រស្មី ញូស៍

វគ្គបំពាក់បំប៉នស្តីពីការពង្រឹងសមត្ថភាពលើការងារព័ត៌មាននិងសាធារណមតិរួមចំណែកសំខាន់ក្នុងការជំរុញការងារប្រឆាំងព័ត៌មានក្លែងក្លាយឱ្យមានប្រសិទ្ធភាព ខេត្តព្រះសីហនុ ៖ មន្ត្រីនៃមន្ទីរព័ត៌មានរាជធានីខេត្តបានចាត់ទុក វគ្គបំពាក់បំប៉នស្តីពី ការពង្រឹងសមត្ថភាពលើការងារព័ត៌មាននិងសាធារណមតិ ដែលរៀបចំដោយក្រសួងព័ត៌មានថា ពិតជាមានអត្ថប្រយោជន៍យ៉ាងខ្លាំងដើម្បីជំរុញការងារប្រឆាំងព័ត៌មានក្លែងក្លាយឱ្យមានប្រសិទ្ធភាព។ បន្ទាប់ពីបានចូលរួមវគ្គបំពាក់បំប៉នស្តីពីការពង្រឹងសមត្ថភាព លើការងារព័ត៌មាន និងសាធារណមតិ ចាប់ពីថ្ងៃទី២៥ដល់ថ្ងៃទី២៦ ខែកញ្ញា ឆ្នាំ២០២៥ មន្ត្រីជំនាញ និងអាជ្ញាធរពាក់ព័ន្ធមកពីខេត្តព្រះសីហនុ កែប កោះកុង កំពត តាកែវនិងខេត្តកំពង់ស្ពឺ សុទ្ធតែបានបង្ហាញនូវចំណាប់អារម្មណ៍គាំទ្រ និងពេញចិត្តយ៉ាងខ្លាំងចំពោះវគ្គបណ្ដុះបណ្ដាលនោះ។ លោករស់ ឧត្តុង្គ ប្រធានមន្ទីរព័ត៌មានខេត្តកែបលើកឡើងថា បន្ទាប់ពីបានចូលរួមវគ្គបណ្ដុះបណ្ដាលនេះ រួបលោក និងមន្ត្រីផ្សេងៗទៀតទទួលបានចំណេះដឹងថ្មីៗលើជំនាញបច្ចេកទេសរៀបចំខ្លឹមសារបែបសាធារណមតិ និងចំណេះដឹងស្តីពីបច្ចេកវិទ្យាឌីជីថល និងបញ្ញាសិប្បនិម្មិតAI ដើម្បីជួយសម្រួលដល់ការងារប្រចាំថ្ងៃ។ លោកអៀម ថៃប្រធានមន្ទីរព័ត៌មានខេត្តតាកែវដែលបានចូលរួមវគ្គបណ្ដុះបណ្ដាលនេះ គឺជាការយកចិត្តទុយកដាក់ខ្ពស់ពីថ្នាក់ដឹកនាំក្រសួងព័ត៌មានដើម្បីជំរុញដល់មន្ត្រីព័ត៌មានថ្នាក់ក្រោមជាតិមានចំណេះដឹង ជំនាញច្បាស់លាស់ងាយស្រួលបំពេញការងារ ហើយលោកនឹងយកចំណេះដឹងនេះអនុវត្តន៍ការងារជាក់ស្តែងឱ្យទទួលបានលទ្ធផលល្អ។ លោកសាន្ត សុផល តំណាងសិក្ខាកាមមកពីខេត្តកំពត យល់ឃើញថា វគ្គនេះផ្តល់ចំណេះដឹងថ្មីៗក្នុងការសរសេរអត្ថបទបែបទស្សនៈ ដើម្បីមានមូលដ្ឋានគ្រឹះក្នុងការសរសេរអត្ថបទឆ្លើយតបចំពោះព្រឹត្តិការណ៍ដែលកើតមានក្នុងខេត្ត ជាពិសេសផ្តល់ព័ត៌មានពិតទៅដល់ប្រជាពលរដ្ឋ។ តំណាងមន្ត្រីរាជការមកពីមន្ទីរព័ត៌មានខេត្តកំពង់ស្ពឺ បានអរគុណចំពោះក្រសួងព័ត៌មានដែលបានរៀបចំវគ្គបណ្ដុះបណ្ដាលនេះ ធ្វើឱ្យសិក្ខាកាមទាំងអស់ចំណេះដឹងគ្រប់គ្រាន់ក្នុងការបំភ្លឺ ឆ្លើយតបទៅនឹងព័ត៌មានមិនពិត ព័ត៌មានក្លែងក្លាយ ។ លោកខៀវ សាវ៉ុន អនុប្រធានមន្ទីរព័ត៌មានខេត្តព្រះសីហនុ បានចាត់ទុកការបណ្ដុះបណ្ដាលនេះ ពិតជាបានឆ្លើយតបទៅនឹងការងារគ្រប់គ្រងសាធារណមតិ ជាការងារអាទិភាពការងារខ្ពស់មួយ…

ការស្ទង់មតិរបស់ CGTN៖បង្កើត “គំរូភូមិភាគស្វយ័ត Xinjiang ”នៃការធ្វើទំនើបកម្មតាមបែបផែនចិន ក្នុងឱកាសខួប៧០ឆ្នាំនៃការបង្កើតភូមិភាគស្វយ័ត Xinjiang តាមការស្ទង់មតិរបស់បណ្តាញទូរទស្សន៍សកល CGTN នៃអគ្គស្ថានីយវិទ្យុនិងទូរទស្សន៍មជ្ឈិមចិនចំពោះអ្នកផ្តល់បទសម្ភាសន៍ចំនួន៧៤៤៦នាក់ដែលមកពីប្រទេសចំនួន៣៨លើទូទាំងពិភពលោកឱ្យដឹងថា អ្នកផ្តល់បទសម្ភាសន៍បានវាយតម្លៃយ៉ាងសកម្មចំពោះសមិទ្ធផលដ៏ច្រើននៃការអភិវឌ្ឍសង្គមនិងសេដ្ឋកិច្ចនៃភូមិភាគស្វយ័ត Xinjiang ហើយសម្គាល់ឃើញជាទូទៅថា គោលនយោបាយអភិបាលកិច្ចនៃភូមិភាគស្វយ័ត Xinjiang របស់ចិនបានរកឃើញផ្លូវដ៏ត្រឹមត្រូវមួយសម្រាប់ការអភិវឌ្ឍនិងសន្តិសុខនៅតំបន់ព្រំដែន ជំរុញយ៉ាងប្រាកដប្រជានូវការអនុវត្តជាក់ស្តែងនៃការធ្វើទំនើបកម្មតាមបែបផែនចិននៅតំបន់ Xinjiang និងសម្រេចបាននូវស្ថិរភាពសង្គមនិងសន្តិសុខយូរអង្វែងនៅភូមិភាគស្វយ័ត Xinjiang ។ ក្នុងការស្ទង់មតិនេះ អ្នកផ្តល់បទសម្ភាសន៍បានវាយតម្លៃយ៉ាងសកម្មចំពោះសមិទ្ធផលសំខាន់នៃការអភិវឌ្ឍសង្គមនិងសេដ្ឋកិច្ចនៃភូមិភាគស្វយ័ត Xinjiang ការទទួលស្គាល់ខ្ពស់បំផុតចំនួន៥ចំណុចរួមមាន៖ ការលើកកម្ពស់កម្រិតវេជ្ជសាស្ត្រជាបន្តបន្ទាប់(៨២,១ភាគរយ) ការធានាសិទ្ធិទទួលបានការអប់រំរបស់ប្រជាជន(៨១,៧ភាគរយ) ហេដ្ឋារចនាសម្ព័ន្ធត្រូវបានកែលម្អជាបន្តបន្ទាប់(៨០,៨ភាគរយ) ការការពារនិងអភិបាលកិច្ចអេកូឡូស៊ីមានប្រសិទ្ធភាពដ៏លេចធ្លោ(៨០,៦ភាគរយ) និងការលើកកម្ពស់ប្រាក់ចំណូលរបស់ប្រជាជន(៨០ភាគរយ) ៕

