មហិច្ឆតាវាតទីយោធារបស់ជប៉ុនបានលេចឡើងយ៉ាងច្បាស់ក្រឡែត
រសៀលថ្ងៃទី ៩ ខែមេសា លោកវរសេនីយ៍ឯក Zhang Xiaogang អ្នកនាំពាក្យក្រសួងការពារជាតិចិនបានប្រកាសព័ត៌មានអំពីបញ្ហាពាក់ព័ន្ធយោធាក្នុងពេលថ្មីៗកន្លងទៅនេះ ។
មានអ្នកសារព័ត៌មានលើកសំណួរថា តាមការផ្សាយដំណឹងឱ្យដឹងថា រដ្ឋមន្ត្រីក្រសួងការពារជាតិជប៉ុន ប្រកាសថា បានដាក់ពង្រាយមីស៊ីលរយៈចម្ងាយឆ្ងាយ ដែល “មានសមត្ថភាពវាយប្រហារទៅលើមូលដ្ឋានសត្រូវ”រួចហើយ អ្នកវិភាគសម្គាល់ឃើញថា ទង្វើនេះមានចេតនាសំដៅចំពោះប្រទេសចិនយ៉ាងជាក់ច្បាស់ ។ តើប្រទេសចិនមានការអធិប្បាយយ៉ាងដូចម្តេចចំពោះបញ្ហានេះ ?លោក Zhang Xiaogang បានឆ្លើយតបថា ជប៉ុនពន្លឿនការធ្វើ“យោធូបនីយកម្មឡើងវិញ” ហើយដើរឆ្ពោះទៅរកសភាពមានគ្រោះថ្នាក់ដែលមិនអាចគ្រប់គ្រងបានយ៉ាងឆាប់រហ័ស ប្រការនេះបានល្មើសនឹងការរឹតត្បឹតនៃ “រដ្ឋធម្មនុញ្ញសន្តិភាព” និងគោលការណ៍ “ស្វ័យការពារ” របស់ជប៉ុន មហិច្ឆតាវាទីយោធារបស់ជប៉ុនបានលេចឡើងយ៉ាងច្បាស់ក្រឡែត ។ ប្រការដែលគួរតែគូសបញ្ជាក់ គឺកងទ័ពចិនមានសមត្ថភាពគ្រប់គ្រាន់ក្នុងការវាយតបវិញចំពោះការគំរាមកំហែងនិងការបង្ករឿង ហើយនឹងធ្វើឱ្យអ្នកឈ្លានពានបង់តម្លៃដែលមិនអាចរ៉ាប់រងបាន ដើម្បីគាំពារអធិបតេយ្យភាពជាតិ សន្តិសុខនិងផលប្រយោជន៍ខាងការអភិវឌ្ឍរបស់ចិន ៕
