សមាជិកក្រុមកសិករឆ្លាតវៃផ្ដល់បទពិសោធន៍ស្តីពីការថែទាំបន្លែ
ខេត្តស្ទឹងត្រែង-សមាជិកក្រុមកសិករឆ្លាតវៃដាំបានផ្ដល់បទពិសោធន៍ការថែទាំបន្លែ ឱ្យគ្នាទៅវិញទៅមក ដើម្បីបង្កើនការដាំដុះឲ្យបានទិន្នផលច្រើន សម្រាប់ផ្គត់ផ្គង់ទៅទីផ្សារ និងបានរួមគ្នាទប់ស្កាត់បន្លែនាំចូល ដែលមានកាកសំណល់ថ្នាំគីមីកសិកម្មច្រើន បង្កផលប៉ះពាល់ដល់សុខភាពអ្នកបរិភោគ។
ក្នុងសកម្មភាពប្រមូលផលត្រសក់នៅចំការកសិករ ស្ថិតនៅភូមិគីឡូ៨សង្កាត់សាមគ្គីក្រុងខេត្តស្ទឹងត្រែងថ្ងៃទី២៣កញ្ញាឆ្នាំ២០២៦ លោកខ្វៃយឿនកសិករដាំបន្លែនៅភូមិខាងលើនេះបានបញ្ជាក់ថា៖តាមរយៈការ ដាំបន្លែជាង១០ឆ្នាំកន្លងមក កសិករក្នុងក្រុមដាំបន្លែ តែងរិះរកបទពិសោធន៍ល្អៗ សម្រាប់ផ្លល់ជូនឱ្យគ្នាទៅវិញទៅមក ដោយគ្មានការលាក់លៀមអ្វីឡើយព្រោះចង់ឱ្យកសិករដូចគ្នា ដាំដុះបន្លែឱ្យបានច្រើនប្រភេទ។
កសិកររូបនេះបន្តថា ចំពោះដំណាំក្រសក់ នៅពេលប្រមូលផលបានរយៈពេល ១០ ថ្ងៃ យើងប្រើប្រាស់ជីធម្មជាតិបំប៉នបន្ថែម ដើម្បីធ្វើឱ្យត្រសក់ប្រមូលផលបានរហូតទៅដល់ជិតមួយខែ ហើយដាំដុះពូជផ្លែ៨ ព្រោះអតិថិជននិយមទិញយកទៅលក់បន្តច្រើន(សំឡេង)អតិថិជនជាម៉ូយធ្លាប់ទិញនៅទីផ្សារ គេចង់បានពូជផ្លែប្រាំបីនិង ដោយសារទុកបានយូរ អ្នកបញ្ជាទិញអ្នកខ្លះយក ១០០គីឡូ ៥០ គីឡូ ៣០ គីឡូ លក់ពីរថ្ងៃឬបីថ្ងៃ ដោយសារវាអត់ងាយស្រពោនស្វិតក្បាល វាតាន់ល្អហើយត្រង់ល្អ ពូជផ្លែប្រាំ ពូជផ្លែពីរ ដោយសារវាឆាប់ក្រហមសំបក ហើយលឿនសំបកស្ដើងអានេះសំបករាងក្រាស់។
លោក ឆិល.វិបិលប្រធានការិយាល័យក្សេត្រសាស្ត្រនិងផលិតភាពកសិកម្មបានបញ្ជាក់ថា នេះជាការយល់ដឹងខ្ពស់របស់សមាជិកក្រុមកសិករឆ្លាតវៃ បន្ទាប់ពីទទួលបានការបណ្តុះបណ្តាលបានយកចំណេះដឹងទៅអនុវត្តជាក់ស្តែង ដើម្បីធ្វើឱ្យបន្លែផ្លែមានអ្នកបញ្ជាទិញច្រើន។
លោកបន្តណែនាំថា កសិករយើង ត្រូវព្យាយាមប្រើជីធម្មជាតិជាការល្អ តែបើប្រើប្រាស់ជី ឬថ្នាំគីមីកសិកម្ម ត្រូវពិនិត្យមើលនិតិវិធីឱ្យច្បាស់លាស់ (សំឡេង)បើថ្នាំគីមីយើងត្រូវដឹងអំពី ការបរិច្ឆេទពេលវេលាដែលត្រូវប្រើប្រាស់ ថ្នាំដែលបានចុះបញ្ជី កម្រិតនៃការពុលមិនថា វ័នលឿង វ័នខៀវវ័ន បៃតង ក្រហមអីទេ យើងត្រូវតែ មើលសំបកដប មុនដែលយើងប្រើប្រាស់ ទៅលើថ្នាំ កុំឱ្យអោយប៉ះពាល់ទៅដល់សុខភាព និងបរិស្ថានជុំវិញ។
សូមបញ្ជាក់ថា ក្រុមកសិករឆ្នាតវៃនៅសង្កាត់សាមគ្គីបានដាំត្រសក់ នៅសង្កាត់ស្ទឹងត្រែងដាំត្រឡាច តាមការបញ្ជាទិញយកទៅទីផ្សារ ដើម្បីទប់ទល់ជាមួយបន្លែនាំចូល ដែលមានតម្លៃខ្ពស់ត្រសក់មួយគីឡូក្រាម១.៣០០ទៅ១.៨០០រៀល ត្រឡាចមួយផ្លែ១.០០០ទៅ១.៥០០រៀល ។
ដោយ កុល សារត្ន័ សហការី រស្មីញូស៍ប្រចាំ ខេត្តស្ទឹងត្រែង ថ្ងៃទី ២៣ កញ្ញា ឆ្នាំ២០២៦
