.កងរាជអាវុធហត្ថរាជធានីភ្នំពេញ និងប្រជាពលរដ្ឋ បន្តសកម្មភាព GRKPP RUNNING បង្កើនសុខភាព និងសាមគ្គីភាព
ភ្នំពេញ៖ នាល្ងាចថ្ងៃសៅរ៍ ទី២២ ខែសីហា ឆ្នាំ២០២៦ កងរាជអាវុធហត្ថរាជធានីភ្នំពេញ បានរួមជាមួយបងប្អូនប្រជាពលរដ្ឋជាច្រើន បន្តចូលរួមយ៉ាងសកម្មក្នុងកម្មវិធីហាត់កីឡា GRKPP RUNNING ក្រោមបរិយាកាសរីករាយ ស្និទ្ធស្នាល និងប្រកបដោយសាមគ្គីភាព។
សកម្មភាពនេះ គឺជាសប្តាហ៍ទី៤ហើយ ដែលកងរាជអាវុធហត្ថរាជធានីភ្នំពេញ បានរៀបចំ និងបន្តជំរុញឱ្យប្រជាពលរដ្ឋចូលរួមហាត់ប្រាណជាប្រចាំ ដើម្បីលើកកម្ពស់សុខភាព និងពង្រឹងកាយសម្បទាឱ្យកាន់តែរឹងមាំ។
តាមរយៈការរត់ហាត់ប្រាណ និងហាត់កីឡារួមគ្នា កម្មវិធីនេះមិនត្រឹមតែផ្តល់អត្ថប្រយោជន៍ដល់សុខភាពផ្លូវកាយប៉ុណ្ណោះទេ ប៉ុន្តែថែមទាំងបានបង្កើតនូវចំណងមិត្តភាព ភាពស្និទ្ធស្នាល និងសាមគ្គីភាពរវាងកងរាជអាវុធហត្ថ និងប្រជាពលរដ្ឋផងដែរ។
ការចូលរួមរបស់ប្រជាពលរដ្ឋក្នុងកម្មវិធី GRKPP RUNNING ក៏បានបង្ហាញពីការយកចិត្តទុកដាក់លើសុខភាពផ្ទាល់ខ្លួន និងការរួមចំណែកលើកកម្ពស់សុខភាពសាធារណៈ តាមរយៈការធ្វើលំហាត់ប្រាណជាប្រចាំ។
កម្មវិធី GRKPP RUNNING ត្រូវបានចាត់ទុកថា ជាសកម្មភាពដ៏មានប្រយោជន៍មួយ ដែលជួយលើកទឹកចិត្តប្រជាពលរដ្ឋគ្រប់ស្រទាប់វណ្ណៈ ឱ្យចាប់អារម្មណ៍ និងបង្កើតទម្លាប់ហាត់ប្រាណជាប្រចាំ ដើម្បីមានសុខភាពល្អ កាយសម្បទារឹងមាំ និងជីវិតរស់នៅប្រកបដោយគុណភាព។
កងរាជអាវុធហត្ថរាជធានីភ្នំពេញ នឹងបន្តជំរុញសកម្មភាពកីឡា និងការចូលរួមជាមួយប្រជាពលរដ្ឋ ដើម្បីរួមគ្នាកសាងសហគមន៍មួយដែលមានសុខភាពល្អ សុវត្ថិភាព និងភាពស្និទ្ធស្នាលរវាងកងកម្លាំង និងប្រជាពលរដ្ឋ។
#កីឡាជាមួយអាវុធហត្ថភ្នំពេញ #GRKPPRUNNING #សុខភាពល្អកាយសម្បទារឹងមាំ
