ក្រុមការងារអាវុធហត្ថខណ្ឌទួលគោក ចុះសួរសុខទុក្ខគ្រួសារសមាជិកដែលភរិយាទើបសម្រាលកូន
ភ្នំពេញ៖ នៅព្រឹកថ្ងៃទី១៧ ខែកក្កដា ឆ្នាំ២០២៦ លោកវរសេនីយ៍ឯក ឡុង វិចិត្រា មេបញ្ជាការអាវុធហត្ថខណ្ឌទួលគោក បានចាត់តាំងក្រុមការងារ នាំយកអំណោយចុះសួរសុខទុក្ខ និងផ្តល់ការលើកទឹកចិត្តដល់គ្រួសារលោកនាយចំណង់ ឈិត គឹមសេង ជំនួយការអាវុធហត្ថខណ្ឌទួលគោក ដែលភរិយាទើបសម្រាលកូន និងកំពុងសម្រាកថែទាំសុខភាពនៅមជ្ឈមណ្ឌលជាតិគាំពារមាតា និងទារក (មន្ទីរពេទ្យជប៉ុន) ស្ថិតនៅសង្កាត់ស្រះចក ខណ្ឌដូនពេញ រាជធានីភ្នំពេញ។
ក្នុងឱកាសនោះ ក្រុមការងារបាននាំយកអំណោយ និងថវិកាមួយចំនួន ជូនដល់គ្រួសាររបស់លោកនាយចំណង់ ឈិត គឹមសេង រួមមាន ទឹកសុទ្ធចំនួន ០២កេស និងទឹកដោះគោឆៅចំនួន ០២យួរ ព្រមទាំងថវិកាមួយចំនួនទៀត ដើម្បីចូលរួមសួរសុខទុក្ខ និងជួយសម្រួលដល់ការថែទាំសុខភាពមាតា និងទារក។
សកម្មភាពនេះបង្ហាញពីការយកចិត្តទុកដាក់ និងស្មារតីសាមគ្គីភាពរបស់ថ្នាក់ដឹកនាំ និងកម្លាំងអាវុធហត្ថខណ្ឌទួលគោក ចំពោះសុខទុក្ខ និងជីវភាពរស់នៅរបស់សមាជិក និងក្រុមគ្រួសារ៕