គណបក្សប្រជាជនកម្ពុជា ប្រារព្ធពិធីអបអរសាទរវគ្គជីវភាពនយោបាយប្រចាំឆ្នាំ ២០២៥ នៅស្រុកព្រែកប្រសព្វ ខេត្តក្រចេះ ខេត្តក្រចេះ ៖ នៅថ្ងៃសៅរ៍ ៨ រោច ខែមិគសិរ ឆ្នាំជូត ព.ស.២៥៦៩ ត្រូវនឹងថ្ងៃទី១៣ ខែធ្នូ ឆ្នាំ២០២៥ គណបក្សប្រជាជនកម្ពុជា (CPP) បានរៀបចំពិធីអបអរសាទរ វគ្គជីវភាពនយោបាយប្រចាំឆ្នាំ ២០២៥ និងទិសដៅអនុវត្តបន្ត ប្រកបដោយបរិយាកាសរីករាយ សាមគ្គីភាព និងឯកភាពខ្ពស់ ស្ថិតនៅស្រុកព្រែកប្រសព្វ ខេត្តក្រចេះ។ ពិធីដ៏មានសារៈសំខាន់នេះ បានប្រព្រឹត្តទៅក្រោមអធិបតីភាពដ៏ខ្ពង់ខ្ពស់របស់ ឯកឧត្តម សរ ចំរុង អនុប្រធានទី១ ក្រុមការងារគណបក្សចុះមូលដ្ឋានខេត្តក្រចេះ ដោយមានការចូលរួមពីថ្នាក់ដឹកនាំគណបក្សគ្រប់លំដាប់ថ្នាក់ សមាជិក សមាជិកា ក្រុមការងារគណបក្សចុះមូលដ្ឋាន និងមន្ត្រីពាក់ព័ន្ធជាច្រើនរូប។ គោលបំណងសំខាន់នៃវគ្គជីវភាពនយោបាយនេះ គឺដើម្បីពិនិត្យ និងវាយតម្លៃលទ្ធផលការងារជីវភាពនយោបាយកន្លងមក ពង្រឹងសាមគ្គីភាពផ្ទៃក្នុងគណបក្ស និងកំណត់ទិសដៅអនុវត្តបន្តឱ្យមានប្រសិទ្ធភាពខ្ពស់ ស្របតាមគោលនយោបាយ និងយុទ្ធសាស្ត្ររបស់គណបក្សប្រជាជនកម្ពុជា។ ក្នុងឱកាសនោះ ឯកឧត្តម សរ ចំរុង បានថ្លែងអំណរគុណ និងសម្តែងការកោតសរសើរដល់ថ្នាក់ដឹកនាំ មន្ត្រី និងសមាជិកគណបក្សគ្រប់លំដាប់ថ្នាក់ ដែលបានខិតខំបំពេញភារកិច្ចយ៉ាងសកម្ម…

សន្និសីទស្តីពីការងារសេដ្ឋកិច្ចមជ្ឈិមចិនបើកធ្វើនៅក្រុងប៉េកាំងក្រោមអធិបតីភាពលោក Xi Jinping ពីថ្ងៃទី ១០ ដល់ថ្ងៃទី ១១ ខែធ្នូ សន្និសីទស្តីពីការងារសេដ្ឋកិច្ចមជ្ឈិមចិនបានបើកធ្វើនៅក្រុងប៉េកាំង លោក Xi Jinping អគ្គលេខាធិការនៃគណៈកម្មាធិការមជ្ឈិមបក្សកុម្មុយនីស្តចិន ប្រធានរដ្ឋចិននិងជាប្រធានគណៈកម្មាធិការយោធាមជ្ឈិមចិនបានអញ្ជើញចូលរួមព្រមទាំងថ្លែងសុន្ទរកថាគន្លឹះ ។     ថ្លែងក្នុងសុន្ទរកថា លោក Xi Jinping បានបូកសរុបការងារសេដ្ឋកិច្ចនៅឆ្នាំ ២០២៥ ធ្វើការវិភាគចំពោះសភាពការណ៍សេដ្ឋកិច្ចបច្ចុប្បន្ន ក៏ដូចជារៀបចំចាត់ចែងការងារសេដ្ឋកិច្ចសម្រាប់ឆ្នាំ ២០២៦ ។ សន្និសីទលើកនេះបានលើកឡើងថា ឆ្នាំនេះជាឆ្នាំមិនធម្មតាទេ ។ មជ្ឈិមបក្សកុម្មុយនីស្តចិនដែលមានលោក Xi Jinping ជាប្រមុខស្នូលបានរួបរួមនិងដឹកនាំប្រជាជនគ្រប់ជនជាតិទូទាំងប្រទេសតស៊ូពុះពារគ្រប់ឧបសគ្គ អនុវត្តយ៉ាងមុតមាំមិនងាករេនូវទស្សនៈអភិវឌ្ឍន៍ថ្មី ជំរុញការអភិវឌ្ឍប្រកបដោយគុណភាពខ្ពស់ គោលដៅសំខាន់ៗនៃការអភិវឌ្ឍសេដ្ឋកិច្ចនិងសង្គមបានសម្រេចដោយរលូន ។ សន្និសីទបានគូសបញ្ជាក់ថា បើចង់ធ្វើការងារសេដ្ឋកិច្ចឆ្នាំក្រោយឱ្យបានល្អ ត្រូវចាត់ទុកគំនិតលោក Xi Jinping ស្តីពីសង្គមនិយមប្រកបដោយលក្ខណៈពិសេសចិនក្នុងយុគសម័យថ្មីជាគោលការណ៍ណែនាំ ត្រូវអនុវត្តយ៉ាងស៊ីជម្រៅនូវស្មារតីនៃសមាជបក្សកុម្មុយនីស្តចិនលើកទី ២០ និងកិច្ចប្រជុំពេញអង្គរាល់លើកនៃគណៈកម្មាធិការមជ្ឈិមបក្សកុម្មុយនីស្តចិនអាណត្តិទី ២០ ពន្លឿនការកសាងនិម្មាបនកម្មអភិវឌ្ឍន៍ថ្មី ប្រកាន់ខ្ជាប់នូវទិសដៅការងារជាទូទៅដែលស្វែងរកការវិវឌ្ឍប្រកបដោយភាពនឹងនរ ផ្តោតសំខាន់លើការជំរុញស្ថិរភាពនៃឱកាសការងារ សហគ្រាស ទីផ្សារនិងការរំពឹងទុក ក៏ដូចជាគាំពារភាពសុខដុមរមនានិងស្ថិរភាពក្នុងសង្គមដើម្បីសម្រេចបាននូវការចាប់ផ្តើមដ៏ល្អប្រសើរនៃការអនុវត្តផែនការអភិវឌ្ឍន៍ជាតិ៥ឆ្នាំទី ១៥ ៕

កម្លាំងអាវុធហត្ថរាជធានីភ្នំពេញ  បានចូលរួមជួយរៀបចំលើកជញ្ជូនស្បៀង និងសម្ភារៈចាំបាច់ផ្សេងៗ ទៅបងប្អូនជនភៀសសឹក និងបងប្អូនកងទ័ពនៅជួរមុខ រាជធានីភ្នំពេញ៖ នៅយប់ថ្ងៃទី ១០ ខែធ្នូ ឆ្នាំ២០២៥ កម្លាំងអាវុធហត្ថរាជធានីភ្នំពេញ បានចូលរួមជួយរៀបចំ និងលើកជញ្ជូនស្បៀងអាហារ serta សម្ភារៈចាំបាច់ផ្សេងៗ ចេញពីទីតាំងទទួលជំនួយដើម្បីផ្តល់ជូនបងប្អូនជនភៀសសឹក និងកងទ័ពនៅតំបន់ជួរមុខ។ សកម្មការនេះ បានប្រព្រឹត្តទៅត្រង់ចំណុច ហាង Eatmore បឹងកក់ រាជធានីភ្នំពេញ ក្នុងនោះកម្លាំងអាវុធហត្ថបានសហការគ្នាយ៉ាងសកម្មដើម្បីរៀបចំ កញ្ចប់ស្បៀង និងសម្ភារៈអនុវត្តប្រចាំថ្ងៃ ដូចជា សម្ភារៈសុខាភិបាល សម្ភារៈប្រើប្រាស់ និងសម្ភារៈជួយបន្ទាន់ ផ្សេងៗទៀត ដើម្បីបញ្ជូនទៅអ្នកកំពុងប្រឈមមុខនឹងភាពលំបាក។ កម្លាំងអាវុធហត្ថរាជធានីភ្នំពេញ ក៏បានប្រើប្រាស់រថយន្ត និងលើកទំនិញជួយដឹកជញ្ជូនសម្ភារៈទាំងនេះ ទៅឃ្លាំងស្តុករបស់ Eatmore ដោយមានការសហការល្អ និងការត្រៀមប្រកបដោយវិន័យ។ សកម្មភាពមនុស្សធម៌នេះ បញ្ជាក់ឱ្យឃើញពីការចូលរួមរួមចំណែករបស់កម្លាំងសន្តិសុខ ក្នុងការជួយគាំទ្របងប្អូនជនរងគ្រោះ និងកងទ័ពដែលកំពុងបំពេញភារកិច្ចការពារជាតិ៕