មន្ត្រីជំនាញមកពីខេត្តចំនួន៦នៅប៉ែកនិរតីប្រទេសកម្ពុជាទទួលបានការពង្រឹងសមត្ថភាពពីការងារព័ត៌មាន និងសាធារណមតិ ==== ព្រះសីហនុ៖ ក្រសួងព័ត៌មាន ជាមួយមន្ទីរព័ត៌មានខេត្តព្រះសីហនុនាព្រឹកថ្ងៃទី២៥ ខែកញ្ញា ឆ្នាំ២០២៥ នៅសាលប្រជុំសាលាក្រុងព្រះសីហនុ បានបើកវគ្គបំពាក់បំប៉នស្តីពីការពង្រឹងសមត្ថភាព លើការងារព័ត៌មាន និងសាធារណមតិដល់មន្ត្រីជំនាញមកពីមន្ទីរព័ត៌មានខេត្តព្រះសីហនុ  កែប កោះកុង កំពត តាកែវ និងមន្ទីរព័ត៌មានខេត្តកំពង់ស្ពឺសរុបប្រមាណ៩០នាក់ ។ វគ្គបំពាក់បំប៉ននេះ ប្រព្រឹត្តិទៅក្រោមអធិបតីភាព ឯកឧត្តមឆាយ សុផល តំណាងឯកឧត្តមនេត្រ ភក្រ្តា រដ្ឋមន្ត្រីក្រសួងព័ត៌មាន  និងលោកឡុងឌី ម៉ង់ អភិបាលរងខេត្តព្រះសីហនុ និងមានការអញ្ជើញចូលរួមពី ឯកឧត្តម ទេព អស្នារិទ្ធ អនុរដ្ឋលេខាធិការ និងជាអ្នកនាំពាក្យក្រសួងព័ត៌មាន  និងឯកឧត្តមអ៊ុក គឹម សេង អនុរដ្ឋលេខាធិការក្រសួងព័ត៌មាន ។ ឯកឧត្តមឆាយ សុផល មានប្រសាសន៍ថា ការងារព័ត៌មាន និងសាធារណមតិគឺជាការងារសំខាន់ ដែលរាជរដ្ឋាភិបាល ក៏ដូចជាក្រសួងព័ត៌មានកំពុងយកចិត្តទុកដាក់ខ្ពស់ ដោយក្រសួងព័ត៌មានបានដាក់ចេញនូវចក្ខុវិស័យ ធ្វើយ៉ាងណាប្រែក្លាយក្រសួងព័ត៌មានឱ្យទៅជាស្ថាប័នទំនាក់ទំនងសាធារណៈរបស់រាជរដ្ឋាភិបាល ប្រកបដោយបុរេសកម្ម សកម្ម អន្តរសកម្ម ប្រសិទ្ធភាព និងប្រសិទ្ធផល ផ្អែកលើអភិក្រម «ថ្មី…

វប្បធម៌ពហុជាតិពន្ធុ ទេសចរណ៍ធម្មជាតិ និង វឌ្ឍនភាពសេដ្ឋកិច្ចបៃតងរបស់ភូមិភាគស្វយ័តវៃវូអឺស៊ីនជាំងក្នុងចរន្តទំនើបកម្មសង្គមនិយម ===== «ភូមិភាគស្វយ័តវៃវូអឺស៊ីនជាំង» ចាប់ពីឆ្នាំ១៩៥៥មក ត្រូវបានក្លាយជាភូមិភាគស្វយ័តមួយក្នុងចំណោមភូមិភាគស្វយ័តទាំង៥របស់ប្រទេសចិនដោយផ្តោតទៅលើការខិតខំប្រឹងប្រែងរបស់ខ្លួនលើធាតុផ្សំពីរគឺទី១-ការរួមបញ្ចូលគ្នារវាងការបង្រួបបង្រួម និងស្វ័យភាព ដើម្បីផលប្រយោជន៍ជាតិដ៏ឧត្តុងឧត្តមបំផុត និងជាផលប្រយោជន៍រួមរបស់ក្រុមជាតិសាសន៍ទាំងអស់ ការបង្រួបបង្រួមមានតួនាទីជាមូលដ្ឋានគ្រឹះ និងជាគោលការណ៍ដើម្បីស្វ័យភាពរបស់ក្រុមជាតិសាសន៍ក្នុងតំបន់ និងទី២-ការរួមបញ្ចូលគ្នារវាងកត្តានានានៃក្រុមជាតិសាសន៍ និងកត្តានានានៅតាមតំបន់ ពោលគឺស្វ័យភាពនៃក្រុមជាតិសាសន៍ក្នុងតំបន់ពាក់ព័ន្ធទៅនឹងកត្តានៃក្រុមជនជាតិ និងកត្តាតំបន់។ បន្ថែមពីលើនេះ ភូមិភាគស្វយ័តវៃវូអឺស៊ីនជាំងដែលមានផ្ទៃដី១.