយសមត្ថកិច្ចចាប់ផ្តើមសំណុំរឿង និងចាប់ជនល្មើសចាត់ការតាមនិតិវិធីច្បាប់។

បើយោងមាត្រាច្បាប់ពាក់ព័ន្ធនឹងករណីខាលើនេះ ។
១. ករណីបំផ្លិចបំផ្លាញទ្រព្យសម្បត្តិ
ផ្អែកតាមច្បាប់ព្រហ្មទណ្ឌ ក្រោមមាត្រា 410–411 (បំផ្លិចបំផ្លាញទ្រព្យសម្បត្តិរបស់អ្នកដទៃ)
ក្រុមជនសង្ស័យអាចត្រូវទទួលទោស ពន្ធនាគារពី ១ ខែដល់ ២ ឆ្នាំ
និងពិន័យប្រាក់ពី ១០០,០០០ រៀលដល់ ៤,០០០,០០០ រៀល
បើជាការបំផ្លិចបំផ្លាញក្នុងយប់ ឬដោយក្រុមច្រើននាក់ ការផាកពិន័យអាចកើនឡើងតាមច្បាប់។

២. ការបំពានលើសិទ្ធិនិងសុវត្ថិភាពជនសារព័ត៌មាន
តាមច្បាប់សារព័ត៌មាន និងគោលការណ៍រដ្ឋបាល ការគំរាមកំហែង ឬអំពើហិង្សាចំពោះអ្នកសារព័ត៌មាន គឺជាអំពើមួយដែលសមត្ថកិច្ចត្រូវចាត់វិធានការជាបន្ទាន់នៅពេលមានពាក្យបណ្ដឹង។

៣. និតិវិធីស៊ើបអង្កេត
ក្រោយទទួលពាក្យបណ្ដឹង ប៉ុស្តិ៍នគរបាលត្រូវ៖
កំណត់សំណុំរឿង
ប្រមូលសក្ខីកម្ម និងវត្ថុសក្ខី
បញ្ជូនសំណុំរឿងទៅអធិការក្នុងតំបន់
និងអាចចេញលិខិតហៅ ឬចាប់ខ្លួនក្រុមជនសង្ស័យ ប្រសិនបើមានភស្តុតាងគ្រប់គ្រាន់។

ក្នុងករណីនេះសមត្ថកិច្ចចាប់ផ្តើមស៊ើបអង្កេត
នគរបាលបានបញ្ជាក់ថា អោយជនរងគ្រោះមកដាក់ពាក្យបណ្តឹង និងសាកសួរភាគីពាក់ព័ន្ធ ដើម្បីរកអត្តសញ្ញាណក្រុមជនសង្ស័យ និងចាត់វិធានការតាមផ្លូវច្បាប់។

រហូតមកដល់ពេលនេះ មូលហេតុការប្រព្រឹត្តអំពើមិនទាន់ត្រូវបញ្ជាក់នៅឡើយ ខណៈសមត្ថកិច្ចបន្តពង្រីកដំណើរការស៊ើបអង្កេត។

ក្នុងករណីនេះ អ្នកជំនាញផ្លូវច្បាប់ និងជាវិទ្យាធិការ/មេធាវីប្រឹក្សា បានអធិប្បាយថា អំពើគប់ថ្មបំផ្លាញទ្រព្យសម្បត្តិនេះ “ជាអំពើឧក្រិដ្ឋកម្មច្បាស់លាស់” ដែលត្រូវបានកំណត់នៅក្នុង មាត្រា 410 និង 411 នៃច្បាប់ព្រហ្មទណ្ឌ ដែលទាំងអស់សង្ស័យអាចប្រឈមទោសពន្ធនាគារ និងពិន័យប្រាក់យ៉ាងតឹងរឹង។

“ការបំផ្លិចបំផ្លាញទ្រព្យសម្បត្តិរបស់អ្នកដទៃ ជាពិសេសក្នុងយប់ និងមានលក្ខណៈក្រុមច្រើននាក់ អាចនាំឲ្យកាន់តែធ្ងន់ទោស។ ដោយឡែកពីនេះ ការគំរាមកំហែង ឬធ្វើអំពើហិង្សាចំពោះអ្នកសារព័ត៌មាន គឺជាការរំលោភលើសិទ្ធិសេរីភាពព័ត៌មាន និងអាចប៉ះពាល់ដល់សន្តិសុខសង្គម។”

មេធាវីបានលើកឡើងថា សមត្ថកិច្ចមានកាតព្វកិច្ចបន្តដំណើរការស៊ើបអង្កេតដោយប្រុងប្រយ័ត្ន និងប្រមូលភស្តុតាងគ្រប់គ្រាន់ ដើម្បីបញ្ជូនសំណុំរឿងទៅអធិការក្នុងតំបន់។

“ក្នុងករណីទោះជាភស្តុតាងមិនទាន់គ្រប់ក្តី ក៏ប៉ុន្តែពេលមានគ្រោះថ្នាក់កើតឡើងលើអ្នកធ្វើសារព័ត៌មាន សមត្ថកិច្ចត្រូវអនុវត្តវិធានការខ្ពស់ជាងធម្មតា ដើម្បីការពារសុវត្ថិភាពពួកគេ និងធានាថាសិទ្ធិវិជ្ជាជីវៈរបស់ពួកគេមិនត្រូវរំខាន។

”
បន្ថែមពីនេះ អ្នកជំនាញផ្លូវច្បាប់មួយរូបបានឱ្យដំណឹងថា ករណីបែបនេះអាចបើកផ្លូវឱ្យអ្នករងគ្រោះដាក់ពាក្យទាមទារសំណងស៊ីវិលចំពោះការខូចខាតទ្រព្យសម្បត្តិ និងការខូចខាតផ្លូវចិត្