ខេត្តស្ទឹងត្រែងធ្វើព្រឹត្តិការណ៍១ម៉ឺនជំហាន មនុស្ស១ម៉ឺននាក់

 ខេត្តស្ទឹងត្រែងធ្វើព្រឹត្តិការណ៍១ម៉ឺនជំហាន មនុស្ស១ម៉ឺននាក់

 
      

ខេត្តស្ទឹងត្រែង -​​ព្រឹត្តការណ៍  “១ ម៉ឺនជំហាន ​​ដែលមាននាក់ចូលរួម​ ១ម៉ឺននាក់”បានធ្វើឡើងនៅខេត្តស្ទឹងត្រែង ក្រោមប្រធានបទ “រត់ដើរដើម្បីលើកកម្ពស់ការអាន​និងសារមន្ទីរសេដ្ឋកិច្ច និងរូបិយវត្ថុព្រះស្រីឦសានវរ្ម័ន  និងដើម្បីសុខភាពជាចម្បង ​។
​  

ក្នុងព្រឹត្តិការណ៍ ១ ម៉ឺនជំហានដើម្បីសិស្ស១ម៉ឺននាក់រត់ដើរដើម្បីលើកកម្ពស់ការអាន​និងសារមន្ទីរ ស.ស.រ ​ ធ្វើឡើងនៅសួននាគជ័យតេជោសន្តិភាពមុខសាលាខេត្តស្ទឹងត្រែងនៅថ្ងៃទី២៤ ខែឧសភា ឆ្នាំ២០២៦ ​ ឯកឧត្តមសរសុពុត្រា អភិបាល​ខេត្ត មានប្រសាន៍​ថា៖នេះជាព្រឹត្តការដ៍សំខាន់បំផុតក្នុងការលើកម្ពស់វិស័យកីឡា និងឈានទៅធ្វើឱ្យខេត្តស្ទឹងត្រែងមានអត្តពលឹកកាន់​តែច្រើន  ​សម្រាប់ទៅចូលរួមព្រឹត្តិការណ៍ថ្នាក់ជាតិ ។
    

ឯកឧត្តមមានប្រសាន៍ទៀតថា៖ ខេត្តស្ទឹងត្រែង​កន្លងមកត្រូវបាន​ក្រសួងទេសចរណ៍រៀបចំ​ព្រឹត្រិការ​ណ៍ធាក់ស៊ីក្លូភ្នំពេញ-ស្ទឹងត្រែង ​និង​ព្រឹត្តិ​ការណ៍​បើករថយន្តឆ្លងកាត់ព្រំដែន​ Caravan Tour​ មេគង្គឡានឆាងដើម្បីអបអរសាទរឆ្នាំទេសចរណ៍កម្ពុជា-ចិន រួចមកនៅដើមឆ្នាំនេះ ។
       

ឯកឧត្តម​បន្តថា៖ក្នុងព្រឹត្តិការណ៍ថ្មីនេះ រដ្ឋបាលខេត្ត ក្រុង​ មន្ទីរអង្គភាព អាជ្ញាធរ សមត្ថកិច្ចពាក់ព័ន្ធ សហការជាមួយជាមួយប្រតិភូគ្រឹះស្ថានមីក្រូហិរញ្ញវត្ថុអម្រឹត (Amret) ​បានសម្របសម្រួលធ្វើឱ្យព្រឹត្តិការណ៍នេះបានដំណើរការទៅយ៉ាងរលូន មានសុវត្ថិភាព និងទទួលបានជោគជ័យ​​បានតាមការគ្រោងទុក ដែលមានអ្នកចូលរួមលើសពី១ម៉ឺននាក់។ ​
   

លោកជ្រីមមេងហុង តំណាងអ្នកចូលរួម​បានចាត់ទុកថា៖ព្រឹត្តិការណ៍ដ៍អស្ចារ្យនេះសង្កេតឃើញវត្តមានដ៍ច្រើនកុះករដែលធ្វើសកម្មភាពដើរ រត់ពីសិស្សា​នុសិស្ស យុវជន មន្ត្រីរាជការ និងប្រជាពលរដ្ឋទូទៅផងដែរ។
      

លោកបន្តថា៖ប្រធានបទនេះ​បានជំរុញដល់ព្រឹត្តិការណ៍ឱ្យមានភាពអធឹកអធម ក្លាយជាសកម្មភាពសង្គមមួយថ្មីប្លែក និងទទួ​លបានលទ្ធផលល្អផ្សព្វផ្សាយតាមរយៈបណ្តាញសង្គមទៅគ្រប់បណ្តាប្រទេស ដើម្បីទាក់ភ្ញៀវទេចរ​មកលេងខេត្តស្ទឹងត្រែង បានកាន់តែច្រើនឡើងនាពេលលើកក្រោយៗទៀត។
        

សូមបញ្ជាក់ថា ៖ព្រឹត្តិការណ៍រត់-ដើរ “១ម៉ឺនជំហាន ​ ១ម៉ឺននាក់” ត្រូវបានរៀបចំឡើងក្នុងគោលបំណងលើកកម្ពស់វប្បធម៌អាន ការសិក្សាស្រាវជ្រាវ និងការយល់ដឹងពីប្រវត្តិសាស្ត្ររូបិយវត្ថុខ្មែរ តាមរយៈការទស្សនាសារមន្ទីរ ព្រះស្រីឦសានវរ្ម័ន (ស.ស.រ) ។
     

និងទទួលបាន​ការចូលរួមគាំទ្រយ៉ាងច្រើនពីមហាជន និងភាគីពាក់ព័ន្ធ ដែលជាកត្តាសំខាន់ក្នុងការរួមចំណែកលើកកម្ពស់វិស័យអប់រំ វប្បធម៌ និងជំរុញឲ្យប្រជាពលរដ្ឋមានការយកចិត្តទុកដាក់ចំពោះសុខភាពតាមរយៈសកម្មភាពកីឡា ​នៅក្នុងខេត្តស្ទឹងត្រែងឲ្យ​រីកចម្រើនបន្ថែមទៀត៕
 
ដោយ: កុល សារត្ន័  ស្ទឹងត្រែងថ្ងៃទី២៤ឧសភាឆ្នាំ២០២៦