«លោកជំទាវ បណ្ឌិត ពេជ ចន្ទមុន្នី ហ៊ុនម៉ាណែត អញ្ជើញសួរសុខទុក្ខយោធិន និងប្រជាពលរដ្ឋកំពុងព្យាបាលជំងឺ ក្នុងរាជធានីភ្នំពេញ» រាជធានីភ្នំពេញ ៖ នៅរសៀលថ្ងៃទី១១ ខែធ្នូ ឆ្នាំ២០២៥ លោក​ជំទាវ​បណ្ឌិត ពេជ ចន្ទមុន្នី ហ៊ុនម៉ាណែត បានអញ្ជើញចុះសួរសុខទុក្ខយោធិន និងប្រជាពលរដ្ឋ ដែលកំពុងស្នាក់សម្រាកព្យាបាលជំងឺនៅតាមមន្ទីរពេទ្យមួយចំនួន ក្នុងរាជធានីភ្នំពេញ។ មន្ទីរពេទ្យទាំងឡាយរួមមាន៖ (១) មន្ទីរពេទ្យមិត្តភាព ខ្មែរ–សូវៀត (២) មន្ទីរពេទ្យមិត្តភាព កម្ពុជា–ចិន ព្រះកុសមៈ (៣) មន្ទីរពេទ្យព្រះកេតុមាលា (៤) មន្ទីរពេទ្យព្រះអង្គឌួង ក្នុងឱកាសនេះ លោកជំទាវបណ្ឌិត បានបំរើពាក្យសួរសុខទុក្ខ និងសម្តែងការព្រួយបារម្ភដ៏ខ្ពង់ខ្ពស់ពីថ្នាក់ដឹកនាំកំពូល រួមមាន សម្ដេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា និង សម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ព្រមទាំង សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា។ ក្រៅពីនេះ លោកជំទាវបណ្ឌិត…

មន្រ្តីជាន់ខ្ពស់ក្រសួងព័ត៌មានប្រាប់អ្នកសារព័ត៌មានបរទេសនៅរាជធានី Abu Dhabi ពីការឈ្លានពានរបស់កងទ័ពថៃមកកម្ពុជា បណ្ឌិត ឆាយ សុផល រដ្ឋលេខាធិការក្រសួងព័ត៌មាន នៅថ្ងៃទី៩ ខែធ្នូ ឆ្នាំ២០២៥ នេះ បានឆ្លៀតប្រាប់អ្នកសារព័ត៌មានបរទេសជាច្រើនរូប ដែលបានចូលរួមក្នុងពិធីសម្ពោធកម្មវិធីប្រគល់រង្វាន់ព័ត៌មានទូស្សន៍សកលខាងត្បូង (Global South Video News Awards) នៅរាជធានី Abu Dhabi នៃប្រទេសអេមីរ៉ាត្សរួម (United Arab Emirates) អំពីការឈ្លានពានរបស់កងទ័ពថៃមកលើកម្ពុជា ចាប់ពីព្រឹកថ្ងៃទី៨ មកដល់ថ្ងៃនេះ។ បណ្ឌិត ឆាយ សុផល បានបន្តសាររបស់ សម្តេចតេជោ ប្រធានព្រឹទ្ធសភា និង សម្តេចធិបតី នាយករដ្ឋមន្រ្តី ព្រមទាំងសេចក្តីប្រកាសព័ត៌មានរបស់អ្នកនាំពាក្យក្រសួងការពារជាតិ អំពីការបាញ់ប្រហារទាំងកម្រោលចូលក្នុងដែនអធិប តេយ្យភាពកម្ពុជា ពីសំណាក់យោធាថៃដែលបានប្រើអាវុធតូចធំគ្រប់ប្រភេទ និងបាញ់ផ្សែងពុល រួមទាំងយន្តហោះ F-16 ទម្លាក់គ្រាប់បែកផង ដែលបណ្តាលឱ្យប្រជាពលរដ្ឋស៊ីវិលកម្ពុជាយ៉ាងហោចណាស់ចំនួន៧នាក់បានស្លាប់ និង២០នាក់ទៀតរងរបួស ខណៈរាប់ម៉ឺនគ្រួសារកំពុងក្លាយជាជនភៀសសឹក រត់ចេញពីផ្ទះសម្បែងនៅជិតព្រំដែនថៃ។ សូមបញ្ជាក់ថា  ក្នុងនាមក្រសួងព័ត៌មាន បណ្ឌិត ឆាយ សុផល បានចូលរួមពិធីសម្ពោធកម្មវិធីប្រគល់រង្វាន់ព័ត៌មាន…