ពត៌មានសន្តិសុខ​ និង​ សង្គម

មហាក្បួនព្យុហយាត្រា «ដើរដើម្បីសន្តិភាព» ប្រព្រឹត្តទៅដោយជោគជ័យ ក្រោមការការពារសន្តិសុខយ៉ាងម៉ឺងម៉ាត់ពីកងរាជអាវុធហត្ថរាជធានីភ្នំពេញ ភ្នំពេញ៖ នារសៀលថ្ងៃទី១៨ ខែធ្នូ ឆ្នាំ២០២៥ មហាកម្លាំងសាមគ្គីនៃប្រជាជាតិខ្មែរ មកពីគ្រប់មជ្ឈដ្ឋាន គ្រប់និន្នាការនយោបាយ និងសាសនា បានមកជួបជុំគ្នាក្រោមស្មារតី «ខ្មែរតែមួយ» ដើម្បីចូលរួមព្យុហយាត្រា «ដើរដើម្បីសន្តិភាព (March for Peace)» របស់មហាគ្រួសារខ្មែរ ក្នុងគោលបំណងបង្ហាញពីស្មារតីសាមគ្គីភាពជាតិ ការរួបរួម និងការស្រឡាញ់សន្តិភាព។ ព្យុហយាត្រានេះ បានចាប់ផ្ដើមចេញដំណើរពីបរិវេណផ្សាររាត្រីមាត់ទន្លេ ឆ្ពោះទៅកាន់សួនច្បារវិមានឯករាជ្យ ក្នុងបរិយាកាសពោរពេញដោយក្ដីសង្ឃឹម ក្ដីជឿជាក់ និងការប្ដេជ្ញាចិត្តរួមគ្នា ដើម្បីថែរក្សាសន្តិភាព ស្ថិរភាព និងឯកភាពជាតិ។ ក្នុងឱកាសដ៏មានន័យនេះ កម្លាំងកងរាជអាវុធហត្ថរាជធានីភ្នំពេញ ដឹកនាំបញ្ជាផ្ទាល់ដោយ លោកឧត្តមសេនីយ៍ឯក រ័ត្ន ស្រ៊ាង មេបញ្ជាការរង កងរាជអាវុធហត្ថលើផ្ទៃប្រទេស និងជាមេបញ្ជាការ កងរាជអាវុធហត្ថរាជធានីភ្នំពេញ បានដាក់ពង្រាយកម្លាំងចូលរួមការពារសន្តិសុខ សុវត្ថិភាព រក្សាសណ្ដាប់ធ្នាប់សាធារណៈ និងត្រៀមសង្គ្រោះបន្ទាន់ ដើម្បីធានាឲ្យកម្មវិធីប្រព្រឹត្តទៅដោយរលូន សុវត្ថិភាព និងជោគជ័យ។ ការចូលរួមយកចិត្តទុកដាក់យ៉ាងខ្ពស់ និងការបំពេញភារកិច្ចប្រកបដោយស្មារតីទទួលខុសត្រូវ និងម៉ឺងម៉ាត់ជាទីបំផុត របស់កម្លាំងកងរាជអាវុធហត្ថរាជធានីភ្នំពេញ បានចូលរួមសំខាន់ក្នុងការរក្សាបាននូវសន្តិសុខ សណ្តាប់ធ្នាប់…

លោកឧត្តមសេនីយ៍ឯក រ័ត្ន ស្រ៊ាង អមដំណើរ ឯកឧត្តម ឃួង ស្រេង ចុះពិនិត្យទីតាំងទទួលអំណោយសប្បុរសធម៌ Eat More បឹងកក់ និងពង្រឹងសន្តិសុខសុវត្ថិភាពជូនក្រុមស្ម័គ្រចិត្ត ភ្នំពេញ៖ នារសៀលថ្ងៃទី១៧ ខែធ្នូ ឆ្នាំ២០២៥ លោកឧត្តមសេនីយ៍ឯក រ័ត្ន ស្រ៊ាង មេបញ្ជាការរង កងរាជអាវុធហត្ថលើផ្ទៃប្រទេស