ឯកឧត្តម ហ៊ុន ម៉ានី អញ្ជើញជាធិបតីក្នុងពិធីវេរភត្ត និងពូនភ្នំខ្សាច់ ថ្ងៃទី២ នៃបុណ្យចូលឆ្នាំខ្មែរ
ភ្នំពេញ ៖ លោក ហ៊ុន ម៉ានី ឧបនាយករដ្ឋមន្ត្រី និងជារដ្ឋមន្ត្រីក្រសួងមុខងារសាធារណៈ ព្រមទាំងជាប្រធានសហភាពសហព័ន្ធយុវជនកម្ពុជា (ស.ស.យ.ក.) បានអញ្ជើញជាធិបតីក្នុងពិធីវេរភត្តប្រគេនព្រះសង្ឃ និងពូនភ្នំខ្សាច់ នៅថ្ងៃទី២ នៃពិធីបុណ្យចូលឆ្នាំប្រពៃណីជាតិខ្មែរ ត្រូវនឹងថ្ងៃវីរៈវ័នបត។
ពិធីនេះបានប្រារព្ធឡើងនៅបរិវេណ វត្តភ្នំ នាព្រឹកថ្ងៃទី១៤ ខែមេសា ឆ្នាំ២០២៦ ដោយមានការចូលរួមពីមន្រ្តីរាជការ ព្រះសង្ឃ និងប្រជាពលរដ្ឋយ៉ាងច្រើនកុះករ ក្នុងបរិយាកាសសាមគ្គីភាព និងគោរពប្រពៃណីជាតិ។
ពិធីពូនភ្នំខ្សាច់ ត្រូវបានចាត់ទុកថា ជាប្រពៃណីដ៏មានន័យជ្រាលជ្រៅក្នុងព្រះពុទ្ធសាសនា ដោយជាការរំឭកដល់ព្រះចូឡាមណីចេតិយ និងព្រះសារីរិកធាតុនៃព្រះសម្មាសម្ពុទ្ធ។ ការរំឭកនេះ ស្មើនឹងការគោរពដល់ព្រះពុទ្ធបរមគ្រូ ដែលមានគុណធម៌ដ៏អស្ចារ្យចំពោះសត្វលោក រួមមាន បញ្ញាគុណ ករុណាគុណ និងវិសុទ្ធគុណ។
តាមទំនៀមបុរាណ ការចូលរួមពូនភ្នំខ្សាច់ គឺមានន័យដូចជាការចូលរួមសាងសង់ព្រះចេតិយ ថ្វាយព្រះសម្មាសម្ពុទ្ធផ្ទាល់ ដែលជាការបង្កើនសេចក្ដីជ្រះថ្លា និងបង្កើនបុណ្យកុសលសម្រាប់ជីវិត។
ពិធីនេះបានបង្ហាញពីការរួមចំណែកក្នុងការអភិរក្ស និងលើកតម្កើងអត្តសញ្ញាណវប្បធម៌ខ្មែរ ឲ្យបន្តរឹងមាំជារៀងរហូត៕
