សម្ដេចក្រឡាហោម ស ខេង អញ្ជើញជួបសំណេះសំណាលជាមួយតំណាងជនភៀសសឹក៦ភូមិ នៅខេត្តបន្ទាយមានជ័យ
បន្ទាយមានជ័យ៖ នៅព្រឹកថ្ងៃទី១៣ ខែមីនា ឆ្នាំ២០២៦ សម្ដេចក្រឡាហោម ស ខេង និងជាឧត្តមប្រឹក្សាផ្ទាល់ព្រះមហាក្សត្រ នៃព្រះរាជាណាចក្រកម្ពុជា បានអញ្ជើញជួបសំណេះសំណាលជាមួយតំណាងបងប្អូនជនភៀសសឹកចំនួន៦ភូមិ ក្នុងខេត្តបន្ទាយមានជ័យ។
ក្នុងឱកាសនោះ ក៏មានការអញ្ជើញចូលរួមពី កែ គឹមយ៉ាន ឧត្តមប្រឹក្សាផ្ទាល់ព្រះមហាក្សត្រ និងជាអ្នកតំណាងរាស្ត្រមណ្ឌលបន្ទាយមានជ័យ ព្រមទាំងប្រតិភូអមដំណើរ និងថ្នាក់ដឹកនាំខេត្តជាច្រើនរូប រួមមាន ប្លែក វ៉ារី ប្រធានក្រុមប្រឹក្សាខេត្ត និង អ៊ុំ រាត្រី អភិបាលនៃគណៈអភិបាលខេត្តបន្ទាយមានជ័យ។
កម្មវិធីជួបសំណេះសំណាលនេះ ត្រូវបានប្រារព្ធធ្វើឡើងនៅបរិវេណសាលាខេត្តបន្ទាយមានជ័យ ក្នុងគោលបំណងស្តាប់សំណូមពរ ក្តីកង្វល់ និងបញ្ហាប្រឈមនានារបស់បងប្អូនជនភៀសសឹក ដើម្បីស្វែងរកដំណោះស្រាយ និងជំរុញការអភិវឌ្ឍន៍ជីវភាពរស់នៅឱ្យកាន់តែល្អប្រសើរឡើង។
ជាមួយគ្នានេះ ថ្នាក់ដឹកនាំក៏បានលើកទឹកចិត្តដល់បងប្អូនប្រជាពលរដ្ឋឱ្យបន្តគាំទ្រនូវគោលនយោបាយរបស់រាជរដ្ឋាភិបាល ក៏ដូចជារួមគ្នារក្សាសន្តិភាព ស្ថិរភាពសង្គម និងការអភិវឌ្ឍន៍ក្នុងមូលដ្ឋានឱ្យកាន់តែរីកចម្រើន៕