និងជាមេបញ្ជាការ កងរាជអាវុធហត្ថរាជធានីភ្នំពេញ បានអញ្ជើញអមដំណើរ ឯកឧត្តម ឃួង ស្រេង អភិបាលនៃគណៈអភិបាលរាជធានីភ្នំពេញ ចុះពិនិត្យទីតាំងទទួលអំណោយសប្បុរសធម៌ Eat More ស្ថិតនៅតំបន់បឹងកក់ រាជធានីភ្នំពេញ។ ក្នុងឱកាសនោះ ថ្នាក់ដឹកនាំបានពិនិត្យមើលដំណើរការរៀបចំ វេចខ្ចប់សម្ភារ និងស្បៀងអាហារ ដែលបានទទួលពីសប្បុរសជន និងក្រុមស្ម័គ្រចិត្ត ដើម្បីត្រៀមដឹកជូនបងប្អូនវីរកងទ័ពកម្ពុជា ដែលកំពុងបំពេញភារកិច្ចការពារជាតិ នៅជួរមុខ និងបងប្អូនប្រជាពលរដ្ឋជនភៀសសឹក។ ជាមួយគ្នានេះ លោកឧត្តមសេនីយ៍ឯក រ័ត្ន ស្រ៊ាង បានសម្រេចបង្កើតគណៈបញ្ជាការស្រាល ដើម្បីពង្រឹងការការពារសន្តិសុខ សុវត្ថិភាព និងសណ្តាប់ធ្នាប់ នៅទីតាំងទទួលអំណោយ ពិសេសនៅកន្លែងទុកម៉ូតូ និងយានយន្ត ដើម្បីធានាឲ្យក្រុមស្ម័គ្រចិត្ត…

កម្លាំងអាវុធហត្ថរាជធានីភ្នំពេញ បន្តចូលរួមការពារសន្តិសុខ និងជួយរៀបចំការជញ្ជូនសម្ភារៈជូនជនភៀសសឹក និងកងទ័ពនៅជួរមុខ នារសៀលថ្ងៃទី១៥ ខែធ្នូ ឆ្នាំ២០២៥ កម្លាំងអាវុធហត្ថរាជធានីភ្នំពេញ បានបន្តចូលរួមការពារសន្តិសុខ សុវត្ថិភាព រក្សាសណ្តាប់ធ្នាប់សាធារណៈ និងជួយរៀបចំលើកដាក់ជញ្ជូនស្បៀងអាហារ និងសម្ភារៈចាំបាច់ផ្សេងៗ នៅទីតាំងកន្លែងទទួលជំនួយ សម្រាប់ផ្តល់ជូនបងប្អូនជនភៀសសឹក និងបងប្អូនកងទ័ពដែលកំពុងបំពេញភារកិច្ចនៅជួរមុខ។ សកម្មភាពខាងលើនេះ ត្រូវបានអនុវត្តនៅទីតាំងរបស់លោក អ៊ុក វណ្ណដេ និងក្រុមការងារ ស្ថិតក្នុងមជ្ឈមណ្ឌលសន្និបាត និងពិព័រណ៍កោះពេជ្រ រាជធានីភ្នំពេញ ដោយមានការចូលរួមយ៉ាងសកម្ម និងទទួលខុសត្រូវខ្ពស់ពីកម្លាំងអាវុធហត្ថ ក្នុងការជួយសម្របសម្រួល និងធានាឲ្យដំណើរការទទួល–បញ្ជូនជំនួយប្រព្រឹត្តទៅដោយរលូន មានសុវត្ថិភាព និងមានប្រសិទ្ធភាព។ ការចូលរួមរបស់កម្លាំងអាវុធហត្ថរាជធានីភ្នំពេញ ក្នុងសកម្មភាពមនុស្សធម៌នេះ បង្ហាញឲ្យឃើញពីស្មារតីទទួលខុសត្រូវ ការយកចិត្តទុកដាក់ចំពោះសុខទុក្ខប្រជាពលរដ្ឋ និងការគាំទ្រដល់កងកម្លាំងការពារជាតិ ដែលជាកម្លាំងស្នូលក្នុងការរក្សាសន្តិភាព ស្ថិរភាព និងសុវត្ថិភាពសង្គមជាតិ៕

