អភិបាលខេត្តស្ទឹងត្រែងណែនាំឱ្យយុវជនជំនាន់ទី១ប្រឹងប្រែងហ្វឹកហាត់ធ្វើជា​ទាហានល្អបម្រើជាតិ

 អភិបាលខេត្តស្ទឹងត្រែងណែនាំឱ្យយុវជនជំនាន់ទី១ប្រឹងប្រែងហ្វឹកហាត់ធ្វើជា​ទាហានល្អបម្រើជាតិ

ខេត្តស្ទឹងត្រែង- អភិបាលខេត្តស្ទឹងត្រែងណែនាំឱ្យយុវជនជំនាន់ទី១ចូលបំពេញ​កាតព្វយោធាដោយស្ម័គ្រចិត្ត ត្រូវអនុវត្ត​តាមបទបញ្ជារបស់គណៈគ្រប់គ្រងវគ្គ​ ធ្វើ​ជាក្រុមយុវជនកាតព្វកិច្ច ​ពោរពេញទៅដោយសមត្ថភាព ចំណេះដឹង សុជីវធម៌ សីលធម៌ វិន័យនិងសេចក្តីថ្លៃថ្នូរសម្រាប់បម្រើជាតិ។
​        ក្នុងពិធីសំណេះសំណាលនិងជូនដំណើរប្រជាពលរដ្ឋត្រូវចូលបំពេញកាតព្វកិច្ចយោធាទៅសាលាហ្វឹកហ្វឺនកងទ័ព  នៅថ្ងៃទី០៤វិច្ឆិកា២០២៦  ឯកឧត្តមសរ សុពុត្រា អភិបាលខេត្តមានប្រសាសន៍ថា  ការចូលបំពេញកាតព្វកិច្ចជាកងទ័ពត្រូវតែគោរពវិន័យ បទបញ្ជា របស់គណៈគ្រប់គ្រងវគ្គរបស់យើងឲ្យខាងតែបាន  ព្រោះកងទ័ព​គឺវិន័យនេះសំខាន់ណាស់ គ្រួសារយើងតូច គ្រួសារយើងក្រ ក៏ប៉ុន្តែគ្រួសារយើងមានវិន័យ មានសេចកថ្លៃថ្នូរ​ នេះគឺជាកត្តាកំណត់។
        ឯកឧត្តមមានប្រសានសន៍បន្តថា នេះជាក្រិតក្រមរបស់កងទ័ពដូចនេះប្អូនៗត្រូវខិតខំរៀនសូត្រ ហ្វឹកហាត់ទាំងអស់គ្នា ធ្វើជា​នាយទាហាន​ ពលទាហានមួយរូប សម្រាប់បម្រើជាតិនិង​នៅជុំវិញរាជរដ្ឋាភិបាលរបស់យើង​ ​ ​(សំឡេង) អញ្ចឹងប្អូនៗត្រូវធ្វើជាគំរូ សម្រាប់ជំនាន់ជាបន្តបន្ទាប់ទៀត​ នៅពេលដែលប្អូនៗចប់ទៅ​  ប្អូនៗជំនាន់ទី២ចូល លោកគ្រូ គណៈគ្រប់គ្រងវគ្គ ប្រាកដ​ជាសរសើរថាជំនាន់ទីមួយធ្វើបានល្អណាស់​ អញ្ចឹងជំនាន់ទី២ ត្រូវធ្វើឲ្យបានល្អឬធ្វើឲ្យលើសជំនាន់ទី១ អីចឹងចូលទៅដល់ក្នុងសាលា​គឺយើង ប្រើប្រាស់នៅទិសស្លោក​នៅផ្ទះ ម្ដាយទៃទៃនៅព្រៃម្តាយជាមួយ។
       យុវជនឆាយ លីហ្សា ស្ម័គ្រចិត្តបំពេញកាតព្វកិច្ចមកពីភូមិអន្លុងស្វាយឃុំព្រះរំកិលស្រុកបុរីអូរស្វាយសែនជ័យ បានប្តេជ្ញាអនុវត្តតាមអនុសាស្ត្រដ៍ល្អរបស់ឯកឧត្តមអភិបាលខេត្ត  ដើម្បីសម្រប​ខ្លួន ឱ្យក្លាយទៅជាវីរៈកងទ័ពមានវិន័យ មានចំណេះដឹង គ្រប់គ្រាន់ ធ្វើជាគំរូសម្រាប់អ្នកជំនាន់ក្រោយ។
    សូមបញ្ជាក់ថា៖ តាមការឱ្យដឹងពីលោកឧត្តមសេនីយ៍ត្រី តន ឆៃមេបញ្ជាការតំបន់ប្រតិបត្តិការសឹករង​ខេត្តស្ទឹងត្រែង នៅយោធភូមិភាគទី១ មានយុវជនកាតព្វកិច្ចចំនួន៥០០នាក់ ចូលមកហ្វឹកហ្វឺកក្នុងរយៈពេល៣ខែ ក្នុងនោះសម្រាប់ខេត្តស្ទឹងត្រែង១១២នាក់  មណ្ឌលគីរី៧៨នាក់ រតនគីរី១៦៥នាក់   និងខេត្តព្រះវិហារ ១៤៥នាក់៕
ដោយ÷ កុល សារ័ត្ន សហការីរស្មីញូស៍ប្រចាំខេត្តស្ទឹងត្រែង ។