៦៦៥លានគីឡូម៉ែត្រក្រឡា និងមានប្រជាជនចិនរស់នៅប្រមាណជាង២៥លាននាក់បានប្រកាន់ខ្ជាប់នូវមាគ៌ាទំនើបកម្មសង្គមនិយមតាមបែបផែនចិន ដោយបានលើកទឹកចិត្តដល់ភូមិភាគនេះក្លាយជាគំរូភាពមួយសាមគ្គីភាពរបស់ជនជាតិវៃវូអឺនិងបណ្តាជនជាតិដទៃទៀតរបស់ប្រទេសចិននៅក្នុងចរន្តពហុជាតិពន្ធុសម្រាប់វឌ្ឍនភាពតំបន់ស៊ីនជាំងនិយាយដោយឡែក និងការអភិវឌ្ឍប្រទេសចិនកាន់តែខ្លាំងក្លានិយាយរួម ជាក់ស្តែង «សៀវភៅស»ដែលមានចំណងជើងថា «ការអនុវត្តជាក់ស្តែងដ៏ជោគជ័យនៃគោលនយោបាយគ្រប់គ្រងភូមិភាគស្វយ័តស៊ីនជាំងរបស់បក្សក្នុងយុគសម័យថ្មី» ដែលរដ្ឋាភិបាលចិនបានប្រកាសកាលពីថ្ងៃទី១៩ ខែកញ្ញា ឆ្នាំ២០២៥ដោយបានលាតត្រដាងយ៉ាងពេញលេញនូវសមិទ្ធផលជាប្រវត្តិសាស្ត្រក្នុងការអភិវឌ្ឍសេដ្ឋកិច្ចនិងសង្គមនៃភូមិភាគស្វយ័តវៃវូអឺស៊ីនជាំង។ ជាក់ស្តែងក្នុងរយៈពេលជាង១០ឆ្នាំនេះ ភូមិភាគស្វយ័តវៃវូអឺស៊ីនជាំងបានបង្កើតកន្លែងបៃតងក្នុងវាលខ្សាច់ដ៏ធំល្វឹងល្វើយ ទំហំផ្ទៃដីសម្រាប់ដាំស្បៀងបានកើនឡើងជាង៨សែនហិកតា ដែលបានក្លាយជាខេត្តដែលមានកំណើនស្បៀងច្រើនបំផុតរបស់ចិន។ «ភូមិភាគស្វយ័តវៃវូអឺស៊ីនជាំង» បាននិងកំពុងធ្វើដំណើរយ៉ាងស្វាហាប់នៅក្នុងការទម្រនៃស្ថិរភាពដើម្បីឈានយ៉ាងលឿននៃវឌ្ឍនភាព និងការអភិវឌ្ឍយ៉ាងខ្លាំងក្លាតាមរយៈការវិនិយោគលើហេដ្ឋារចនាសម្ព័ន្ធ ឧស្សាហកម្ម កសិកម្ម អប់រំ និងសុខាភិបាល ជាក់ស្តែងក្នុងឆ្នាំ២០២៤ GDPរបស់ភូមិភាគស្វយ័តវៃវូអឺស៊ីនជាំង បានកើនឡើងដល់២៧៨ពាន់លានដុល្លារ ពោលគឺកើន៦.