កងរាជអាវុធហត្ថរាជធានីភ្នំពេញ និងប្រជាពលរដ្ឋ បន្តចូលរួមហាត់កីឡា Functional Training ដើម្បីសុខភាព និងកាយសម្បទារឹងមាំ
ភ្នំពេញ៖ នាល្ងាចថ្ងៃសៅរ៍ ទី១៥ ខែសីហា ឆ្នាំ២០២៦ កងរាជអាវុធហត្ថរាជធានីភ្នំពេញ រួមជាមួយបងប្អូនប្រជាពលរដ្ឋជាច្រើន បានបន្តចូលរួមយ៉ាងសកម្មក្នុងកម្មវិធីហាត់កីឡា GRKPP FUNCTIONAL TRAINING ដើម្បីលើកកម្ពស់សុខភាព និងពង្រឹងកាយសម្បទាឱ្យកាន់តែរឹងមាំ។
សកម្មភាពហាត់ប្រាណនេះ ត្រូវបានរៀបចំឡើងក្នុងបរិយាកាសរីករាយ ស្និទ្ធស្នាល និងមានភាពសកម្ម ដោយមានការចូលរួមពីកម្លាំងកងរាជអាវុធហត្ថ និងប្រជាពលរដ្ឋគ្រប់វ័យ។ កម្មវិធីនេះមិនត្រឹមតែជួយពង្រឹងកម្លាំងកាយ និងសុខភាពប៉ុណ្ណោះទេ ប៉ុន្តែថែមទាំងជួយបង្កើតភាពស្និទ្ធស្នាល និងការចូលរួមរបស់កងកម្លាំងជាមួយប្រជាពលរដ្ឋផងដែរ។
គួរបញ្ជាក់ថា នេះជាសប្តាហ៍ទី៣ហើយ ដែលកម្មវិធី GRKPP FUNCTIONAL TRAINING ត្រូវបានរៀបចំឡើងជាបន្តបន្ទាប់ ដោយមានគោលបំណងជំរុញឱ្យប្រជាពលរដ្ឋយកចិត្តទុកដាក់លើការហាត់ប្រាណ និងថែរក្សាសុខភាព តាមរយៈការចូលរួមក្នុងសកម្មភាពកីឡាជាប្រចាំ។
តាមរយៈសកម្មភាពនេះ កងរាជអាវុធហត្ថរាជធានីភ្នំពេញ បានចូលរួមលើកកម្ពស់វប្បធម៌កីឡា និងលើកទឹកចិត្តប្រជាពលរដ្ឋឱ្យចូលរួមហាត់ប្រាណ ដើម្បីទទួលបានសុខភាពល្អ កាយសម្បទារឹងមាំ និងជីវិតប្រកបដោយសុខុមាលភាព។
#កីឡាជាមួយអាវុធហត្ថភ្នំពេញ
#GRKPPFunctionalTraining
#សុខភាពល្អកាយសម្បទារឹងមាំ