កម្លាំងអាវុធហត្ថរាជធានីភ្នំពេញ ចូលរួមការពារសន្តិសុខ និងជួយរៀបចំជញ្ជូនសម្ភារៈជូនជនភៀសសឹក និងកងទ័ពនៅជួរមុខ រាជធានីភ្នំពេញ៖ នារសៀលថ្ងៃទី១៤ ខែធ្នូ ឆ្នាំ២០២៥ កម្លាំងអាវុធហត្ថរាជធានីភ្នំពេញ បានចូលរួមបំពេញភារកិច្ចការពារសន្តិសុខ សុវត្ថិភាព និងរក្សាសណ្តាប់ធ្នាប់សាធារណៈ ព្រមទាំងជួយរៀបចំលើកដាក់ និងជញ្ជូនស្បៀងអាហារ និងសម្ភារៈចាំបាច់ផ្សេងៗ នៅទីតាំងកន្លែងទទួលជំនួយ របស់លោក អ៊ុក វណ្ណដេ និងក្រុមការងារ ដើម្បីបន្តផ្តល់ជូនបងប្អូនជនភៀសសឹក និងបងប្អូនកងទ័ពដែលកំពុងបំពេញភារកិច្ចការពារជាតិ នៅតាមបណ្តោយជួរមុខ។ សកម្មភាពខាងលើនេះ ត្រូវបានអនុវត្តឡើងនៅមជ្ឈមណ្ឌលសន្និបាត និងពិព័រណ៍កោះពេជ្រ ស្ថិតក្នុងរាជធានីភ្នំពេញ ដោយមានការសហការយ៉ាងជិតស្និទ្ធរវាងកម្លាំងសមត្ថកិច្ច និងក្រុមការងារសប្បុរសជន ក្នុងគោលបំណងធានាឲ្យដំណើរការប្រមូល និងបញ្ជូនជំនួយ ប្រព្រឹត្តទៅដោយរលូន មានសុវត្ថិភាព និងប្រកបដោយវិន័យ។ ការចូលរួមយ៉ាងសកម្មរបស់កម្លាំងអាវុធហត្ថរាជធានីភ្នំពេញ បានបង្ហាញពីស្មារតីទទួលខុសត្រូវខ្ពស់ និងការយកចិត្តទុកដាក់ចំពោះសុខុមាលភាពរបស់ប្រជាពលរដ្ឋ ក៏ដូចជាការគាំទ្រដ៏មុតមាំដល់បងប្អូនកងទ័ព និងជនភៀសសឹក ដែលកំពុងជួបការលំបាកនៅក្នុងស្ថានភាពបច្ចុប្បន្ន៕

ស្វាមីកំពុងបំពេញភារកិច្ចការពារបូរណភាពទឹកដីនៅសមរភូមិជួរមុខ ខណៈភរិយាមានទម្ងន់ជិតដល់ថ្ងៃសម្រាល បានភៀសសឹកមកជ្រកកោននៅភ្នំពេញ ទទួលបានការយកចិត្តទុកដាក់ពី ឧត្តមសេនីយ៍ឯក រ័ត្ន ស្រ៊ាង រាជធានីភ្នំពេញ៖ ស្ត្រីម្នាក់ឈ្មោះ ប្រាក់ ពិសី អាយុ ២៣ ឆ្នាំ ជាភរិយារបស់វីរកងទ័ពដែលកំពុងឈរជើងបំពេញភារកិច្ចការពារប្រទេសនៅសមរភូមិជួរមុខ ទិសមុំបី ខេត្តព្រះវិហារ បច្ចុប្បន្នមានទម្ងន់ជិតដល់ថ្ងៃសម្រាល (គ្រោងសម្រាលក្នុងសប្តាហ៍ក្រោយ) បានសម្រេចចិត្តភៀសសឹកចេញពីខេត្តព្រះវិហារ មកជ្រកកោនជាមួយបងប្អូន នៅភូមិក្រាំងស្វាយ សង្កាត់ព្រែកកំពឹស ខណ្ឌដង្កោ រាជធានីភ្នំពេញ ដើម្បីសុវត្ថិភាព និងភាពងាយស្រួលក្នុងការថែទាំសុខភាព។ ករណីដ៏គួរឱ្យអាណិត និងគួរឱ្យកោតសរសើរនេះ ត្រូវបានដឹងដល់ ឧត្តមសេនីយ៍ឯក រ័ត្ន ស្រ៊ាង មេបញ្ជាការរង កងរាជអាវុធហត្ថលើផ្ទៃប្រទេស មេបញ្ជាការកងរាជអាវុធហត្ថរាជធានីភ្នំពេញ និងជាប្រធានក្រុមការងារចុះជួយសង្កាត់ព្រែកកំពឹស ដែលបានបង្ហាញការយកចិត្តទុកដាក់យ៉ាងខ្ពង់ខ្ពស់ចំពោះគ្រួសារកងទ័ពជួរមុខ។ ជាបន្តបន្ទាប់ ឧត្តមសេនីយ៍ឯក រ័ត្ន ស្រ៊ាង បានចាត់តាំងក្រុមការងារ ចុះទៅសួរសុខទុក្ខដោយផ្ទាល់ និងនាំយកអំណោយឧបត្ថម្ភជូន រួមមាន ថវិកាចំនួន ១,០០០,០០០ រៀល, អង្ករ ០៣ ការ៉ុង, ទឹកសុទ្ធ ០៤ កេស,…

អាវុធហត្ថរាជធានីភ្នំពេញ ឆ្មក់បង្ក្រាបក្មេងទំនើងបង្ហោះម៉ូតូលើផ្លូវសាធារណៈ ឃាត់ខ្លួនបាន ០៦ នាក់ ក្នុងខណ្ឌដង្កោ ភ្នំពេញ៖ នៅវេលាម៉ោង ០៨ និង ០០ នាទី ព្រឹកថ្ងៃទី ១៤ ខែធ្នូ ឆ្នាំ ២០២៥ កម្លាំងកងរាជអាវុធហត្ថរាជធានីភ្នំពេញ បានចុះប្រតិបត្តិការឆ្មក់បង្ក្រាបក្រុមក្មេងទំនើង ដែលតែងធ្វើសកម្មភាពបង្ហោះម៉ូតូលើផ្លូវសាធារណៈ បង្កឲ្យមានភាពអនាធិបតេយ្យ និងគ្រោះថ្នាក់ដល់សុវត្ថិភាពសង្គម នៅចំណុចផ្លូវបេតុង ក្បែរវត្តជាន់ឯក ស្ថិតក្នុងភូមិជើងឯក សង្កាត់ជើងឯក ខណ្ឌដង្កោ រាជធានីភ្នំពេញ។ ក្នុងប្រតិបត្តិការនេះ សមត្ថកិច្ចបានឃាត់ខ្លួនក្មេងទំនើងចំនួន ០៦ នាក់ ភ្លាមៗ និងនាំយកមកធ្វើការអប់រំ ណែនាំ ព្រមទាំងធ្វើកិច្ចសន្យាបញ្ឈប់រាល់សកម្មភាពទំនើង ដែលអាចប៉ះពាល់ដល់ការសិក្សា បំផ្លាញទ្រព្យសម្បត្តិ ប៉ះពាល់ដល់កិត្តិយសគ្រួសារ និងបង្កការភ័យខ្លាចដល់ប្រជាពលរដ្ឋជុំវិញ។ ជាមួយគ្នានេះ សមត្ថកិច្ចបានដកហូតម៉ូតូចំនួន ០៣ គ្រឿង យកទៅរក្សាទុកនៅទីបញ្ជាការកងរាជអាវុធហត្ថរាជធានីភ្នំពេញ រយៈពេល ០៣ ខែ ស្របតាមបទបញ្ជាដ៏ម៉ឺងម៉ាត់របស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា ដែលបានណែនាំឲ្យអនុវត្តវិធានការយ៉ាងតឹងរឹងចំពោះក្រុមក្មេងទំនើង…

