ឯកឧត្តម ឃួង ស្រេង និងក្រុមគ្រួសារ នាំយកទៀនព្រះវស្សា និងទេយ្យវត្ថុ ប្រគេនព្រះសង្ឃចំនួន១៥១វត្ត ទូទាំងរាជធានីភ្នំពេញ
ភ្នំពេញ៖ នាព្រឹកថ្ងៃទី២៧ ខែកក្កដា ឆ្នាំ២០២៦ ឯកឧត្តម ឃួង ស្រេង អភិបាលនៃគណៈអភិបាលរាជធានីភ្នំពេញ និងភរិយា ព្រមទាំងក្រុមគ្រួសារ ថ្នាក់ដឹកនាំ និងមន្ត្រីរាជការចំណុះឱ្យរដ្ឋបាលរាជធានីភ្នំពេញ បានចូលរួមក្នុងពិធីនាំយកទៀនព្រះវស្សា ទេយ្យវត្ថុ បច្ច័យ និងគ្រឿងបរិក្ខារផ្សេងៗ ប្រគេនដល់ព្រះសង្ឃ ដែលគង់ចាំព្រះវស្សានៅវត្តចំនួន១៥១ ទូទាំងរាជធានីភ្នំពេញ។
ពិធីនេះធ្វើឡើងក្នុងឱកាសបុណ្យចូលព្រះវស្សា ដោយមានការប្រគេនទៀនព្រះវស្សា និងបច្ច័យ ព្រមទាំងទេយ្យវត្ថុ និងគ្រឿងបរិក្ខារផ្សេងៗ ដល់ព្រះសង្ឃ ដើម្បីចូលរួមលើកស្ទួយវិស័យព្រះពុទ្ធសាសនា និងបន្តប្រពៃណីទំនៀមទម្លាប់ដ៏ល្អផូរផង់របស់ជាតិខ្មែរ។
ជាមួយគ្នានេះ ក៏មានការរៀបចំប្រគេនដល់សាលាបុណ្យចំនួន០៥ ក្នុងរាជធានីភ្នំពេញផងដែរ។ ពិធីនេះត្រូវបានប្រារព្ធធ្វើឡើងនៅវត្តច័ន្ទបុរីវង្ស រាជធានីភ្នំពេញ។