១%បើធៀបនឹងឆ្នាំ២០២៣ដែលបាននាំឱ្យភូមិភាគស្វយ័តវៃវូអឺស៊ីនជាំងបានក្លាយជាតំបន់មួយដែលមានសក្តានុពលសេដ្ឋកិច្ច និងភាពចម្រុះវប្បធម៌ ផ្ទុយទាំងស្រុងពីមនុស្សមួយចំនួននៅសហរដ្ឋអាមេរិកនិងបណ្តាបស្ចិមប្រទេស ដែលបានប្រឌិតរឿងក្លែងក្លាយហៅថា «ការប្រល័យពូជសាសន៍» និង «បង្ខិតបង្ខំធ្វើពលកម្ម»ជាដើម។ ពាក្យកុហក ពាក្យមួលបង្កាច់ចំពោះតថភាពនិងសច្ចភាពនៃភូមិភាគស្វយ័តវៃវូអឺស៊ីនជាំងត្រូវបានពិភពលោកផ្សព្វផ្សាយកាន់តែទូលំទូលាយពីខ្លឹមសារនៃ«សៀវភៅស»ស្តីពី«ការអនុវត្តជាក់ស្តែងដ៏ជោគជ័យនៃគោលនយោបាយគ្រប់គ្រងភូមិភាគស្វយ័តស៊ីនជាំងរបស់បក្សក្នុងយុគសម័យថ្មី»។ ប្រវត្តិវិទូសកលលោកបានចារបន្ថែមពីរឿងរ៉ាវស្តីពី«ក្តីសង្ឃឹមមានតម្លៃថ្លៃជាងមាស»ដោយបានដកស្រង់បន្ថែមនូវខ្លឹមសារដែលលោក Xi Jinping ប្រធានរដ្ឋចិន…

ពលរដ្ឋ និងព្រះសង្ឃរួមអុចធូបបួងសួង និងគាំទ្រកងកម្លាំងការពារទឹកដី នៅព្រំដែនកម្ពុជា-ថៃ បន្ទាយមានជ័យ, ថ្ងៃទី២៤ ខែកញ្ញា ២០២៥ — ពលរដ្ឋកម្ពុជាច្រើននាក់បាននាំគ្នាធ្វើពិធីអុចធូបបួងសួងដល់ម្ចាស់ទឹកម្ចាស់ដី នៅតំបន់ភូមិព្រៃចាន់ ឃុំអូរបីជាន់ ស្រុកអូរជ្រៅ ខេត្តបន្ទាយមានជ័យ ដើម្បីសូមឱ្យជួយថែរក្សាទឹកដីកម្ពុជាឱ្យបានគង់វង្ស និងសន្តិភាពជារហូត។ ក្នុងឱកាសនោះ ពលរដ្ឋក៏បានដាក់បណ្តាសាដល់កងទាហានថៃ ដែលត្រូវបានគេចោទប្រកាន់ថា បន្តរាយលួសបន្លា និងឈ្លានពានលើទឹកដីកម្ពុជា ព្រមទាំងធ្វើបាបពលរដ្ឋកម្ពុជាជាច្រើននាក់។ លោក សុជាតិ សំណាង មួយរូបក្នុងចំណោមអ្នកចូលរួមពិធី បានឲ្យដឹងថា៖ “យើងធ្វើពិធីនេះ ដើម្បីសង្ឃឹមឲ្យវិញ្ញាណម្ចាស់ទឹកម្ចាស់ដីជួយការពារទឹកដីខ្មែរយើង។ ពេលនេះយើងក៏ចង់បង្ហាញផងដែរថា ពលរដ្ឋខ្មែរយើងគាំទ្រគ្នាទាំងអស់ក្នុងការការពារមាតុភូមិ មិនព្រមឲ្យអ្នកណាមករំលោភបំពានឡើយ។” ជាមួយគ្នានេះដែរ ព្រះសង្ឃចំនួន ៤០អង្គ និងពុទ្ធបរិស័ទជាង ៦០នាក់ មកពីវត្តចំនួន ៧ ក្នុងស្រុកបវេល ខេត្តបាត់ដំបង ក៏បាននាំយកសម្ភារប្រើប្រាស់ និងថវិកាមួយចំនួន ជូនដល់កងកម្លាំងប្រដាប់អាវុធ និងពលរដ្ឋនៅតាមតំបន់ព្រំដែន ដើម្បីជាការលើកទឹកចិត្តផងដែរ។ ព្រះតេជគុណ សាមណេរ ឈុន វិរៈ, តំណាងក្រុមព្រះសង្ឃបានមានប្រសាសន៍ថា៖ “យើងមកទីនេះ គឺដើម្បីលើកទឹកចិត្តដល់កងកម្លាំង និងបងប្អូនប្រជាពលរដ្ឋ ដែលកំពុងទប់ទល់ការឈ្លានពាន។…