មន្ទីរទេសចរណ៍ខេត្តស្ទឹងត្រែងបានសហការជាមួយក្រសួងទេសចរណ៍បានរៀបចំសិក្ខាសាលាផ្សព្វផ្សាយគោលនយោបាយស្ដីពីការលើកកម្ពស់សមភាពយែនឌ័រក្នុងវិស័យទេសចរណ៍ ។
ខេត្តស្ទឹងត្រែង : ថ្ងៃ ព្រហស្បតិ៍ ទី ២១ ខែ ឧសភា ឆ្នាំ២០២៦ ក្រោមអធិបតីភាពដ៏ខ្ពង់ខ្ពស់ លោកជំទាវ ហ៊ុន ដានី រដ្ឋលេខាធិការក្រសួងទេសចរណ៍ ជាប្រធានក្រុមការងារយេនឌ័រ ក្រសួងទេសចរណ៍ និងជាតំណាងដ៏ខ្ពង់ខ្ពស់ ឯកឧត្តម ហួត ហាក់ រដ្ឋមន្ត្រីក្រសួងទេសចរណ៍ និង ឯកឧត្តម សរ សុពុត្រា អភិបាលនៃគណៈអភិបាលខេត្តស្ទឹងត្រែង ។
សិក្ខាសាលានេះ មានគោលបំណងផ្សព្វផ្សាយ និងជំរុញការអនុវត្តគោលនយោបាយសមភាពយែនឌ័រ ដើម្បីបង្កើនការចូលរួមរបស់ស្ត្រី និងបុរសឲ្យមានសិទ្ធិ និងឱកាសស្មើគ្នា ក្នុងការអភិវឌ្ឍវិស័យទេសចរណ៍។
កម្មវិធីនេះក៏បានបង្ហាញពីសារៈសំខាន់នៃការរួមចំណែករបស់ស្ត្រីក្នុងការអភិវឌ្ឍសេដ្ឋកិច្ច សហគមន៍ និងវិស័យទេសចរណ៍នៅមូលដ្ឋានផងដែរ។
ដោយ : កុល សារត្ន័ ស្ទឹងត្រែង ថ្ងៃ ព្រហស្បតិ៍ ខែ ឧសភា ឆ្នាំ ២០២៦ ។
