កម្លាំងកងរាជអាវុធហត្ថរាជធានីភ្នំពេញ បានចូលរួមអនុវត្តភារកិច្ចល្បាតយ៉ាងសកម្ម ដើម្បីការពារសន្តិសុខ សុវត្ថិភាព និងរក្សាសណ្ដាប់ធ្នាប់សាធារណៈ ជូនបងប្អូនប្រជាពលរដ្ឋដែលធ្វើដំណើរកំសាន្ត នៅតាមដងផ្លូវថ្មើរជើង (Walk Street) ក្នុងរាជធានីភ្នំពេញ នាថ្ងៃទី២១ និងថ្ងៃទី២២ ខែមីនា ឆ្នាំ២០២៦។
ក្នុងប្រតិបត្តិការនេះ កម្លាំងជំនាញបានដាក់ពង្រាយតាមចំណុចសំខាន់ៗ ដើម្បីធានាថាបរិយាកាសទេសចរណ៍មានសុវត្ថិភាព និងមានរបៀបរៀបរយល្អ ពិសេសក្នុងអំឡុងពេលដែលមានប្រជាពលរដ្ឋ និងភ្ញៀវទេសចរច្រើនមកកម្សាន្ត។ ក្រៅពីការល្បាត កម្លាំងក៏បានត្រៀមខ្លួនជានិច្ចក្នុងការចូលរួមសង្គ្រោះបន្ទាន់ និងជួយអន្តរាគមន៍ក្នុងករណីចាំបាច់ផងដែរ។
សកម្មភាពនេះបានចូលរួមជួយបង្កើនទំនុកចិត្ត និងអារម្មណ៍សុខសុវត្ថិភាពដល់ប្រជាពលរដ្ឋ និងភ្ញៀវទេសចរ ដែលមកលេងកម្សាន្តនៅតំបន់ Walk Street ឲ្យមានភាពរីករាយ និងអនុស្សាវរីយ៍ល្អក្នុងការស្នាក់នៅ និងទស្សនាកម្សាន្តក្នុងរាជធានីភ្នំពេញ។