គ្រោះថ្នាក់ចរាចរណ៍នៅក្រុងសែនមនោរម្យ បណ្ដាលឲ្យនារីម្នាក់ស្លាប់ភ្លាមៗនៅកន្លែងកើតហេតុ ខេត្តមណ្ឌលគិរី៖ នៅព្រឹកថ្ងៃទី១៤ ខែធ្នូ ឆ្នាំ២០២៥ វេលាម៉ោងប្រមាណ ៧:៣០ នាទីព្រឹក មានករណីគ្រោះថ្នាក់ចរាចរណ៍ដ៏គួរឲ្យសោកស្តាយមួយ បានកើតឡើងនៅចំណុចភូមិឡៅការ សង្កាត់សុខដុម ក្រុងសែនមនោរម្យ ខេត្តមណ្ឌលគិរី បណ្ដាលឲ្យនារីម្នាក់ស្លាប់ភ្លាមៗនៅកន្លែងកើតហេតុ។ យោងតាមព័ត៌មានបឋម បានឲ្យដឹងថា គ្រោះថ្នាក់នេះកើតឡើងរវាងម៉ូតូម៉ាកឆ្លាម ពណ៌ខ្មៅ ដែលមាននារីម្នាក់ជាអ្នកបើកបរ និងរថយន្តម៉ាកហ្វត (Ford) ខណៈពេលធ្វើដំណើរបាញ់ស្រះទិសគ្នាពីលិចទៅកើត។ នៅចំណុចផ្លូវកោង ម៉ូតូបានប៉ះទង្គិចជាមួយរថយន្តយ៉ាងពេញទំហឹង បណ្ដាលឲ្យអ្នកបើកម៉ូតូស្លាប់ភ្លាមៗនៅនឹងកន្លែង។ ភ្លាមៗបន្ទាប់ពីកើតហេតុ កម្លាំងប៉ូលីសចរាចរណ៍ នៃអធិការដ្ឋាននគរបាលក្រុងសែនមនោរម្យ បានចុះទៅដល់កន្លែងកើតហេតុ ដើម្បីធ្វើការវាស់វែង និងរៀបចំសម្របសម្រួលចរាចរណ៍ រួចបានយករថយន្ត និងម៉ូតូទៅរក្សាទុកនៅអធិការដ្ឋាននគរបាលក្រុងសែនមនោរម្យ ដើម្បីបន្តនីតិវិធី និងដោះស្រាយតាមច្បាប់។ ចំណែកសាកសពនារីរងគ្រោះ ត្រូវបានសមត្ថកិច្ចប្រគល់ជូនក្រុមគ្រួសារ ដើម្បីយកទៅធ្វើបុណ្យតាមប្រពៃណី។ បច្ចុប្បន្ន សមត្ថកិច្ចកំពុងបន្តស៊ើបអង្កេត ដើម្បីកំណត់មូលហេតុច្បាស់លាស់នៃគ្រោះថ្នាក់ចរាចរណ៍ខាងលើនេះ៕

លោកឧត្តមសេនីយ៍ទោ សិទ្ធិ ឡោះ ចេញបទបញ្ជា ពង្រឹងសន្តិសុខសណ្តាប់ធ្នាប់ និងបង្ក្រាបបទល្មើសគ្រប់ប្រភេទ ក្នុងខេត្តបន្ទាយមានជ័យ ខេត្តបន្ទាយមានជ័យ : តាមការដឹកនាំបញ្ជាខ្ពង់ខ្ពស់ពី ឯកឧត្តម នាយឧត្តមសេនីយ៍ ស ថេត អគ្គស្នងការនគរបាលជាតិ នៅថ្ងៃទី ០៣ ខែធ្នូ ឆ្នាំ ២០២៥ លោកឧត្តមសេនីយ៍ទោ សិទ្ធិ ឡោះ ស្នងការនគរបាលខេត្តបន្ទាយមានជ័យ បានចេញបទបញ្ជាជាក់លាក់ ដល់កម្លាំងនគរបាលគ្រប់អង្គភាពក្នុងខេត្ត ដើម្បីពង្រឹងសន្តិសុខ សុវត្ថិភាព សណ្តាប់ធ្នាប់សង្គម និងការការពារតាមព្រំដែនឲ្យមានប្រសិទ្ធភាពខ្ពស់ជាងមុន។ លោកស្នងការខេត្ត បានញត្តិឲ្យកម្លាំងនគរបាល បន្តស្រាវជ្រាវ និងបង្ក្រាបបទល្មើសគ្រប់ប្រភេទ ជាពិសេសបង្ក្រាបបណ្តាញជួញដូរ និងចែកចាយគ្រឿងញៀន ក៏ដូចជាបទល្មើសឆ្លងដែនខុសច្បាប់ ដែលប៉ះពាល់ដល់សុវត្ថិភាពសង្គម និងសណ្តាប់ធ្នាប់សាធារណៈ។ ក្នុងនោះ លោកឧត្តមសេនីយ៍ទោ សិទ្ធិ ឡោះ ក៏បានជំរុញឲ្យកម្លាំងនគរបាលពង្រឹងសេវាសាធារណៈ ដោយបន្តផ្តល់សេវាធ្វើអត្តសញ្ញាណប័ណ្ណជូនប្រជាពលរដ្ឋ ទាំងនៅការិយាល័យ និងតាមសាលាឃុំ–សង្កាត់។ លើសពីនេះ កម្លាំងប៉ុស្តិ៍រដ្ឋបាលគ្រប់ឃុំ–សង្កាត់ ត្រូវបន្តការងារផ្សព្វផ្សាយតាមវេទិការសាធារណៈ ស្តីពីគោលនយោបាយ «ភូមិ–ឃុំ–សង្កាត់ មានសុវត្ថិភាព» ផលប៉ះពាល់ពីគ្រឿងញៀន វិធានការបង្ការ…

កម្លាំងអាវុធហត្ថរាជធានីភ្នំពេញ បង្ក្រាបក្រុមក្មេងទំនើង ៥នាក់ ពាក់ព័ន្ធបង្ហោះម៉ូតូ និងកែច្នៃបំពង់ស៊ីម៉ាំងខុសលក្ខណៈបច្ចេកទេស ភ្នំពេញ៖ កម្លាំងអាវុធហត្ថរាជធានីភ្នំពេញ តាមបណ្ដាមូលដ្ឋានខណ្ឌ បានឃាត់ខ្លួនក្មេងទំនើងចំនួន ៥នាក់ និងដកហូតមOTOចំនួន ៥គ្រឿង ក្នុងសកម្មភាពប្រតិបត្តិការបង្ក្រាបករណី បង្ហោះម៉ូតូលើផ្លូវសាធារណៈ និង កែច្នៃបំពង់ស៊ីម៉ាំងម៉ូតូខុសបច្ចេកទេស ដែលបង្កសម្លេងរំខាន និងរំខានដល់សណ្ដាប់ធ្នាប់សង្គម។ សកម្មភាពបង្ក្រាបត្រូវបានអនុវត្តជាបន្តបន្ទាប់ ដើម្បីអនុវត្តតាមបទបញ្ជារបស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី ដែលបានបញ្ជាក់ឱ្យពង្រឹងវិធានការទប់ស្កាត់ក្រុមក្មេងទំនើងឲ្យបានតឹងរឹង ជាពិសេសករណីបង្ហោះម៉ូតូតាមដងផ្លូវសាធារណៈ។ ករណីទី១៖ ឃាត់ខ្លួន ៣នាក់ និងដកម៉ូតូ ៤គ្រឿង ក្នុងខណ្ឌជ្រោយចង្វារ កាលពីវេលាម៉ោង ២២:០០នាទី ថ្ងៃទី ១ ខែធ្នូ ២០២៥, កម្លាំងកងរាជអាវុធហត្ថខណ្ឌជ្រោយចង្វារ បានឃាត់ខ្លួនក្មេងទំនើងចំនួន ៣នាក់ ព្រមទាំងដកហូតម៉ូតូ ៤គ្រឿង នៅផ្លូវអូស៊ីអាយស៊ី ភូមិដើមគរ សង្កាត់ជ្រោយចង្វារ។ ក្រុមនេះបានកែច្នៃបំពង់ស៊ីម៉ាំងខុសបច្ចេកទេស បង្កសម្លេងរំខាន និងប៉ះពាល់ដល់សន្តិសុខសាធារណៈ។ បន្ទាប់ពីបានអប់រំ—កម្លាំងជំនាញបានបញ្ជាកឱ្យម្ចាស់ម៉ូតូធ្វើកិច្ចសន្យា ឈប់កែច្នៃបំពង់ស៊ីម៉ាំង។ ម៉ូតូទាំង ៤ ត្រូវបានរក្សាទុកជាបណ្តោះអាសន្ន រង់ចាំឲ្យម្ចាស់មកដោះបំពង់កែច្នៃ…

លោកឧត្តមសេនីយ៍ទោ សិទ្ធិ ឡោះ ប្រជុំដាក់ចេញផែនការដល់កម្លាំងនគរបាលទូទាំងខេត្ត ពង្រឹងការងារសន្តិសុខ សណ្តាប់ធ្នាប់ និងសុវត្ថិភាពសង្គម ខេត្តបន្ទាយមានជ័យ ៖ អនុវត្តតាមការដឹកនាំបញ្ជាដ៏ខ្ពង់ខ្ពស់របស់ ឯកឧត្តម នាយឧត្តមសេនីយ៍ ស ថេត អគ្គស្នងការនគរបាលជាតិ នៅព្រឹកថ្ងៃទី​ ០១ ខែធ្នូ ឆ្នាំ​ ២០២៥ លោកឧត្តមសេនីយ៍ទោ សិទ្ធិ ឡោះ ស្នងការដ្ឋាននគរបាលខេត្តបន្ទាយមានជ័យ បានអញ្ជើញដឹកនាំកិច្ចប្រជុំផ្សព្វផ្សាយផែនការ ការងារចាំបាច់ចំពោះមុខ និងផែនការការពារសន្តិសុខ សណ្តាប់ធ្នាប់ និងសុវត្ថិភាពសង្គម ដល់ថ្នាក់ដឹកនាំ និងកម្លាំងនគរបាលក្រោមឱវាទទូទាំងខេត្ត។ ក្នុងកិច្ចប្រជុំពិភាក្សាផែនការនេះ លោកឧត្តមសេនីយ៍ទោ សិទ្ធិ ឡោះ បានដាក់ចេញចំណុចសំខាន់ៗជាច្រើន ស្នើឲ្យកងកម្លាំងនគរបាលទូទាំងខេត្ត ត្រូវពង្រឹងការងារបង្ការ និងបង្ក្រាបបទល្មើសគ្រប់ប្រភេទ បង្កើនការចុះត្រួតពិនិត្យរដ្ឋបាលពេលរាត្រីតាមដងផ្លូវ និងតំបន់ភូមិសាស្ត្រដែលងាយកើតមានបទល្មើស ដើម្បីការពារ និងថែរក្សាសុវត្ថិភាពសង្គមសម្រាប់ប្រជាពលរដ្ឋ។ មួយផ្នែកទៀត លោកឧត្តមសេនីយ៍ទោ ស្នងការ ក៏បានបញ្ជាក់ឲ្យកម្លាំងនគរបាលរាល់ថ្នាក់ ត្រូវអត់ឱនមិនបានចំពោះការផ្សព្វផ្សាយព័ត៌មានក្លែងក្លាយ ដែលបង្ករឱ្យមានការចលាចលប៉ះពាល់ដល់សន្តិសុខជាតិ និងសង្គម។ ដូចនេះ កម្លាំងត្រូវសហការជិតស្និទ្ធជាមួយអាជ្ញាធរមូលដ្ឋាន ដើម្បីទប់ស្កាត់ និងបង្ក្រាបសកម្មភាពបែបនេះឲ្យទាន់ពេលវេលា។ អមដោយនេះ…