បណ្ណកម្មសិទ្ធិដីធ្លីចំនួន​២.០៣៧ក្បាលដី ​ចែកជូន​ប្រជាពលរដ្ឋ​ដើម្បីធានាការប្រើប្រាស់ស្របច្បាប់

 បណ្ណកម្មសិទ្ធិដីធ្លីចំនួន​២.០៣៧ក្បាលដី ​ចែកជូន​ប្រជាពលរដ្ឋ​ដើម្បីធានាការប្រើប្រាស់ស្របច្បាប់

ខេត្តស្ទឹងត្រែង- ​បណ្ណកម្មសិទ្ធដីធ្លី ចំនួន ២.០៣៧ក្បាលដី បានចែកជូនប្រជាពលរដ្ឋទាំង​១.៣៥៨គ្រួសារ ទៀតនៅក្នុងឃុំចំនួន៣ក្នុងស្រុកសេសាន ដែលមន្ត្រីជំនាញបានធ្វើឱ្យការចុះបញ្ជីដីធ្លីមានលក្ខណៈជាប្រព័ន្ធ​រួចមក ​ដើម្បីធានាដល់ការប្រើប្រាស់ដីធ្លីស្របច្បាប់ ។

      ក្នុងពិធី​ចែកបណ្ណកម្មសិទ្ធិដីធ្លីជូនម្ចាស់អចលនវត្ថុជូនប្រជាពលរដ្ឋ​នៅក្នុងឃុំចំនួន៤ក្នុងស្រុកសេសាន ​ខេត្តស្ទឹងត្រែងថ្ងៃទី១១វិច្ឆិកាឆ្នាំ២០២៦ឯកឧត្តមផៃប៊ុនឈឿន រដ្ឋមន្ត្រីប្រតិភូអមនាយករដ្ឋមន្ត្រីនិងជាប្រធានក្រុមការងារ រាជរដ្ឋាភិបាលចុះមូលដ្ឋានខេត្តស្ទឹងត្រែងមានប្រសាសន៍ថា៖ ​ប្រជាពលរដ្ឋដែលមកទទួលបានបណ្ណកម្មសិទ្ធិដីធ្លីនេះ ជួយបន្តផ្សព្វផ្សាយទៅបងប្អូនប្រជាពលរដ្ឋយើងផ្សេងៗទៀតឱ្យមកទទួលយក និងយល់ដឹងពីអ្វីជាការដឹកនាំរបស់រាជរដ្ឋាភិបាល អ្វីជាការដឹកនាំរបស់ អាជ្ញា
ធរដែនដីខេត្ត ស្រុក ក្នុងគោលបំណងការពារនូវអាយុជីវិត ការពារនូវជីវភាពរស់នៅ ដែលជាផលប្រ​យោជន៍របស់ប្រជាពលរដ្ឋយើង ។
    ឯកឧត្តមមានប្រសាសន៍ទៀតថា  ពេលទទួលបានប័ណ្ណកាន់កាប់ស្របច្បាប់ហើយ  បងប្អូនយើងត្រូវយកចិត្តទុកដាក់ធ្វើការងារបង្កបង្កើនផល​ ដើម្បី​ជីវភាពរបស់យើង ​ជារឿងសំខាន់  និងយកចិត្តទុកដាក់ពីបញ្ហាសុខភាពរបស់ខ្លួនឯង។
     ឯកឧត្តមសរ សុពុត្រា អភិបាលខេត្តមានប្រសាសន៍ដែរថា៖ នេះជាការផ្តល់ជូនម្ចាស់ក្បាលដីនូវឯកសារដ៍មានសារៈសំខាន់ ដែលបញ្ជាក់ពីសិទ្ធស្របច្បាប់ របស់ម្ចាស់ក្បាលដីនីមួយៗ ហើយបងប្អូននិងទទួលបាននូវសុវត្ថិភាព  នៃការកាន់កាប់ប្រើប្រាស់អាស្រ័យផល  លើដីធ្លីរបស់ខ្លួន និងចាត់ចែងដីរបស់ខ្លួន ផ្តាច់មុខស្របច្បាប់  និងបានទូលំទូលាយផងដែរ។
​​​     លោកស្រីជឿនសីហា​​ ប្រជាពលរដ្ឋរស់នៅឃុំស្តៅ១​បានទទួលស្គាល់ថា បណ្ណសម្គាល់កម្មសិទ្ធិកាន់កាប់អចលនវត្ថុនេះ ពិតជាមានតម្លៃ​ ព្រោះមានការទទួលស្គាល់ពីរាជរដ្ឋាភិបាល​  និងការ​ទទួលស្គាល់ពីអាជ្ញាធរមូលដ្ឋានផងដែរ  ​​​។   
​    លោក​ស្រីសប្បាយចិត្ត​និងថែរក្សាបណ្ណនេះឲ្យបានល្អ  ដើម្បី​ការរស់នៅមានសុវត្ថិភាព​ និងចៀសវាងរឿង​​ទំនាស់ផ្សេងៗដែលកើតមានឡើងដោយសារ​ដីធ្លី ។
        សូមបញ្ជាក់ថា៖​ ​ ​​មន្ទីររៀបចំដែនដីនគររូបនីយកម្មសំណង់និងសូរិយោគដីខេត្ត ​ចេញបណ្ណកម្មសិទ្ធិសម្គាល់អចលនៈវត្ថុជូនប្រជាពលរដ្ឋយើងនេះមានបណ្ណចំនួន២.០៣៧បណ្ណស្មើនិង១.៣៥៨គ្រួសារ ក្នុងចំណោមភូមិចំនួន០៧ភូមិ នៅក្នុងឃុំចំនួន៤នេះ  មានឃុំសាមឃួយ ឃុំភ្លុក​ និងឃុំស្តៅ ឃុំស្រែគរ ក្នុងស្រុកសេសាន ​។
ដោយ÷ កុល សារ័ត្ន សហការីរស្មីញូស៍ប្រចាំខេត្តស្ទឹងត្រែង។