រស្មី ញូស៍

ខណ្ឌទួលគោក៖ អធិការនគរបាលខណ្ឌ ដឹកនាំកិច្ចប្រជុំផ្សព្វផ្សាយ និងពង្រឹងការងារសន្តិសុខសុវត្ថិភាព ភ្នំពេញ : នារសៀលថ្ងៃទី៩ ខែមករា ឆ្នាំ២០២៦ វេលាម៉ោង ១៤:០០ នាទី លោកវរសេនីយ៍ឯក ស៊ឹម ពិសិដ្ឋ អធិការនគរបាលខណ្ឌទួលគោក បានដឹកនាំកិច្ចប្រជុំផ្សព្វផ្សាយ និងពង្រឹងកិច្ចការងារពាក់ព័ន្ធនានា ដើម្បីលើកកម្ពស់ប្រសិទ្ធភាពការងារសន្តិសុខ សុវត្ថិភាព និងសណ្ដាប់ធ្នាប់សាធារណៈក្នុងមូលដ្ឋាន។ ក្នុងកិច្ចប្រជុំនោះ លោកអធិការនគរបាលខណ្ឌ បានធ្វើការផ្សព្វផ្សាយអនុក្រឹត្យលេខ ០៣ របស់រាជរដ្ឋាភិបាលកម្ពុជា ស្តីពីការគ្រប់គ្រងសន្តិសុខសុវត្ថិភាពតាមទីតាំងរស់នៅ និងទីតាំងប្រមូលផ្តុំ ព្រមទាំងពង្រឹងការអនុវត្តការងារព្រហ្មទណ្ឌ ការទប់ស្កាត់ក្មេងទំនើង និងការបង្ក្រាបល្បែងស៊ីសងខុសច្បាប់គ្រប់ប្រភេទ។ ជាមួយគ្នានេះផងដែរ កិច្ចប្រជុំបានលើកឡើងអំពីការងារសន្តិសុខ ការក្តាប់សភាពការណ៍ទូទៅក្នុងមូលដ្ឋាន ការងារអន្តោប្រវេសន៍ ជាពិសេសការទប់ស្កាត់បទល្មើសឆបោកតាមប្រព័ន្ធអនឡាញ (Online Scam) ក៏ដូចជាការងារសណ្ដាប់ធ្នាប់សាធារណៈ ការសម្រួលចរាចរណ៍ និងការការពារសន្តិសុខជូនក្បួនថ្នាក់ដឹកនាំផងដែរ។ កិច្ចប្រជុំនេះ មានការចូលរួមពីលោកអធិការរង នាយផ្នែក នាយប៉ុស្តិ៍ និងមន្ត្រីពាក់ព័ន្ធជាច្រើនរូប ដោយមានគោលបំណងបង្កើនការយល់ដឹង ពង្រឹងសមត្ថភាព និងសហការគ្នាឲ្យកាន់តែប្រសើរ ក្នុងការអនុវត្តភារកិច្ចថែរក្សាសន្តិសុខ សុវត្ថិភាព និងសុខសន្តិភាពជូនប្រជាពលរដ្ឋក្នុងខណ្ឌទួលគោក៕

អាវុធហត្ថរាជធានីភ្នំពេញ បង្ក្រាបជនសង្ស័យ ០២នាក់ ពាក់ព័ន្ធករណីហិង្សាដោយចេតនា នៅខណ្ឌពោធិ៍សែនជ័យ រាជធានីភ្នំពេញ៖ កម្លាំងកងរាជអាវុធហត្ថរាជធានីភ្នំពេញ បានធ្វើការបង្ក្រាប និងឃាត់ខ្លួនជនសង្ស័យចំនួន ០២នាក់ ពាក់ព័ន្ធករណីហិង្សាដោយចេតនា បន្ទាប់ពីទទួលបានបណ្តឹងសុំអន្តរាគមន៍ពីជនរងគ្រោះ តាមរយៈលេខទូរស័ព្ទបន្ទាន់ ១២៩១ កាលពីវេលាម៉ោង ០៤ និង ៤០នាទី ថ្ងៃទី០៩ ខែមករា ឆ្នាំ២០២៦។ តាមការបញ្ជាក់ពីសមត្ថកិច្ច បានឲ្យដឹងថា ករណីហិង្សានេះ បង្កឡើងដោយជនសង្ស័យមួយក្រុម មានគ្នាចំនួន ០៣នាក់ ដែលបានធ្វើសកម្មភាពវាយទៅលើជនរងគ្រោះ បណ្ដាលឲ្យរងរបួសបែកក្បាលនៅផ្នែកខាងក្រោយ ខណៈកើតហេតុនៅចំណុចមុខក្លឹបមួយកន្លែង ស្ថិតនៅតាមបណ្តោយផ្លូវវេងស្រេង ភូមិចោមចៅ២ សង្កាត់ចោមចៅ២ ខណ្ឌពោធិ៍សែនជ័យ រាជធានីភ្នំពេញ។ ភ្លាមៗបន្ទាប់ពីទទួលបានព័ត៌មាន កម្លាំងអាវុធហត្ថរាជធានីភ្នំពេញ ក្នុងមូលដ្ឋានខណ្ឌពោធិ៍សែនជ័យ បានចុះទៅដល់កន្លែងកើតហេតុ និងធ្វើការស្រាវជ្រាវជាបន្តបន្ទាប់ រហូតឃាត់ខ្លួនបានជនសង្ស័យចំនួន ០២នាក់ នៅចំណុចដីឡូតិ៍ទុកចោលមួយកន្លែង ស្ថិតក្នុងភូមិត្រពាំងថ្លឹង១ សង្កាត់ចោមចៅទី១ ខណ្ឌពោធិ៍សែនជ័យ។ ជនសង្ស័យទាំង ០២នាក់ មានឈ្មោះ ជួប ជិនឈាន ហៅ ឃ្លី ភេទប្រុស អាយុ…

ល្បែងស៊ីសងអនឡាញក្នុងខណ្ឌដូនពេញ រីកដុះដាលដូចផ្សិត សង្ស័យមានការបណ្ដែតបណ្ដោយពីអាជ្ញាធរមូលដ្ឋាន ភ្នំពេញ៖ ទីតាំងល្បែងស៊ីសងតាមអនឡាញជាច្រើនកន្លែងនៅក្នុងខណ្ឌដូនពេញ កំពុងដំណើរការយ៉ាងរលូន និងបើកលេងជាប្រចាំ ដោយមិនឃើញមានការរំខាន ឬចាត់វិធានការណ៍ណាមួយពីសមត្ថកិច្ច និងអាជ្ញាធរមូលដ្ឋានឡើយ ដែលធ្វើឲ្យមហាជនដាក់ការសង្ស័យពីការបណ្ដែតបណ្ដោយឱ្យបទល្មើសបន្តកើតមាន។ ជាក់ស្តែង ទីតាំងល្បែងស៊ីសងអនឡាញមួយកន្លែង ស្ថិតនៅផ្លូវលេខ ១៥ កែងផ្លូវលេខ ១១៨ សង្កាត់ផ្សារចាស់ ខណ្ឌដូនពេញ ត្រូវបានរាយការណ៍ថា បើកដំណើរការជាធម្មតា ២៤ម៉ោង ដោយមានការរៀបចំការពារយ៉ាងតឹងរឹង និងប្រើវិធីសាស្ត្របំភ័ន្តភ្នែកមហាជន ដោយធ្វើជាបិទទ្វារ ប៉ុន្តែនៅពេលមានភ្ញៀវ ឬ “ម៉ូយ” មកដល់ គេនឹងបើកទ្វារឱ្យចូលលេងយ៉ាងស្ងាត់ស្ងៀម។ ប្រភពពីប្រជាពលរដ្ឋនៅតំបន់នោះបានឲ្យដឹងថា ទីតាំងល្បែងស៊ីសងអនឡាញទាំងនេះ មានអ្នកមើលការខុសត្រូវ និងអ្នកយាមកាម ចាំមើលផ្លូវជាប្រចាំ ដើម្បីប្រយ័ត្នចំពោះអ្នកសង្ស័យថាលួចថតរូប ឬស៊ើបអង្កេត។ ក្នុងករណីមានការសង្ស័យណាមួយ គេបានប្រើសម្ដីកាចៗ និងអាកប្បកិរិយាមិនសមរម្យ បង្កឲ្យមានការភ័យខ្លាចដល់មហាជន។ ការបើកដំណើរការល្បែងស៊ីសងអនឡាញដោយគ្មានការរំខានបែបនេះ បានធ្វើឲ្យប្រជាពលរដ្ឋសង្ស័យថា ទីតាំងខាងលើអាចមានខ្នងបង្អែក ឬអំណាចមិនធម្មតា ទើបអាចបន្តសកម្មភាពខុសច្បាប់បានយ៉ាងអនាធិបតេយ្យ នៅកណ្ដាលរាជធានីភ្នំពេញ។ ពាក់ព័ន្ធនឹងករណីខាងលើនេះ អង្គភាពសារព័ត៌មានយើងខ្ញុំ មិនទាន់អាចទំនាក់ទំនងសុំការបំភ្លឺពីអាជ្ញាធរ និងសមត្ថកិច្ចពាក់ព័ន្ធបាននៅឡើយទេ។ ទោះជាយ៉ាងណាក៏ដោយ អង្គភាពសារព័ត៌មានយើងខ្ញុំ នៅតែរង់ចាំការឆ្លើយបញ្ជាក់បំភ្លឺពីគ្រប់ភាគីពាក់ព័ន្ធ ដើម្បីផ្សព្វផ្សាយជូនសាធារណជនឱ្យបានជ្រាប…

ខណ្ឌរដ្ឋបាលជលផលស្ទឹងត្រែង បង្ក្រាបបទល្មើសនេសាទខុសច្បាប់ឆ្នាំ២០២៥ ចាប់ឃាត់ជនសង្ស័យ ០៨ នាក់ បញ្ជូនទៅតុលាការ ខេត្តស្ទឹងត្រែង ៖ ក្នុងរយៈពេលមួយឆ្នាំ គិតត្រឹមឆ្នាំ២០២៥ ខណ្ឌរដ្ឋបាលជលផល នៃមន្ទីរកសិកម្ម រុក្ខាប្រមាញ់ និងនេសាទ ខេត្តស្ទឹងត្រែង បានអនុវត្តប្រតិបត្តិការចុះទប់ស្កាត់ និងបង្ក្រាបបទល្មើសនេសាទខុសច្បាប់ជាបន្តបន្ទាប់ ដោយសម្រេចបានលទ្ធផលគួរឲ្យកត់សម្គាល់ ក្នុងនោះបានចាប់ឃាត់ខ្លួនជនសង្ស័យចំនួន ០៨ នាក់ បញ្ជូនទៅតុលាការតាមនីតិវិធីច្បាប់ និងដកហូតឧបករណ៍នេសាទខុសច្បាប់ជាច្រើនសន្ធឹកសន្ធាប់។ លោកស្រី សម វិចិត្រ នាយខណ្ឌរដ្ឋបាលជលផលស្ទឹងត្រែង បានបង្ហាញរបាយការណ៍សរុបប្រចាំឆ្នាំ២០២៥ នៅថ្ងៃទី៧ ខែមករា ឆ្នាំ២០២៦ ឲ្យដឹងថា កម្លាំងមន្ត្រីជំនាញរដ្ឋបាលជលផលក្នុងខេត្ត បានសហការជាមួយប្រជាសហគមន៍នេសាទ ឆ្មាំទន្លេ ប៉ុស្តិ៍នគរបាលរដ្ឋបាល និងអាជ្ញាធរដែនដី ចុះប្រតិបត្តិការទប់ស្កាត់ អប់រំណែនាំ និងបង្ក្រាបបទល្មើសនេសាទខុសច្បាប់ បានជាច្រើនលើក និងច្រើនករណី។ ជាលទ្ធផល ប្រតិបត្តិការបង្ក្រាបបានចាប់ឃាត់ខ្លួនជនសង្ស័យចំនួន ០៨ នាក់ រៀបចំសំណុំរឿងបញ្ជូនទៅសាលាដំបូងខេត្តស្ទឹងត្រែង ហើយត្រូវបានតុលាការសម្រេចឃុំខ្លួនជាបណ្ដោះអាសន្ន នៅក្នុងពន្ធនាគារខេត្តស្ទឹងត្រែង។ ចំពោះវត្ថុតាង និងឧបករណ៍នេសាទខុសច្បាប់ ដែលត្រូវបានដកហូត រួមមាន៖ មង ប្រវែងសរុប…

ពិធីគោរពវិញ្ញាណក្ខន្ធ​​​​ ដើម្បីឧទ្ទិសកុសល​ ជូនដល់ជនរងគ្រោះ និងអតីតយុទ្ធជន ដែលបានបាត់បង់ជីវិត ក្នុងរបបប្រល័យពូជសាសន៍​ខ្មែរក្រហម (១៩៧៥-១៩៧៩) ភ្នំពេញ៖ នាព្រឹកថ្ងៃទី០៦ ខែមករា ឆ្នាំ២០២៦ នៅមជ្ឈមណ្ឌលប្រល័យពូជសាសន៍ជើងឯក បានរៀបចំពិធីគោរពវិញ្ញាណក្ខន្ធ និងឧទ្ទិសកុសល ដើម្បីរំលឹកដល់ជនរងគ្រោះ និងអតីតយុទ្ធជន យុទ្ធនារី ដែលបានបាត់បង់ជីវិតក្នុងរបបប្រល័យពូជសាសន៍ខ្មែរក្រហម (១៩៧៥–១៩៧៩) ដ៏យង់ឃ្នង។ ពិធីនេះដឹកនាំដោយ ឯកឧត្តម ឃុត ចាន់ដារ៉ា សមាជិកអចិន្ត្រៃយ៍គណៈកម្មាធិការកណ្តាល ស.ស.យ.ក. និងជាអនុប្រធានប្រចាំការ ស.ស.យ.ក. រាជធានីភ្នំពេញ តំណាង ឯកឧត្តម ហ៊ុន ម៉ានី ប្រធាន ស.ស.យ.ក. ដោយមានការចូលរួមពីសមាជិក សមាជិកា ស.ស.យ.ក. ជាច្រើនរូប។ ក្នុងឱកាសនោះ គណៈដឹកនាំ និងសមាជិក ស.ស.យ.ក. បានធ្វើពិធីគោរពវិញ្ញាណក្ខន្ធ ដាក់កម្រងផ្កានៅស្តូបតម្កល់អដ្ឋិធាតុជនរងគ្រោះនៃរបបខ្មែរក្រហម ព្រមទាំងនិមន្តព្រះសង្ឃធ្វើពិធីបង្សុកុល ឧទ្ទិសកុសលជូនដល់ជនរងគ្រោះ និងអតីតយុទ្ធជន យុទ្ធនារី ដែលបានពលីជីវិត ក្នុងបុព្វហេតុរំដោះប្រទេសជាតិពីរបបប្រល័យពូជសាសន៍ ដើម្បីនាំមកវិញនូវសិទ្ធិសេរីភាព សុខសន្តិភាព និងសេចក្តីសុខសាន្តជូនប្រជាជនកម្ពុជា។ ថ្លែងក្នុងពិធីនេះ…