សមិទ្ធផលថ្មីចំនួនពីរកើត ឡើងនៅលើទឹកដីខេត្តស្ទឹងត្រែង

 សមិទ្ធផលថ្មីចំនួនពីរកើត ឡើងនៅលើទឹកដីខេត្តស្ទឹងត្រែង

ខេត្តស្ទឹងត្រែង-អភិបាលខេត្តស្ទឹងត្រែង​ចាត់ទុកសមិទ្ធផលចំនួន២ដែលទទួលបាន​ការជួយឧបត្ថម្ភពីក្រុមហ៊ុនហ័ងអាញ​ហ្សាឡាយ (វៀតណាម) ពិតជាបានជួយអភិវឌ្ឍធនធានមនុស្ស ជាពិសេសយុវជនឱ្យមានសមត្ថិភាព និងកុមារឱ្យមានចំណេះដឹង ។​ ​

    ក្នុងពិធីក្រុងពាលីបញ្ចុះបឋមសិលាសាងសង់អាគារសិក្សានិងស្ថាបនាកីឡាដ្ឋាន ក្នុងគម្រោងទឹកប្រាក់២លានដុល្លារ នៅក្រុងខេត្តស្ទឹងត្រែងថ្ងៃទី១៩វិច្ឆិកាឆ្នាំ២០២៦ ឯកឧត្តមសរ សុពុត្រា អភិបាលខេត្ត មានប្រសាសន៍ថា៖ចំណុចទាំងអស់នេះជាលទ្ធផល ​ស្ដែងចេញ អំពី យក ចិត្តទុកដាក់ ទៅលើកុមារនិងយុវជន​ ដែលជាទំពាំងស្នងឬស្សី ដើម្បីបន្តវេនដឹកនាំប្រ​ទេសជាតិ។
     ឯកឧត្តមមានប្រសាសន៍ទៀតថា ​ការសាងសង់​សមិទ្ធផលទាំងពី​នេះ គឺជាការផ្ដល់នូវកាលានុវត្តភាពថ្មីនៅក្នុងវិស័យអប់រំនិងកីឡា ហើយចំណែកយុវជនបាន​ហ្វឹកហាត់កីឡា​​ជួយពង្រឹងនៅសមត្ថភាពរបស់ពួកគាត់។
 (សំឡេង)​អីចឹងការសាងសង់នៅកីឡាដ្ឋាន ស្ទឹងត្រែង ហ័ងអាញហ្សាឡាយនេះគឺជាការផ្ដល់នូវការលានុវត្តភាពថ្មី​ នៅកីឡាដែលជាការជួយពង្រឹងសមត្ថភាពរបស់ពួកគាត់ អនុវត្តទៅតាមប្រ​សាសន៍ដឹកនាំរបស់ សម្ដេចអគ្គមហាសេនាបតីតេជោហ៊ុនសែន ដែល​ថាប្រជាជន​កម្ពុជាមួយនាក់ លេងកីឡាមួយប្រភេទ។
    លោកង្វៀង សួនថាំង អគ្គនាយកហ៊ុនហ័ងអាញ​ហ្សាឡាយ (វៀតណាម)ប្រចាំខេត្តស្ទឺងត្រែងបានបញ្ជាក់ថា ការរៀបចំសា​ងសង់សមិទ្ធផលទាំងពីនេះ គឺយើងអនុវត្តនៅអនុស្សរណៈយោគយល់គ្នា ក្នុងកិច្ចសហប្រតិបត្តិការរដ្ឋបាល​អភិវឌ្ឍរួមគ្នា ដែលបានសន្យាកន្លងមក ។
     លោកបន្តថា កិច្ចការងារនេះ មានគោលបំណង​លើកកម្ពស់ហេដ្ឋារចនាសម្ព័ន្ធអប់រំ និងជំរុញសាលារៀនឱ្យក្លាយជាសាលាគំរូសម្រាប់កុមារ  ហើយយុវជនមានសមត្ថភាពផ្នែកកីឡា  ដើម្បីបំពេញវត្ថុបំណង ក្នុងការរឹតចំណងសាមគ្គីភាពគ្នាយូរអង្វែង ផងដែរ។
     សូមបញ្ជាក់ថា ការសាងសង់សមិទ្ធផលទាំងពីនេះ រួមមានអគារសិក្សា ១ខ្នង មាន ៦បន្ទប់ និងអគារទីចាត់ការ១ខ្នង និងបំពាក់សម្ភារៈបរិក្ខា​ដើម្បីគាំទ្រដល់ការបង្រៀន ការរៀន ​នៅក្នុងបរិវេនសាលាបឋមសិក្សាស្ទឹងត្រែងក្រុង​  និងស្ថាបនាកីឡាដ្ឋានលើទីតាំងចាស់ដែលមានផ្ទៃដីជិតពីហិកតា ​នៅក្នុងភូមិព្រែកសសង្កាត់ក្រុងខេត្តស្ទឹងត្រែង  ដើម្បីលើកកម្ពស់វិស័យអប់រំឱ្យកាន់តែរីកចម្រើនឡើង  ។
 ដោយ÷កុល សារ័ត្ន សហការីរស្មីប្រចាំខេត្តស្ទឹងត្រែង