សន្តិសុខផ្សារជម្ពូវ័នធ្វើអនាម័យសម្អាតសំរាម ក្រោយពីរអាជីវករ បញ្ចប់ការលក់ដូរចល័ត ឱ្យមានសោភ័ណភាព និងភាពងាយស្រួលដំណើរ

 សន្តិសុខផ្សារជម្ពូវ័នធ្វើអនាម័យសម្អាតសំរាម ក្រោយពីរអាជីវករ បញ្ចប់ការលក់ដូរចល័ត ឱ្យមានសោភ័ណភាព និងភាពងាយស្រួលដំណើរ

ភ្នំពេញ៖ នៅព្រឹកថ្ងៃទី០៣ ខែមេសា ឆ្នាំ២០២៦ បន្ទាប់ពីបងប្អូនអាជីវករលក់ដូរចល័តបានបញ្ចប់សកម្មភាពលក់ដូររបស់ខ្លួន សន្តិសុខផ្សារបានចុះអនុវត្តការងារសម្អាតបរិស្ថាន ដោយសំអាតសំរាមនៅលើផ្លូវបេតុង និងប្រមូលសំរាមទុកតាមគោលដៅ ដើម្បីរង់ចាំរថយន្តប្រមូលសំរាមមកដឹកចេញ។

សកម្មភាពនេះបានរួមចំណែកយ៉ាងសំខាន់ក្នុងការរក្សាសោភ័ណភាពបរិស្ថាន និងអនាម័យសាធារណៈ ជាពិសេសធ្វើឲ្យផ្លូវមានភាពទូលាយ ស្អាត និងងាយស្រួលសម្រាប់បងប្អូនប្រជាពលរដ្ឋធ្វើដំណើរទៅមកប្រកបដោយសុវត្ថិភាព។

ប្រជាពលរដ្ឋក្នុងតំបន់បានបង្ហាញការពេញចិត្តចំពោះការយកចិត្តទុកដាក់របស់ក្រុមសន្តិសុខផ្សារជម្ពូវ័ន ដែលបានចូលរួមថែរក្សាបរិស្ថាន និងសណ្តាប់ធ្នាប់សាធារណៈ បង្កើនបរិយាកាសល្អ នៅក្នុងតំបន់ផ្សារ។

អាជ្ញាធរពាក់ព័ន្ធក៏បានអំពាវនាវដល់បងប្អូនអាជីវករ និងប្រជាពលរដ្ឋទាំងអស់ បន្តចូលរួមរក្សាអនាម័យ ដោយបោះសំរាមត្រឹមត្រូវ និងគោរពតាមការណែនាំ ដើម្បីរួមគ្នាបង្កើតបរិស្ថានរស់នៅស្អាត និងមានរបៀបរៀបរយ៕N7